Wednesday, March 27, 2013


Tagalog news: Kampanya laban sa kriminaliad at lahat ng uri ng ilegal na gawain pinalakas ng pulisya

By Rogelio Lazaro

LUNGSOD NG MASBATE, Marso 27 (PIA) -- Nagbigay ng kautusan ang commander ng Regional Special Task Group na si Sr. Supt. Arnold Albis na mobilisahin ang lahat ng unit ng RSOTG at Philippine National Police sa Masbate para lalo pang mapalakas ang pagtugon sa lahat ng uri ng kriminalidad at ilegal na gawain sa lalawigan.

Partikular na nakapaloob sa kautusan ang pagtugis sa Private Armed Groups, organisadong grupong kriminal, gangs, ilegal na operasyon ng sugal, mga taong pinaghahanap ng batas at ang mga may hawak ng loose firearms.

Sa ulat ng pulisya, nitong buwan ng Marso umabot na sa 1,521 wanted persons ang naaresto, 1,555 illegal firearms ang nakumpiska simula nang ipatupad ng kapulisan ang gun ban sa buong kapuluan noong January 13, 2013. Nagresulta rin ito ng pagkakasamsam ng 13, 804 deadly weapons at iba pang ipinagbabawal na gamit.

Ayon sa Police Investigation and Detection Management Branch, noong Marso 21, umabot sa 41 firearms ang nakumpiska, 77 ang na-impound na motorsiklo, 17 ang naarestong may kinalaman sa illegal number games, ito’y simula ng paigitingin ng pulisya ang kampanya laban sa kriminalidad noong nakalipas na buwan at bunga rin ito ng masigasig na pagkilos ng RSOTG sa lalawigan.

Sa buwang kasalukuyan at sa bisa ng search warrants na inilabas ng korte, sunod-sunod ang matagumpay na magkakahiwalay na operasyon ng mga elemento ng pulis na nagresulta ng pagkakahuli sa apat na suspek at pagsamsam sa iba’t-ibang uri ng kalibre at mga bala, nasampahan na rin ng kaukulang kaso ang mga nahuling suspek.

Ang kaganapang ito’y bunga ng masigasig na pagtupad sa kautusan ng mga otoridad na habulin ang sinumang sangkot sa anumang uri ng krimen sa lalawigan.

Nanawawagan din sila sa mga mamamayan na huwag mag-atubiling ipagbigay-alam sa may kapangyarihan ang kanilang nalalamang ilegal na gawain ng ilang grupo o indibidwal, maari nilang itong isumbong sa mga sumusunod, Dial 117 o i-Text sa 2920; Isumbong mo kay TSIP: 0917-8475757; Twitter: @PNP_SAFE2013 and Facebook: pnpsafe2013@yahoo.com. (MAL/RAL-PIA5/Masbate)


Tagalog news: DSWD 5 paiigtingin ang kampanya laban sa epal

LUNGSOD NG LEGAZPI, Marso 27 (PIA) -- Sa opisyal na pagsisimula ng panahon ng pangangampanya ng mga kandidato sa lokal na mga posisyon, lalong paiigtingin ng Department of Social Welfare and Development (DSWD) sa Rehiyon Bikol ang kampanya nito laban sa mga Epal upang hadlangan ang binabalak ng ilang politiko na pagsamantalahan ang mga programa at proyekto ng ahensiya para sa mahihirap upang maging popular at magkaroon ng positibong imahe.

“Ilulunsad namin ang kampanyang Bawal Ang Epal sa Abril 4 sa pakikipagtulungan sa COMELEC at ng medya,” sabi ni DSWD Regional Director Arnel Garcia sa isang panayam sa programa sa radio na “Aramon Ta Daw” ng Philippine Information Agency (PIA) sa Rehiyon Bikol.

Nakakatanggap ang DWSD ng mga ulat at sumbong galing sa mga benepisyaryo ng Pantawid Pamilyang Pilipino Program na higit na kilala sa tawag n 4Ps tinatakot ng ibang nasa posiyon na mga politiko ang mga benepisyaryo na tatanggalin sila diumano sa listahan ng mga benepisyaryo ng 4Ps kung hindi sila iboboto sa darating na halalan, ayon kay Garcia.

Mayroon din ng mga insidente na isinusumbong naman ng mga katunggaling politiko ang kanilang mga kalaban sa pwesto na diumano’y ginagamit ang mga programa ng DSWD para sa kanilang kapakanan, ayon kay Garcia.

“Ang DSWD Central Office lamang ang may kapangyarihan upang tanggalin sa listahan ang mga benepisyaryo ng 4Ps at hindi ang mga lokal na opisyal,” sabi ni Garcia.

Magsisimula ang information drive sa Albay at pupunta sa mga probinsiya ng Camarines, Masbate at sa iba pang probinsiya sa Bikol, ayon kay Garcia.

“Hindi dapat matakot ang publiko na ipagbigay-alam ang mga katiwalian dahilan sa inililihim ng ahensiya ang pagkakakilanlan ng mga nagsusumbong,” sabi ni Garcia. Mahalaga ang papel ng medya sa pagbibigay ng impormasyon sa publiko tungkol sa kampanaya upang lumakas ang kanilang loob upang iulat ang mga pananakot o mga pang-aabuso ng mga tiwaling politiko, ayon pa kay Garcia. (Joseph John Perez/MAL/PIA5/Albay)



Tagalog news: Paglabag sa Gun Ban muling naitala sa Sorsogon

By Benilda A. Recebido

LUNGSOD NG SORSOGON, Marso 27 (PIA) -- Apat na kalalakihan ang inaresto ng mga awtoridad matapos na mapatunayang lumabag ito sa Comelec Resoulution No. 9561-A o pagdadala ng baril nang walang pahintulot at inamit pang panakot sa panahong ipinatutupad ang gun ban.

Sa ulat ng Sorsogon Police Provincial Office, agad na rumesponde ang mga awtoridad matapos na matanggap ang ulat na isang Jail Officer ng Bureau of Jail Management and Penology (BJMP) na nakabase sa Brgy Balogo, lungsod ng Sorsogon, nung Biyernes ang tinutukan ng baril ng apat na suspek at isang menor de edad sa Brgy. Penafrancia, lungsod ng Sorsogon matapos na tumanggi ang Jail Officer sa alok ng mga ito na makipag-inuman sa kanila.

Nakumpiska mula sa mga ito ang isang Cal. 9mm Perabellum na may serial number 8481 at gawa sa Hungary; 11 bala at isang magazine para sa Cal. 9mm Perabellum at isang Cal. 45 na Toy Gun Replica na may tatak na Colt Double Eagle Sorsogon kaugnay ng paglabag dito.

Samantala, patuloy din ang panawagan ng mga awtoridad sa publiko na sumunod sa mga ipinatutupad na batas nang sa gayon ay maiwasang maharap sa mabibigat na mga kaparusahan o suliranin. (MAL/BAR-PIA5/Sorsogon)


Tagalog news: Comelec magsasagawa ng PCOS Machine Orientation Seminar sa mga guro na magsisibi sa eleksyon 2013

Ni Francisco B. Tumalad

LUNGSOD NG SORSOGON, Marso 27 (PIA) -- Bilang paghahanda sa nalalapit na National Election sa Mayo 13, 2013 ay inihahanda na rin ng Commission on Election (Comelec) ang mga gurong itatalaga sa mga voting precinct sa pamamagitan ng pagbibigay oryentasyon sa mga ito.

Kahapon ay isinagawa ang PCOS Orientation Seminar Vera Mariz sa Bayan ng Gubat, Sorsogon upang ituro sa mga guro ang tamang paggamit at operasyon ng PCOS Machine.

Ayon kay Comelec Sorsogon Provincial Election Supervisor Atty. Calixto Aquino Jr. tutuon ang oryentasyon sa general guidelines na binuo ng Comelec na siyang susundin ng mga guro sa darating na halalan sa Mayo 13, 2013. Ito umano ang magsisilbing gabay ng mga guro sa mga alituntunin dapat gawin bago, sa mismong araw, at pagkatapos ng botohan.

Dagdag pa ni Atty. Aquino na abala na rin ang lahat ng mga Board of Election Inspector Supervisor sa buong Sorsogon na siyang mangangasiwa at aasiste sa naturang seminar.

Obserbasyon ng ilang mga guro sa lungsod ng Sorsogon na halos ay pinili din ang mga bata pa sa kanilang distrito na sumailalim sa nasabing oryentasyon.

Pagkatapos ng unang batch kahapon ay ipagpapaliban ito ng siyam na araw upang bigyang-daan ang obserbasyon ng Semana Santa at pagkatapos ay muling ipagpapatuloy ito sa Abril 4 -11, 2013.

Tiniyak din ng Comelec na tatanggap ng honorarium ang bawat guro na dadalo sa nasabing oryentasyon. (MAL/FB Tumalad, PIA Sorsogon)


Tagalog news: Resulta ng pag-aaral sa limang barangay sa Sorsogon City inilatag ng Coastal CORE, Inc.

By Benilda A. Recebido

LUNGSOD NG SORSOGON, Marso 27 (PIA) -- Iprinisinta kahapon ng Coastal Community Resources (CORE) and Livelihood Development, Inc. sa kanilang mga partner at iba pang mga stakeholder ang resulta ng kanilang mga isinagawang pag-aaral sa mga barangay ng Caricaran, Bogna, Bato, Salvacion at Gatbo sa distrito ng Bacon, lungsod ng Sorsogon sa ilalim ng Convenio Project.

Sa paliwanag ni Coastal CORE Executive Director Shirley Bolanos, inilatag nila sa kanilang mga partner at iba pang stakeholder ang resulta ng ginawa nilang Household Income Profiling Result sa lungsod ng Sorsogon; Imbentaryo ng mga gamit pangisda, limang pangunahing isdang huli sa bawat gamit pangisda at panahon kung kailan malaki ang mahuhuli ng kagamitang ito; Screwpine Study o pag-aaral ng “Karagumoy,” kasama na ang Feasibility Study para sa pasilidad sa pagpapatuyo ng Karagumoy at Bariw.

Ang Household Income Profiling na ginawa nila ay isa umanong pag-aaral upang makita ang antas ng ibinigay na kontribusyon ng Convenio o ng partnership project na pinopondohan ng AECID sa Pilipinas, kumpara sa kinikita ng pamilyang benepisyaryo ng proyekto.

Sa presentasyon, lumalabas na tumaas ng 66 porsyento ang kabuuang kita ng pamilya ng mangingisda sa tulong ng Convenio Project sa loob ng limang taon.

Sa bahagi naman ng imbentaryo, iba’t ibang mga mekanismo na suportado ng Convenio ang ginamit upang matukoy ang iba’t ibang mga gamit pangisda, mga isdang nahuhuli gamit ito at ang panahong angkop gamitin ito. Ang pag-aaral ay isinagawa sa Sugod Bay sa distrito ng Bacon, lungsod na Sorsogon.

Lumalabas na karamihan sa mga mangingisda ay gumagamit ng single ply at 3-ply na lambat dahilan sa mataas na huli ng magagandang uri ng isda limang buwan sa loob ng isang taon. Habang ang bunuan na pumapangatlo lamang sa gamit sa pangisda ay may magandang huli ng isda anim hanggang limang buwan sa loob ng isang taon.

Inilahad din ang katayuan ng pagpapalaki at produksyon ng karagumoy sa Miguel A. Deniega Ecofarm at ang ginawang feasibility study para apat na modelo sa pagpapatuyo ng karagumoy at bariw na maaaring gamitin ng mga household beneficiaries.

Ang karagumoy at bariw ay mga uri ng materyal na ginagamit sa paggawa ng mga handicraft tulad ng bayong, bag, banig at iba pa.

Ayon pa kay Bolanos, maliban sa nais nilang mailahad ang resulta ng kanilang mga pag-aaral sa komunidad, nais din nilang kunin ang mga pananaw, komento, ideya at commitment ng mga dadalo bilang basehan para sa mga mas konkreto pang hakbang para sa pag-unlad pa ng mga komunidad na kanilang tinutulungan.

Ginawa umano ang mga pag-aaral sa iba-ibang mga panahon at limang taon ang ginugol para sa pagpapatupad ng buong proyekto. (MAL/BAR-PIA5 Sorsogon)

Tuesday, March 26, 2013


Tagalog news: Kaso ng pang-aabuso sa kababaihan bumaba sa Camarines Norte

By Rosalita B. Manlangit

DAET, Camarines Norte, Marso 25 (PIA) -- Bumaba ng lima o kabuuang 56 ang naitalang kaso ng paglabag sa Republic Act 9262 o "Anti-Violence Against Women and their Children Act" ang naisampa sa korte sa taong 2012 kumpara sa 61 kaso ng nakaraang 2011 sa lalawigang ito.

Ito ang ipinahayag ni P/Insp. Ana Rose A. Domingo, hepe ng Women’s and Children’s Protection Desk (WCPD) ng Camarines Norte Police Provincial Office (CNPPO) sa isinagawang “Talakayan sa PIA” ng Philippine Information Agency ng Camarines Norte kung saan tampok ang “Women’s Month Celebration” kamakailan na may temang “Kababaihan: Gabay sa pagtahak sa Tuwid na Daan.”

Sinabi ni P/Insp. Domingo na ang pagbaba ng bilang ng mga kaso na isinampa ng mga kababaihan dahilan sa pang-aabuso ay ang kanilang patuloy na pagbibigay ng kamalayan o social awareness sa mga paaralan para sa mga mag-aaral at mga guro tungkol sa RA9262 o anti-violence against women and children.

Ayon sa kanya karamihan ng mga kasong naisampa ay panggagahasa, tangkang panggagahasa, panggagahasa batay sa RA 9262, physical injuries, acts of lasciviousness, pananakot, concubinage, qualified trespass to dwelling at unjust vexation.

Sinabi niya na sa karahasan laban sa mga kabataan ay nakapagtala sila ng 106 na kaso ng nakaraang taon masmataas kumpara sa 81 ng taong 2011. Ang dahilan nito ay ang mga bata ay mahina at hindi alam na sila ay naaabuso na.

Ipinaliwanag rin niya na ang kanilang opisina ay nagpapanatili ng pagtatago ng katauhan ng biktima ng pang aabuso sa pamamagitan ng hindi pagbibigay ng pangalan ng biktima at ng suspek upang maiwasan ang psychological distress sa bahagi ng biktima.

Sinabi naman ni SWAI Dolores Tresmonte, ang GAD Focal Person ng Provincial Social Welfare and Development Office (PSWDO) na sila ay nagbibigay ng paggabay o counseling sa mga naabusong kababaihan at kabataan lalong lalo na sa mga barangay na ginagawa ng Municipal Social Welfare and Development Office (MSWDO).

Aniya, ang pamahalaang panlalawigan ay nagpapanatili ng isang "Halfway Home" o isang tahanan ng mga naabusong kababaihan at kabataan kung saan isinasagawa ang counseling at pagsasanay sa mga kababaihan para sa alternatibong pangkabuhayan upang hindi umasa sa asawa o sa ibang tao.

Sinabi rin niya na isinasama ng ang pamahalaang panglalawigan ang Gender and Development (GAD) sa kanilang programa kung saan isa rito ang pagsagawa ng GAD orientation para sa mga empleyado nito sa pakikipagtulungan ng United Nations Population Fund (UNFPA).

Idinagdag niya na ang lalawigan ay may Provincial Council for the Protection of Children (PCWC), isang samahan ng mga ahensiya ng pamahalaan at mga pribadong sektor upang matugunan ang mga isyu sa mga menor de edad na kababaihan lalong lalo na ang mga nagtratrabaho sa videoke bars sa lalawigan. Nagsagawa na rin sila ng ‘dikit paalala’ upang bawalan ang mga menor de edad na magtrabaho sa mga videoke bars.

Ang “Talakayan sa PIA” ay pinangungunahan ni ICM Rose Manlangit ng PIA at dinaluhan ng mga mamamahayag at brodkaster ng Hello Bicol at Dateline Camarines Norte ng STV6, Pipol Event News (PEN), Nation News, Bicolandia Updates, DWYD-FM Bay Radio, DWLB-FM Labo, DWSL-FM, DWCN-FM-Radyo ng Bayan at DWSR-FM-Power Radio. (MAL/RBM/PIA5)


Tagalog news: Buhay ng bawat pamilyang walang bahay ay aasenso ayon sa benepisyaryo ng GK

By Rosalita B. Manlangit

DAET, Camarines Norte, Marso 26 (PIA) – “Ang buhay ng bawat pamilyang walang bahay ay aasenso sa pamamagitan ng Gawad Kalinga (GK) Bayani Challenge 2013,” ayon kay Zarena Bacerdo, 21 taong gulang ng Purok 2, Daculang Bolo ng bayan ng San Lorenzo Ruiz.

Si Zarena ay nagdadalantao para sa kanyang unang anak at isa sa benepisyaryo ng bahay sa GK Friendship Village, Barangay Laniton, San Lorenzo Ruiz sa lalawigan para sa ika-8 Bayani Challenge na nagsimula noong ika-23 hanggang 27 ng Marso ngayong taon.

Aniya sa pamamagitan ng pagtutulungan, ang pagtatayo ng mga bahay ay nagiging madali at mabilis.

“Napakaganda ng bayanihan dahil sa pagtutulungan ng mga volunteers kahit magkakaiba ang relihiyon” ayon naman kay Esperanza Prades, 50 taong gulang ng Purok 2, Barangay Laniton, San Lorenzo Ruiz. Siya ay isang vendor na may 9 na anak at benepisyaryo rin ng bahay.

“Masaya na hindi maintindihan, maraming tao at nagpapasalamat kami at kahit man lang sa pagod ay masuklian namin ang ibibigay na bahay sa amin”, ayon kay Mylene Samson, 35, Purok 2 ng Barangay Laniton, San Lorenzo Ruiz. Siya ay isang mangagawa na may 6 na anak.

Naging tampok ng unang araw ng Bayani Challenge noong Sabado Marso 23 ang pagbubukas , ang pag lagda ng isang Memorandum of Agreement (MOA) ng mga nangunguna sa gawain, pagsisimula ng pagtatayo ng mga bahay, pagtatanim ng binhi ng puno at misa.

Ipinagpatuloy naman ang pagtatayo ng bahay at iba pang gawain sa ikalawang araw nito noong Linggo hanggang ngayon sa ibat-ibang sites sa GK Friendship Village sa Laniton, San Lorenzo Ruiz, farm build sa GK Bibirao, Daet at GK Matacong, San Lorenzo Ruiz, pagtatayo ng paaralan, Paraisong Pambata sa Laniton at Bibirao, paglilinis at health mission.

Sa gabi ay nagkakaroon ng Kalinga Night at ganon din Governor’s Night, LGU night ng Daet at ng San Lorenzo Ruiz upang bigyan ng kasiyahan ang mga bayani ng Gawad Kalinga.

Samantala bukas ay paghahanda ng mga volunteer sa kanilang paglisan dito na susundan ng isang misa, sharing at awarding ceremony at ang send off at boodle fight.

Matatandaan na ito ay isang pambansang gawain kung saan ang GK Friendship Village ang tanging lugar sa rehiyong bikol at isa sa 37 lugar sa 34 na lalawigan sa bansa na kasama sa Bayani Challenge ngayong taon.

Target nito na makapagtayo sa GK Friendship Village ng 44 bahay kung saan 10 ay pangunguna ng lokal na pamahalaan ng Daet, tig anim sa pamahalaang panlalawigan at San Lorenzo Ruiz o kabuuang 22 at tatapatan ng 22 ng GK Foundation.

Tema ngayong taon ng Bayani Challenge “Isang Bayan, Isang Bayanihan”. (MAL/RBM/PIA5)


Tagalog news: Seguridad para sa mga deboto at bakasyunista sa Sorsogon, pinaigting

By Benilda A. Recebido

LUNGSOD NG SORSOGON, Mar. 26 (PIA) -- Sa pagpasok ng Semana Santa, higit pang pinahigpit ng mga awtoridad sa Sorsogon ang seguridad upang mabigyang proteksyon at manatiling ligtas ang mga deboto at mga bakasyunista sa lalawigan.

Sa koordinasyon ng Land Transportation Office, Philippine National Police (PNP) at mga lokal na pamahalaan, muling ilalagay ng Department of Public Works and Highways (DPWH) ang kanilang motorist assistance team sa Dona Pepita Park sa Brgy. Bucalbucalan, lungsod ng Sorsogon sa unang distrito ng Sorsogon at sa San Pedro, Irosin, Sorsogon para naman sa ikalawang distrito sa ilalim ng kanilang “Lakbay Alalay” program.

Ayon sa pamunan ng DPWH, ito ay bilang antisipasyon sa pagdagsa ng mga motorista kaugnay ng mahabang bakasyon dahilan sa obserbasyon ng Semana Santa at mga Sorsoganong dadalo sa mga gagawing class reunion.

Nakabantay din ang mga kasapi ng PNP na nagsimula nang ipuwesto sa mga istratehikong lugar lalo na sa mga malalaking simbahan sa lalawigan upang mapanatili ang kaayusan at kapayapaan sa panahon ng pagtitika, Visita Iglesia at mga prusisyon.

Malinaw din ang paalala ng Phiippine Ports Authority (PPA) sa mga pasahero sa pantalan na maging responsible din sa personal na kaligtasan at bantayan ang kasamang mga bata at pinaalalahan ang mga pasahero na hindi tourist spot ang mga pantalan lalo pa’t maraming mga bahagi ng pantalan ang konsideradong hazard prone.

Sinimulan na din ng Bureau of Fire Protection (BFP) ang kanilang Oplan Lakbay Alalay noong Lunes na magtatagal hanggang sa Miyerkules habang alerto naman sila sa paggabay sa mga deboto sa Huwebes at Biyernes Santo para sa gagawing prusisyon. Magtatalaga naman sila ng mga tauhan sa mga beach resort sa ilalim ng kanilang “Oplan Baywatch.”

Samantala, nagbigay naman ng mga paalala sa publiko ang mga awtoridad nang sa gayon ay maiwasan ang mga sigalot at suliranin sa mga panahong may mga kaganapang tulad ng Semana Santa tulad halimbawa ng pagiging alerto ng mga pasahero sa kanilang mga dala-dalang bagahe, iwasan ang pagdadala ng mga mamahaling mga gamit o pagsusuot ng mga mamahaling alahas sa mga pampublikong lugar at iba pa. (MAL/BAR-PIA5)


Tagalog news: Mga pekeng titulo at paghadlang sa operasyon ng squatting, pag-uusapan sa pagtitipon

By Marlon A. Loterte

LUNGSOD NG LEGAZPI, Mar. 26 (PIA) -- Bibigyan ng kasanayan ng Housing Urban Development Coordinating Council (HUDCC) ang mga tauhan ng Philippine National Police (PNP) sa isang pagtitipon na gaganapin sa Sto. Domingo, Albay ngayon, Marso 26.

Sa nasabing pagtitipon, pagtutuunan ng pansin ng HUDCC and pag-alam sa pekeng titulo upang mahadlangan ang operasyon ng mga sindikato ng squatting.

Sa ginawang panayam kay Regional HUDCC head for Bicol Engineer Cristy Abaño sa programa sa radyo na “Aramon Ta Daw” ng Philippine Information Agency (PIA) Regional Office V, sinabi niya na ang mga personahe ng PNP ang karamihan sa dadalo sa nasabing pagtitipon na inaasahang aabot sa 150 upang turuan sila kung ano ang modus operandi ng mga professional squatters at squatting syndicates at pag-alam ng pekeng titulo sa lupa.

“Hindi lang pagpapatupad ng katahimikan at kaayusan sa demolisyon kundi kailangan ding malaman ng mga pulis kung paano magreresponde sa kaso ng syndicated squatting at paglaganap ng mga pekeng titulo,” sabi ni Abaño.

Ang HUDCC ay may mandato bilang lead agency sa ilalim ng Executive Order No. 153 na ipinatupad noong December 10, 2002 sa pinalakas na kampanya ng gobyerno laban sa professional squatters at squatting, sabi pa ni Abaño.

Ayon kay Abaño, maaaring malaman ang mga pekeng titulo sa pamamagitan ng mga sumusunod:
1. pagkilala ng mga nakikitang mga tanda gaya ng watermark, kulay ng hibla, planchettes, intaglio sa mga gilid ng papel, uri ng dokumento at kagamitan nito, at pagsusuri ng judicial form number,
2. pagsusuri ng petsa ng paglathala ng titulo kung tugma sa petsa sa pag-imprenta ng dokumento,
3. pagsusuri ng serial number, TCT number lalo na ang huling dalawang numero, ang mga inisyal at pirma ng mga awtoridad,
4. pagkukumpara ng kopya ng may-ari sa orihinal na titulo na nasa file at iba pang pamamaraan gaya ng acetate o light exposure.

Ang mga tinaguriang propesyonal na squatters ay malalaman na kung sa una ay gumagawa muna ng temporaryong tirahan na kung hindi mapupuna ay gagawa na ng konkretong estruktura.

Mayroon namang tatlong kategorya ang sindikato sa squatting at ito ay ang mga sumusunod; Class A, na nagsasagawa ng kanilang operasyon sa pamamagitan ng mga dokumento na madaling mapeke sa pamamagitan ng pakikipagsabwatan sa mga ahensiya ng pamahalaan at korte; Class B, na naghahanap ng malaking komunidad ng squatters upang i-organisa at turuan sila sa tungkol sa Titulo de Propiedad 4136 at OCT 01-4 Protocol; at Class C, na nag-oorganisa ng samahan ng mga maralitang taga-lungsod upang gawing fronts.

Ayon kay Abaño ang Pilipinas ay may tinatayang populasyon na 94 milyon na mayroong 1.9 porsyento na growth rate kada taon na kung saan 62 porsyento ang tinatayang bahagi ng populasyon sa mga lungsod at lolobo ng 84 porsyento sa taong 2050.

Ang national poverty incidence ay nasa 32 porsyento subalit ang poverty incidence sa kalungsuran ay 17 porsyento lamang na kinokonsiderang pangunahing dahilan ng rural-urban migration, na magreresulta sa pagdami ng mga squatters, dagdag pa ni Abaño. (Joseph John Perez/MALPIA5)


Tagalog news: MOA nilagdaan sa pagbubukas ng Bayani Challenge sa Camarines Norte

By Reyjun Villamonte

DAET, Camarines Norte, Mar. 26 (PIA) -- Nilagdaan ang memorandum of agreement (MOA) noong Sabado, Marso 23, sa Barangay Laniton sa bayan ng San Lorenzo Ruiz kaugnay sa pagbubukas ng Gawad Kalinga Bayani Challenge 2013.

Ito ay sa pamamagitan nina Gobernador Edgardo A. Tallado, Board Member Romeo Marmol, Mayor Tito Sarion ng bayan ng Daet, Mayor Nelson delos Santos ng bayan ng San Lorenzo Ruiz at Punong Barangay Eduardo Cabaña ng Laniton at si Provincial Coordinator Honorio Estravez ng Gawad Kalinga Foundation.

Sa bahagi ng programa, nauna ng naisagawa ang parada mula sa eco athletic field patungo sa paaralan ng Daet Elementary kung saan nagbukas ang naturang programa.

Isinagawa din sa naturang araw ang pagtatayo ng bahay at ang pagtatanim ng mga puno kung saan nakiisa dito ang mga pribadong organisasyon, mag-aaral at mga indibidwal.

Isinagawa naman kahapon ang paglalagay sa mga boluntaryo ng bayanihan sa ibat-ibang lugar sa pagbubuo ng bahay, taniman, paaralan, paglilinis sa lugar at pagtatanim.

Ngayong araw ay patuloy ang isinasagawang aktibidad ng bayanihan at mamayang gabi naman ay pangungunahan ng lokal na pamahalaan ng bayan ng Daet ang Kalinga Night sa Bagasbas beach dito.

Ang Camarines Norte ay isa sa 34 na probinsiya na sabay-sabay na nagsasagawa ngayon ng naturang aktibidad kung saan 44 na bahay dito ang maitatayo sa pamamagitan ng bayanihan sa pakikipagtulungan ng mga boluntaryo mula sa ibat-ibang lugar sa rehiyong bikol at ibang probinsiya. (MAL/ROV/PIA5)



Tagalog news: Kampanya iwas sunog pinaigting ng PNP sa Masbate

By Rogelio Lazaro

LUNGSOD NG MASBATE, Marso 26 (PIA) -- Maspinaigting pa ng Masbate Police Provincial Office ang kampanya kontra sunog na madalas mangyari sa panahon ng tag-init.

Sa ulat ng pulisya, may isang insidente ng pagkasunog ng sasakyan na nagaganap noong Marso 20, kung saan isang pampasaherong van ang nagliyab sa tapat ng Masbate City Bus and Jeepney Terminal.

Sa kabutihang palad nakababa ang mga pasahero bago naganap ang sunog sa nasabing pampasaherong van na biyaheng lungsod ng Masbate patungong bayan ng Placer, kaya’t walang naiulat na nasaktan sa nasabing insidente.

Dahilan sa isa rin ang mga sasakyan sa itinuturing na nagiging sanhi ng sunog, maspinaigting pa ng PNP Masbate at Bureau of Fire Protection ang pagbibigay kaalaman at kamalayan sa pag-iwas sa sunog bilang bahagi na rin ng gawain sa Fire Prevention Month.

Tinuturing ng pulisya na hindi solong responsabilidad ng tagapamatay sunog ang mapaminsalang sakunang ito, kaya’t nananawagan sila sa mamamayan na sundin ang fire safety rules na “Be informed, Plan ahead and be Safe.”

Ayon sa kanila ang pag-iwas pa rin ang pinakamabisang hakbang para maiwasan an pagkaabo ng mga ari-arian at pagkawala ng buhay, kaya’t nagbigay sila ng ilang alituntunin ukol dito.

Ilan sa mga ito ay ang pagbunot sa saksakan ng appliances kung hindi ginagamit; pagpatay ng electric stove o anumang gamit pangluto bago matulog; hindi paggamit ng sinsabing octopus connection o ang pagsaksak ng maramihan sa saksakan; palagiang pagsusuri sa kawad ng kuryente na maaring maging sanhi ng overheating at overloading; at panghuli, ang hindi pag-iimbak sa loob ng tahanan ng anumang nakakasunog na bagay katulad ng gasolina, pintura at iba pa. (MAL/RAL-PIA5 Masbate)



Tagalog news: PNP, Army pinaigting ang seguridad para sa Semana Santa

By Edna A. Bagadiong

VIRAC, Catanduanes, March 26 (PIA) -- Pinaigting ng pulisya sa lalawigan ang seguridad sa mga lugar na inaasahang dadagsain ng mga lokal at iba pang turista ngayong panahon ng Semana Santa.

Ayon kay Philippine National Police (PNP) Provincial Director Senior Superintendent Eduardo G. Chavez, nakataas ang alerto ng buong kapulisan sa 11 bayan ng lalawigan.

Magtatalaga rin umano ng checkpoint sa mga piling lugar sa probinsya upang matiyak ang kaligtasan ng mga turista at masiguro ang kaayusan sa pagdagsa ng deboto sa ilang mga simbahan at lugar sa Catanduanes.

Samantala, tiniyak naman ni Lt. Col. Bernardo Fortez Jr., commander ng Philippine Army 83rd Infantry Battalion ang kanilang partisipasyon sa pagsiguro ng maayos na pagdiriwang ng Kwaresma.

Ayon kay Fortez, magtatalaga sila ng ilang tauhan sa iba’t ibang lugar partikular na sa Virac downtown para sa isasagawang prosisyon at iba pang mga tradisyon ngayong Semana Santa tulad ng Bisita Iglesia at pagbisita sa pilgrimage sites.

Naka-alerto na rin ang Philippine Coast Guard sa mga pangunahing daungan sa lalawigan upang matiyak na walang "overloading" ng mga barko at upang maiwasan ang trahedya sa dagat. (MAL/EAB-PIA5 Catanduanes)


Tagalog news: Oryentasyon sa Gender and Development isinagawa sa mga empleyado ng pamahalaang panlalawigan

By Reyjun Villamonte

DAET, Camarines Norte, Marso 26 (PIA) -- Isinagawa ngayong araw sa Audio Visual Room ng kapitolyo probinsiya ang oryentasyon sa Gender and Development (GAD) kabilang na ang Magna Carta of Women provisions on Reproductive Rights at Gender Based-Violence para sa GAD Focal Point System.

Pinangunahan ito ng Provincial Social Welfare and Development Office kung saan dinaluhan ito ng mga empleyado mula sa bawat tanggapan ng pamahalaang panlalawigan.

Naunang tinalakay ang konsepto ng GAD at ang gender sensitivity kaugnay ng mga isyu at usapin ganundin ang Magna Carta sa karapatan ng mga kababaihan at ang Republic Act 9262 o “Violence against women and children.”

Tinalakay naman ni Population Program Officer II Helen Marqueses ng Provincial Health Office dito ang Reproductive Rights of Women, ayon kay Marqueses, ito ay karapatan ng mga kababaihan na maging ligtas sa anumang pananakit lalo na sa usaping sekswal at malaman ang impormasyon kaugnay sa kanilang mga karapatan.

Ipinahayag din ni Marqueses ang batas ng Reproductive Health upang mapangalagaan ang mga kababaihan sa panganganak dahil na rin sa kakulangan sa impormasyon at mabawasan ang mga batang namamatay.

Aniya, matutulungan ang mga mag-asawa sa pagpaplano ng pamilya at mabawasan ang kaso ng abortion at mapigilan ang maagang pagbubuntis.

Karapatan din ng mga kababaihan ang magdesisyon sa kanilang sarili at maprotektahan sa lahat na uri ng Reproductive Health at tumanggap ng mga serbisyo na ibinibigay ng pamahalaan lalo na sa kalusugan ng kanilang panganganak.

Ayon pa rin kay Marqueses, mabibigyan din sila ng sapat na gamot kapag mayroong sakit at tumanggap ng serbisyong pangkalusugan lalo na ang mga may kapansanan at lumahok sa mga nagbibigay ng impormasyon sa usaping pangkababaihan.

Kasunod din nito ang pagtalakay sa Gender-Based Violence na pangungunahan ni P/Insp. Ana Rose A. Domingo ng Philippine National Police (PNP) at Women in Government naman mula kay Melody Relucio ng Department of the Interior and Local Government (DILG).

Ang naturang aktibidad ay bahagi pa rin sa pagdiriwang ng buwan ng kababaihan ngayong Marso sa temang “Kababaihan: Gabay sa pagtahak sa tuwid na daan”. (ROV-PIA5 Camarines Norte)

Monday, March 25, 2013


Justice on Wheels nakarating na sa Sorsogon

By Benilda A. Recebido

LUNGSOD NG SORSOGON, Marso 25 (PIA) -- Mahigpit ang seguridad ng Sorsogon Provincial Command at City Police Station sa paligid ng Kapitolyo Probinsyal at sa Bulwagan ng Katarungan simula 6 n.u, kanina, lunes.

Ito ay kaugnay sa Justice on Wheels Program kasama si Supreme Court Justice Ma. Lourdes Sereno at mga kasamahan nito na lumilibot sa buong kapuluan.

Sa impormasyong nakalap ng PIA Sorsogon, ngayong araw nakatakdang ilunsad sa Sorsogon ang, “Justice on Wheels Increasing Access to the Poor Program” ng DOJ sa ilalim ng temang “Our Courts are Driven to Serve You Better.”

Layunin nitong repasuhin ang mga kaso ng mga bilanggo lalo na yaong mga hikahos sa buhay, yaong mga magagaan at matagal nang nakabinbin sa korte upang mapabilis ang pagdinig ng mga kasong ito at mabigyan nang agarang desisyon ng sa gayon ay hindi na ito makadagdag pa sa mga kasong isinasampa sa Korte Suprema.

Labis namang ikinatuwa ng mga bilanggo dito sa Sorsogon at ng mga kamag-anak nito ang paglulunsad ng Justice on Wheels at umaasa sila lalo na yaong naniniwalang wala silang kasalanan na sa wakas, mabibigyan na rin sila ng hustisyang matagal na nilang hinihintay.

Sa kasalukuyan, mayroong anim na mga Regional Trial Court sa buong lalawigan ng Sorsogon. (FBTumalad/BAR-PIA 5, Sorsogon)

Saturday, March 23, 2013


Tagalog news: Kampanya iwas sunog pinaigting ng PNP sa Masbate

By Rogelio Lazaro

LUNGSOD NG MASBATE, Marso 26 (PIA) -- Maspinaigting pa ng Masbate Police Provincial Office ang kampanya kontra sunog na madalas mangyari sa panahon ng tag-init.

Sa ulat ng pulisya, may isang insidente ng pagkasunog ng sasakyan na nagaganap noong Marso 20, kung saan isang pampasaherong van ang nagliyab sa tapat ng Masbate City Bus and Jeepney Terminal.

Sa kabutihang palad nakababa ang mga pasahero bago naganap ang sunog sa nasabing pampasaherong van na biyaheng lungsod ng Masbate patungong bayan ng Placer, kaya’t walang naiulat na nasaktan sa nasabing insidente.

Dahilan sa isa rin ang mga sasakyan sa itinuturing na nagiging sanhi ng sunog, maspinaigting pa ng PNP Masbate at Bureau of Fire Protection ang pagbibigay kaalaman at kamalayan sa pag-iwas sa sunog bilang bahagi na rin ng gawain sa Fire Prevention Month.

Tinuturing ng pulisya na hindi solong responsabilidad ng tagapamatay sunog ang mapaminsalang sakunang ito, kaya’t nananawagan sila sa mamamayan na sundin ang fire safety rules na “Be informed, Plan ahead and be Safe.”

Ayon sa kanila ang pag-iwas pa rin ang pinakamabisang hakbang para maiwasan an pagkaabo ng mga ari-arian at pagkawala ng buhay, kaya’t nagbigay sila ng ilang alituntunin ukol dito.

Ilan sa mga ito ay ang pagbunot sa saksakan ng appliances kung hindi ginagamit; pagpatay ng electric stove o anumang gamit pangluto bago matulog; hindi paggamit ng sinsabing octopus connection o ang pagsaksak ng maramihan sa saksakan; palagiang pagsusuri sa kawad ng kuryente na maaring maging sanhi ng overheating at overloading; at panghuli, ang hindi pag-iimbak sa loob ng tahanan ng anumang nakakasunog na bagay katulad ng gasolina, pintura at iba pa. (MAL/RAL-PIA5 Masbate)



Tagalog news: Bilang ng kriminalidad sa Sorsogon malaki ang ibinaba – SPPO


Ni FB Tumalad

LUNGSOD NG SORSOGON, Marso 23 (PIA) -- Malaki ang ibinaba ng kriminalidad sa probinsya ng Sorsogon ayon sa istatistika ng Sorsogon Police Provincial Office-Provincial Investigation and Detective Management Branch (PIDMB) sa pamumuno ni PSI Armando Lopez.

Ayon sa record ng PIDMB, mula Enero 1 hanggang Disyembre 31, 2012 ang bilang ng krimen ng Index Crime (CI) at Non-Index Crime (NIC) na naitala sa Sorsogon ay umabot ng 572 insidente o 34 na porsyento, masmababa kung ikukumpara noong nagdaang 2011 na umabot ng 871.

Sa dalawang klase ng krimeng binigyan ng classification ng SPPO na Index at Non-Index Crime, 320 kaso o 55.94 na posyento nito ay CI habang 252 na kaso o 44.05 na porsyento ay NIC.

Ang Index Crime ay kinabibilangan ng paglabag sa penal code na may kaugnayan sa ekonomiyang pangsosyudad.

Ang Non-Index Crime naman ay malimit na walang sangkot na biktima katulad halimbawa kung malalagay sa panganib ang seguridad ng ating bansa, paglikha ng kaguluhan sa gitna ng katahimikan, krimen laban sa moralidad at paglabag sa espesyal na mga batas.

Kung ikukumpara aniya sa datos ng nagdaang taon, 320 ang bilang ng index crime, 32 porsyento ang ibinaba nito habang ang Non-Index Crime naman ay 10 porsyento ang ibinawas mula 252 ngayong 2012 at 257 ng taon 2011.

Sa tala ng SPPO-PIDMB, ang Sta Magdalena MPS ang may pinakamababang kaso ng krimen bilang na 6, sinusundan ng Irosin MPS na may 73 kaso ng krimen at Sorsogon City na may 128 na kaso sa taong 2012.

Sa 572 kabuuang krimen sa probinsya ng Sorsogon, 315 na kaso ang nabigyan ng kalinawan ng SPPO noong 2012 na may katumbas na 55 porsyento cleared efficiency rating at 105 sa mga ito ang naresolba ang kaso o katumbas ng 18.36 percent Index Crime Solution Efficiency. (MAL/FB Tumalad-PIA5 Sorsogon)



Tagalog news: Presidente ng Kabalikat Civicom darating sa Sorsogon para sa isang Grand Eyeball

Ni FB Tumalad

LUNGSOD NG SORSOGON, Marso 23 (PIA) -- Para sa mas epektibong serbisyo publiko at mabilis na pagtugon sa pangangailangang emerhensiyang pangkomunidad sa probinsya ng Sorsogon, bibisita si Gil De La Torre, National President at Founder ng Kabalikat Civicom.

Ang Kabalikat Provincial Council ang nag-organisa ng nasabing pagtitipon sa pangunguna ni Provincial Chairman Jasper Ian Ubaldo.

Sinabi ni KB 515 President Roel Atutubo na nakatakdang dumating si De La Torre sa Sorsogon sa ika-23 ng Marso ngayong taon para sa isang Grand Eyeball na aktibidad upang makipagtalastasan sa mga aktibong kasapi ng kabalikat Civicom Sorsogon Chapter sa probinsya ng Sorsogon sa Sorsogon State College, lungsod ng Sorsogon.

Ang Kabalikat Civicom ay isang non-government, non-profit organization at walang pinapanigang partido politikal. Ang bawat miyembro nito ay gumagamit ng sariling VHF portable radio transceiver para sa kanilang mga aktibidad tulad ng pagbibigay ayuda sa panahong may nasaksihan silang aksidente sa kalsada, mga sakuna, krimen at kalamidad.

Ayon pa kay Atutubo kasama sa mga adyenda ni De La Torre ang kumpirmasyon ng ibang chapter, pagdinig sa mga opinyon at suliraning kinakaharap ng mga ito upang mabigyan ng solusyon.

Sa kasalukuyan, nananatiling aktibo sa Sorsogon ang Kabalikat Civicom Sorsogon City Chapter, Bacon Chapter, Castilla Chapter, Bulan Chapter, Magallanes Chapter at Matnog Chapter habang ang grupo ng Pilar Chapter ay kasalukuyang inoorganisa pa lamang doon.

Magkakaroon din ng seminar ang National Telecommunications Commission (NTC) Regional Office No. 5 bago isasagawa ang ang VHF registration o pagrerehistro ng mga portable at base radio ng mga kasapi ng organisasyon upang legal nilang magamit ang mga ito. (FB Tumalad, PIA5 Sorsogon)

Friday, March 22, 2013


Tagalog news: 60 Masbateños, lalahok sa Bayani challenge sa Cam Norte

By Ernesto A. Delgado

LUNGSOD NG MASBATE, Marso 22 (PIA) -- Animnapung Masbateño ang tutulak ngayong araw sa Camarines Norte upang makibahagi sa Bayani Challenge ng Gawad Kalinga (GK) na magsisimula bukas.

Sa pangunguna ni trial court Judge Igmedio Emilio Camposano, bubuo ang 60 ng apat na teams na tutulong sa 2,000 volunteers sa pagtayo ng 44 bahay sa Barangay Laniton sa bayan ng San Lorenzo.

Ang GK Bayani Challenge ay limang-araw na pagsubok sa tibay ng loob, pagkamatatag at pagmamahal sa bayan na itinatanghal ng GK kada taon simula 2006.

Nakaangkla sa temang “Isang Bayan, Isang Bayanihan,” ang GK Bayani Challenge ngayong taon ay sabay-sabay na idadaos sa 37 pook sa 34 lalawigan at momobilisahin nito ang 100,000 boluntaryo.

Sa panahon ng pagtatayo ng mga bahay sa Laniton, kasabay na isasagawa umano ng lokal na pamahalaan ng Camarines Norte ang isang caravan upang idulot ang samu’t saring serbisyo sa GK community sa Laniton at sa mga mamamayan ng Baryo San Vicente at Bibirao sa bayan ng Daet.

Ayon kay King George Camposano GK Masbate Team, karamihan sa mga boluntaryo ng Masbate at matotoka sa pagbuo ng mga bahay ay may mga kasanayan sa konstruksyon.

Para sa ilang volunteers ng Masbate, ang pakikibahagi sa pagtatayo ng bahay para sa mga benepisaryo ng GK ay isang paraan para makasuklian ang kanilang tinamasang kaginhawaan noon dahil ang kanilang mga pamilya ay naninirahan din sa GK villages sa mga bayan ng Aroroy, Milagros at Mobo na itinatag noong Bayani Challenge 2012. (MAL/EAD-PIA5 Masbate)


Masbateño news: 60 na Masbateños, maga-entra sa Bayani Challenge sa Cam Norte

By Rogelio Lazaro

CIUDAD SAN MASBATE, Marso 22 (PIA) -- Sisenta na Masbateño an mabiyahe yana na adlaw pakadto sa Camarines Norte agod magpartisipar sa Bayani Challenge san Gawad Kalinga na magatuna buwas. 

Sa pangunguna ni trial court Judge Igmedio Emilio Camposano, maga porma san upat na teams an 60 na partisipantes na mabulig sa 2,000 na volunteers sa paghimo san 44 na balay sa Barangay Laniton sa Munisipyo san San Lorenzo. 

An GK Bayani Challenge lima kaadlaw na pagporbar sa kusog san boot, tibay, kag pagpalangga sa munisipyo na pinili san GK kada tuig tuna pa san tuig 2006. 

Kaupod sa tema na “Isang Bayan, Isang Bayanihan,” an GK Bayani Challenge yana na tuig durungan na pagahiwaton sa 37 na komunidad sa 34 na probinsya kag paga mobilisaron sani an cien mil (100,000) na boluntaryo. 

Sa tiempo na guina tindog an mga balay sa Laniton, dungan man daw na pagahiwaton san lokal na gobierno san Cam Norte an isad na caravan agod ihatag an pasadi-sadi na serbisyo sa GK community sa Laniton kag sa mga pumuluyo san Baryo San Vicente, kag Bibirao sa munisipyo san Daet. 

Segun kan King George Camposano san GK Masbate Team, kadamuan sa mga nagboluntaryo hali sa Masbate mabubutang sa pagtindog san mga balay kay igwa sinda san kaaraman sa konstruksyon. 

Sa lado san volunteers na Masbateños, an pagparitisipar ninda sa konstruksyon san balay para sa mga benepisaryo san GK isad na pamaagi agod makabalos san maayo na kaburot-on, kay an inda mga pamilya naga istar man sa GK villages sa munisipyo san Aroroy, Milagros kag Mobo na guin tindog san Bayani Challenge san tuig 2012. (RAL)


Thursday, March 21, 2013


Tagalog news: Mga gumagamit ng motorsiklo, tinuruan ng mga hakbang pangkaligtasan

By Benilda A. Recebido

LUNGSOD NG SORSOGON, Marso 21 (PIA) -- Sa patuloy na pagdami ng mga gumagamit ng motorsiklo para sa kanilang transportasyon, minabuti ng Pink Tie Management (PTM), Inc. sa pakikipagtulungan sa Motorcycle Development Participants Program Association (MDPPA), Inc. na magsagawa ng Motorcycle safety Caravan kamakailan dito sa lungsod ng Sorsogon.

Ayon kay PCInsp Nonito F, Marquez, isa sa mga dumalo sa nasabing caravan nais matiyak ng mga organizer ng aktibidad na maisulong ang ligtas na pagsakay sa motorsiklo ng mga motorista lalo na ang mga kabataan hindi lamang dito sa lungsod kundi sa buong bansa.

Nais din umanong isulong ng PTM at MDPPA ang mga patakarang binuo ng pamahalaan sa paggamit ng helmet bilang isa sa mga mahahalaagang gamit pangkaligtasan ng mga nagmamaneho at sumasakay ng motorsiklo.

Maliban sa mga pulis na nais matuto ng mga hakbang pangkaligtasang makakatulong hindi lamang sa kanilang mga personal na pangangailangan kundi maging sa uri ng kanilang trabaho, dumalo rin ang mga motorcycle enthusiasts at kasapi ng motorcycle organization sa lungsod ng Sorsogon.

Positibo naman ang mga organizer na masmagiging maingat na ang mga gumagamit ng motorsiklo sa lungsod nang sa gayon ay higit na maiiwasan ang pagtaas pa ng bilang ng mga aksideteng sanhi ng pagiging iresponsableng tsuper.

Noong huling bahagi ng 2012, 16 na mga aksidente sa lansangan na kinasasangkutan ng mga motorsiklo ang naitala ng Sorsogon Police Provicial Office, karamihan sa mga tsuper at sakay nito ay mga kabataang hindi gumamit ng helmet na kung hindi man namatay ay nagtamo naman ng seryosong danyos sa kanilang mga ulo. (MAL/BAR-PIA5)

Wednesday, March 20, 2013


Tagalog news: 'Gender Sensitivity Training' isasagawa sa mga empleyado ng DENR bukas

By Rosalita B. Manlangit

DAET, Camarines Norte, Marso 20 (PIA) -- Magsasagawa bukas, Marso 21, ng isang pagsasanay o Gender Sensitivity Training para sa mga empleyado ng Department of Environment and Natural Resources Office (DENR) sa kanilang tanggapan dito.

Sinabi ni Marizon Vega, forester at GAD focal person na ito ay bahagi ng kanilang gawain sa pagsusulong ng Gender and Development (GAD) at ganon din sa pagdiriwang ng buwan ng kababaihan na may pambansang tema “Kababaihan: Gabay sa pagtahak sa tuwid na daan.”

Ayon sa kanya kabilang sa mga tatalakayin ang Magna Carta of Women, The Role of Women in Socio Economic Development, gender bias at mga plano para sa GAD.

Sinabi niya na naglagay na rin sila ng tarpaulin bilang paglulunsad na gawain para sa pagdiriwang ng buwan ng kababaihan sa harapan ng kanilang tanggapan.

Aabot ng 40 empleyado ng Community Environment and Natural Resources Office at Provincial Environment and Natural Resources Office sa ilalim ng DENR ang dadalo sa naturang pagsasanay.

Aniya ang mga gawain para sa kababaihan ay palagian na nilang isinasama sa kanilang programa at proyekto sa proteksiyon at pangangalaga ng kapaligiran katulad ng National Greening Program, Protected Area Management Program, Mangrove rehabilitation at sa pagbibigay ng titulo sa lupa.

Magkakaroon din ng sports competition sa unang kalahating buwan ng Abril para sa mga empleyado kaugnay pa rin ng pagdiriwang ng buwan ng kababaihan.

Magiging tagapagsalita sa pagsasanay si OIC PSWDO Cynthia de la Cruz ng Provincial Social Welfare and Development Office at si Estela Dames ang retiradong LGOO Officer ng Department of Interior and Local Government. (MAL/RBM-PIA5)


Tagalog news: 'REGATA Conference' gaganapin sa Sorsogon

By Benilda A. Recebido

LUNGSOD NG SORSOGON, Marso 20 (PIA) -- Gaganapin ngayong araw dito sa Sorsogon ang pagpupulong ng mga kasapi ng Regional Association of Treasurers and Assessors (Regata) sa buong rehiyon ng Bicol para sa unang kwarter ngayong taon.

Sa impormasyong nakalap ng PIA Sorsogon, sisimulan mamayang hapon ang pormal na pagbubukas ng pulong na magtatagal hanggang sa Marso 23, 2013 sa Vicenta Hall, Sorsogon City.

Nakatutok sa temang “Local Treasurers and Assessors Toward the Rightful Path of Economic Growth and Prosperity” ang pagpupulong ng mga ingat-yaman at assessor ng Bicol ngayong taon.

Si Bise Presidente ng Republika ng Pilipinas Jejomar Binay ang siya sanang magbibigay ng keynote address sa pagbubukas ng pulong ngayong araw subalit magpapadala na lamang ito ng kinatawan sapagkat kasalukuyang nasa labas ito ng bansa para sa isa ring mahalagang commitment.

Kabilang sa iba pang mga malalaking personalidad sa bansa na nakatakdang magbigay ng mensahe ay sina Senator Francis “Chiz” Escudero, dating Senador Miguel “Migz” Zubiri at dating gobernador ng lalawigan ng Tarlac Ginang Margarita “Tingting” Cojuangco.

Darating din si Executive Dirctor ng Bureau of Local Government and Finance (BLGF) Salvador M. Del Castillo at iba pang mga opisyal ng BLGF at ng Regata Bicol chapter.

Bukas ay magkakaroon ng masayang aktibidad ang mga kalahok sa gaganaping Governor’s Night sa kabutihang-loob ni Sorsogon Governor Raul R. Lee.

Maliban sa mga usaping may kaugnayan sa Regata, nakatakda ring pag-usapan ang tungkol sa Property Law at Land Ownership at Comelec Updates.

Sa pinakahuling Regata conference bago matapos ang nakaraang taon na isinagawa sa lalawigan ng Catanduanes ay kinilala ng Regata ang anim na mga bayan sa Sorsogon na nagpakitang gilas sa larangan ng pagkolekta ng buwis noong nakaraang 2011 na kinabilangan ng Matnog, Barcelona, Irosin, Castilla, Bulusan at Sta. Magdalena. (MAL/BAR-PIA5)

Monday, March 18, 2013


Tagalog news: Kampanya sa Income Tax Filing pinanguhan ng BIR sa Camarines Sur

By Danilo C. Abad

LUNGSOD NG NAGA, Marso 18 (PIA) -- Pinangunahan ng Kawanihan ng Rentas Internas o ng BIR Revenue District Office No. 65 dito sa Lungsod ng Naga ang Tax Education Campaign kasabay ng paglulunsad ng 2013 Income Tax Filing Season.

Ito ay ginanap sa Event Center ng SM City-Naga nitong Marso 14.

Naging panauhing si BIR Bicol Assistant Regional Director Janette R. Cruz sa pagtitipon bilang resource person. Inihayag ni Cruz na ang mga tanggapan ng BIR sa buong bansa ay nangangampanya para sa maagang pagpafile ng Income Tax Return (ITR).

Ayon naman kay RDO-65 Asst. Revenue District Officer Maria Elizabeth R. Silava, misang masusing kampanya ang kanilang ginagawa para maging on-time sa ibinibigay na deadline ng opisina sa filing ng income tax return sa Abril 15. Ito ay kanilang ginagawa upang ipaalala din sa mga tax payers ang kanilang obligasyon partikular sa pagbabayad ng kanilang buwis.

Sinabi ni Silava na P1.9 bilyong piso ngayong taon 2013 ang target na koleksyon ng Naga City RDO-65. Ito ay may halos 30 porsyentong karagdagan kung ikukumpara noong nakaraang taon. P1.4 bilyong piso lamang ang target noong 2012 subalit umabot ang kabuoang koleksyon ng P1.5 bilyong piso.

Positibo naman ang BIR na makukuha nito ang nasabing target dahil sa pagkakaroon ng mga kumpanya sa lungsod na malalaking magbayad ng buwis.

Upang mapagsilbihan naman ang lahat ng magbabayad, nakatakdang buksan ng BIR dito sa Naga ang dalawang Tax Tulungan Center sa susunod na buwan. Ang mga ito ay ilalagay sa SM-City Naga at Naga E-Mall.

Samantala, sabay din naglunsad ang BIR-RDO 66 sa Lungsod ng Iriga ng Tax Season.

Ayon kay RDO Maria Luisa I. Belen sinimulan ang aktibidad sa pamamagitan ng isang motorcade upang ipaalala sa mga taxpayers na malapit na ang deadline sa pagpafile ng income tax return sa nasabing lugar. Isang massisve tax campaign din ang kanilang ginawa kasabay ng pagtatalaga ng mga Tax Centers sa mga munisipyo.

Ang revenue district office bilang 65 ay sakop ang mga munisipyo sa district 1,2 at 3 kasama ang Lungsod ng Naga, habang ang RDO-66 ay sumasaklaw sa mga bayan ng district 4 at 5 kasama na ang Lungsod ng Iriga. (MAL/LSM/DCA-PIA5 Camarines Sur)



Tagalog news: Bagong Gawad Kalinga Site itatayo sa bayan ng San Lorenzo Ruiz sa Camarines Norte

By Reyjun Villamonte


DAET, Camarines Norte, Marso 18 (PIA) -- Nakatakdang isagawa sa ika-23 hanggang 27 ng Marso ang pagtatayo ng bagong Gawad Kalinga Site sa barangay Laniton sa bayan ng San Lorenzo Ruiz sa pamamagitan ng Gawad Kalinga Bayani Challenge 2013.

Ito ay itataguyod ng pamahalaang panlalawigan ng Camarines Norte at lokal na pamahalaan ng bayan ng Daet at San Lorenzo Ruiz.

Ang Camarines Norte ay isa sa 34 na probinsiya na sabay-sabay na magsasagawa ng naturang aktibidad kung saan 44 na bahay dito ang maitatayo sa pamamagitan ng bayanihan at inaasahan ang pagdating ng 2,000 boluntaryo mula sa iba't ibang lugar sa rehiyong Bikol at ibang probinsiya.

Ang GK Bayani Challenge ay limang araw na subukan ng tatag, lakas at pagmamahal sa bayan mula sa mga boluntaryong makikiisa sa pagtatayo ng mga bahay.

Kasama sa mga gawain ang paghuhukay, paglalagay ng bloke ng semento at iba pang gawain upang maitayo ang bahay na ipagkakaloob sa isang mahirap na pamilya upang patuloy na maibsan ang kawalan ng maayos na tahanan at kahirapan.

Ang mga magboboluntaryo sa gawaing ito ay darating dito sa lalawigan mula sa kanilang pagsisikap at sa kanilang sariling pangangailangan at handang magtiis anuman ang kanilang sitwasyon ayon sa Bayani Challenge para sa pagmamahal sa bayan.

Samantal ang Daet Elementary School naman ay nakatakdang magboluntaryo sa loob ng limang araw sa pagtatayo ng mga bahay.

Nagsagawa na rin ng pagpupulong ang mga tagapagtaguyod ng Bayani Challenge bilang paghahanda sa mga kailangan na materyales at iba pang gastusin sa pagtatayo ng mga bahay at iba pang gawain tulad ng pagsasaayos ng ilang paaralan, pagsasagawa ng farm building at tree planting sa GK site.

Hinihikayat naman nina Gobernador Edgardo A. Tallado, Mayor Tito Sarion ng bayan ng Daet at Mayor Nelson delos Santos ng bayan ng San Lorenzo Ruiz ang mga mamamayan dito na makiisa sa gawaing ito na ang unang makikinabang ay ang lalawigan ng Camarines Norte. (MAL/ROV-PIA5 Camarines Norte)


Tagalog news: Ika-112 kaarawan ng Masbate sa Marso 18, idineklarang ‘Special Non-Working Day’ ng Malacañang

By Ernesto A. Delgado

LUNGSOD NG MASBATE, Marso 18 (PIA) -- Isang mahabang weekend ang matatamasa ng mga manggagawa sa Masbate kasunod ng deklarasyon ng Malacañang na ang araw na ito, Lunes, Marso 18, bilang “Special Non-Working Day” sa lalawigang upang maipagdiwang ng Masbate ang kanyang ika-112 kaarawan.

Ang holiday ngayong Lunes ay opisyal na inihayag sa Proclamation 547 na inilabas ng Malacañang nung nakaraang Pebrero 8 na nalathala sa Official Gazette.

Layunin ng Proclamation 547 na mabigyan ang mga manggagawa sa pamahalaan at pribado ng panahon na makibahagi sa pagdiriwang ng kaarawan ng kanilang lalawigan.

Ayon sa mananalaysay na si Danilo Madrid Gerona ang may akda sa aklat na Las Islas de Masbate: A Beacon of Faith, A Fortress of Resistance, ang Marso 18 isang daan at labing dalawang taon na ang nakaraan nang ang rehimeng sibil ay pasinayaan ng Komisyon ng Pilipinas na itinatag sa pagtatapos ng Filipino-American war.

Ayon sa mananalaysay, ang lalawigan ay binubuo ng mga isla ng Masbate, Ticao at Burias at ang mga kalapit na maliit na isla na kilala sa panahon ng Kastila bilang Distrito de Masbate.

Sasariwain ang kasaysayang ito sa isang palatuntunan na inihanda ng pamahalaang panlalawigan sa kaarawan ng Masbate ngayong araw. (MAL/EAD-PIA5 Masbate)


Tagalog news: Pagtugis sa suspek sa massacre sa Masbate pinaigting ng pulisya

By Rogelio Lazaro

LUNGSOD NG MASBATE, Marso 18 (PIA) -- Maspinaigting pa ang paghahanap sa suspek sa nangyaring massacre sa Sitio Malamag, Bgry. Poblacion, Pio V. Corpuz sa lalawigang ng Masbate kamakailan.

Ito ay base sa ibinigay na utos ni Police Provincial Director Heriberto Olitoquit sa Pio V. Corpuz Municipal Police Station, Regional Special Operations Task Group at Masbate Police Provincial Office.

Base sa imbestigasyon ang massacre ay naganap noong ika-7 ng Marso taong kasalukuyan, bandang alas onse ng gabi, na ikinasawi ng mag-asawang Jimmy at Elena Dublin at kanilang dalawang anak na sina Jayson at Gerald Dublin.

Ayon sa ulat ng PNP Masbate Provincial Office, sa inisyal na imbestigasyon kaagad na nakatakas si Jenelyn bibit ang dalawang buwang kapatid na si John sa pintuan sa likod ng kanilang bahay nang ang suspek ay pwersahang pumasok sa kanilang tahanan bitbit ang itak at baril at pinagtataga ang mga biktima.

Ayon kay Jenelyn habang siya’y tumatakbong papalayo may narinig siyang putok ng baril, pero ayon sa kanya hindi naman sinaktan ang iba pa niyang mga kapatid na sina Jesieryl, Geralyn at Jay-Ar na naiwang sa loob ng kanilang bahay.

Ang limang nakaligtas ay nasa kalinga ngayon ng kanilang lola at binibigyan sila ng counseling at kinakailangang tulong ng Women’s and Children Protection Desk ng Pio V. Corpuz Municipal Police Station.

Nakuha sa pinangyarihan ng krimen ang isang itak at kalibre .38 baril at ayon kay Dir. Olitoquit, magpapatuloy ang manhunt operations ng pinagsanib na pwersa ng Pio V. Corpuz police at Regional Special Task Force Group para sa agarang ikadarakip ng suspek. (MAL/RAL-PIA5 Masbate)

Saturday, March 16, 2013


Tagalog news: PIA at Comelec pinulong ang tri-media sa Sorsogon

By Benilda A. Recebido

LUNGSOD NG SORSOGON, Marso 15 (PIA) -- Binigyang-linaw ni Commission on Election (Comelec) Provincial Election Supervisor Atty. Calixto Aquino ang ilang mahahalagang probisyon kaugnay ng darating na halalan sa Mayo, noong Martes, Marso 5.

Sa pangunguna ng Philippine Information Agency (PIA) Sorsogon, pinulong ang mga kasapi ng media na mga radio at TV station manager at ang mga publisher at editor ng lokal na pahayagan.

Tampok sa naging talakayan ang Local Absentee Voting (LAV) at ilang mga isyu tulad ng pagsasa-himpapawid at pagsasa-dyaryo ng mga political ad.

Ipinaliwanag din ni Atty. Aquino kung papaano mag-aapply ang mga miyembro ng media para sa "Local Absentee Voting" alinsunod sa nakasaad sa Comelec Resolution No 9637.

Nilinaw ni Atty. Aquino na sa LAV, maaari lamang bomoto sa mga senador at party-list representative ang botante at hindi sa mga lokal na kandidato sapagkat walang Precinct Count Optical Scan (PCOS) machine na gagamitin bagkus ay espesyal na balotang maglalaman lamang ng mga national candidate.

Lahat ng mga balota ay selyadong ipapadala sa Maynila. Ang botohan ay gagawin sa Abril 28, 29 at 30, 2013. Subalit ang hindi makakaboto sa mga itinakdang araw ay maaari pa ring makaboto sa araw ng halalan.

Halos lahat ng mga dumalo ay naghayag ng kawalan ng interes sa pag-aaplay sa LAV lalo pa’t ayon sa mga ito ay hindi naman hadlang sa kanilang pagboto ang mga area of assignment na ibinibigay sa kanila sapagkat malalapit lang naman ito sa lugar kung saan sila bumoboto.

Samantala, binigyang-linaw naman ni Atty. Aquino ang ilang mga katanungan ng media kaugnay ng pagsasahimpapawid ng mga political ad alinsunod sa isinasaad sa Republic Act 9006 o ang “Fair Elections Act” kaugnay ng halalan sa Mayo 13, 2013.

Partikular na tinalakay nito ang Sec 6, 7 at 9 ng RA 9006 kung saan nakasaad ang mga probisyon sa Lawful Election Propaganda, ipinagbabawal na uri ng election propaganda, rekisitos at limitasyon sa paggamit ng election propaganda sa pamamagitan ng mass media at iba pang mga impormasyong kaugnay nito.

Sa pagtatapos ng forum ay umapela sa media at maging sa publiko si Atty. Aquino na tulungan ang Comelec upang epektibong maipatupad ang mga probisyong nakasaad sa resolusyon ng Comelec at sa RA 9006 at upang mapayapang maidaos ang halalan sa 2013. Dapat din umanong isumbong sa kanilang tanggapan ang anumang makikitang paglabag ng mga kandidato at mga taga-suporta nito. (MAL/BAR-PIA5 Sorsogon)


Tagalog news: Maagang paglutas sa pamamaslang sa 2 kandidato sa Masbate, iniatas sa special task group

By Ernesto A. Delgado

LUNGSOD NG MASBATE, Marso 15 (PIA) -- Isang special investigation task group ang binuo ng pulisya upang mapabilis ang paglutas sa pamamaslang sa dalawang kandidato sa lalawigan ng Masbate na naganap sa loob lamang ng 24 oras nang nakaraang Linggo.

Inihayag ng spokesperson ng Masbate police na si Haidelyn Pimentel na kumikilos na ang pinakamahuhusay na imbestigador ng task group para agad na makilala at maaresto ang dapat managot sa pamamaril na ikinasawi ng isang kapitan ng barangay at ng isang konsehal ng minisipalidad at ikinasugat ng isang saksi.

Ang biktimang kapitan ng barangay na pangulo rin ng Association of Barangay Captains ay tumatakbong bise alkalde sa bayan ng Mobo samantala ang konsehal naman ay nagnanais na muling mahalal sa kanyang parehong posisyon sa bayan ng Balud.

Ayon kay Masbate Police Provincial Director Heriberto Olitoquit, bagamat pulitika ang tinitingnan nilang dahilan ng pamamaslang, hindi rin isinasantabi ng pulisya ang iba pang maaaring motibo.

Batay sa ulat ni Olitoquit, ang kapitan ng barangay ay papalabas sa sabungan sa kanyang bayan bandang 4:40 ng hapon noong Sabado, Marso 9, nang barilin ng isang di pa nakikilalang lalaki.

Sa tinamong sugat sa tiyan at hita, nalagutan ito ng hininga sa isang ospital sa lungsod ng Masbate.

Samantala bandang 3:30 ng hapon nang sumunod na araw ng Linggo, Marso 10, ang konsehal naman ang tinambangan at binaril ng mga di pa nakikilalang kalalakihan habang ito ay may kinakausap sa barangay San Andres, Balud.

Agad na nalagutan ng hininga ang biktima, samantalang kritikal naman ang kalagayan ng kasama nito matapos na tamaan din ito ng bala.

Ayon kay Olitoquit, mismong si Police Deputy Regional Director Arnold Albis na tumatayo ding commander ng Regional Special Operations Task Group ang mangangasiwa sa pag-iimbestiga ng task group.

Hangad ng mga opisyal na agad na malutas ang pamamaslang sa dalawang kandidato dahil umano sa hinahamon ng kaso ang pagsisikap ng mga otoridad na mahadlangan ang marahas na hakbang sa panahon ng kampanya at halalan. (MAL/EAD-PIA5 Masbate)


Tagalog news: Kampanya laban sa rabies higit na pinaigting, rabies-free Sorsogon target na maabot

By Benilda A. Recebido

LUNGSOD NG SORSOGON, Marso 15 (PIA) -- Sa kabila ng magandang record ng Sorsogon kaugnay ng kampanya sa rabis, patuloy pa rin ang lokal na pamahalaan ng Sorsogon sa pamamagitan ng Provincial Veterinary Office (PVO) sa pagpapaigting pa ng kanilang kampanya laban sa rabis.

Ayon kay Provincial Veterinarian Dr. Enrique Espiritu, sa pakikipagkawing sa Global Alliance for Rabies Control (GARC), target nilang maging rabies-free ang lalawigan ng Sorsogon kung kaya’t higit pa nilang pinaigting ang kanilang kampanya kung saan hiningi din nila ang tulong ng Sangguniang Kabataan sa buong Sorsogon upang maging mga volunteer vaccinator.

Ayon kay Dr. Espiritu, sa ginawa nilang inisyal na pagbabakuna nitong mga nakaraang buwan, nakita nilang epektibo ang naging pagtutulungan ng mga tauhan ng PVO at ng mga kabataan lalo pa’t sa loob lamang ng halos ay tatlong linggo ay umabot na sa 4,000 ang bilang ng mga nabakunahang aso.

Dagdag pa niya na sa pamamagitan ng Communities Against Rabies Exposure (CARE) Project ng GARC, mababawasan ang pagdami pa ng populasyon ng mga aso at maiiwasan ang posibilidad ng paglaganap pa ng rabies sa tao man o sa aso. Mababawasan din umano ang suliranin sa kalusugan ng publiko na may kaugnayan sa kagat ng aso.

Sa kasalukuyan ay mayroong mahigit sa 52,000 populasyon ng aso sa buong lalawigan ng Sorsogon at target nilang mabakunahan ang 70 porsyento nito.

Kasama din umano sa programa ang pagbibigay ng tamang edukasyon sa publiko upang maiwasan ang panganib mula sa mga asong may rabies.

Nanawagan ang beterinaryo sa publiko na suportahan ang kampanya laban sa rabies at sa mga may mga alagang hayop na maging responsable nang sa gayon ay maiwasan ang masmalala pang suliraning dala ng rabies. (MAL/BAR-PIA5 Sorsogon)


Tagalog news: Naga-X ilulusad ng Naga City Tourism Office

By Danilo C. Abad

LUNGSOD NG NAGA, Marso 15 (PIA) -- Nakatakdang ilunsad ng lokal na pamahalaan ng lungsod ng Naga sa pamamagitan ng Tourism office ang Naga-X o Naga City Excursion Tourism Package sa darating na Marso 22 na dadaluhan ni Department of Tourism (DOT) Secretary Ramon R. Jimenez Jr.

Ayon kay Naga City Tourism Officer Alec Santos, kabilang sa tourism package ang tatlong araw at dalawang gabing pagbisita sa mga magagandang resorts sa loob ng lungsod at karatig na mga bayan o mga munisipyong nasasakupan ng Metro Naga. Kasama din sa package ang personal services, hotel accommodation and resto services.

Kabilang sa mga lugar na maaaring puntahan ng mga turista ay ang Peñafrancia Resort sa Barangay Carolina; Malabsay Falls Ecology Park sa may paanan ng Mount Isarog; Inarihan Dam; Panicuason Hot Spring Resort; Naga City Ecology Park. Maari ring puntahan ang Camarines Sur Water Sports Complex at iba pang tourist destination na matatagpuan sa lalawigan ng Camarines Sur.

Samantala, lalong pinalakas ng lokal na turismo ng lungsod ng Naga ang "public and private partnership." Isa sa mga napagkasunduan ay ang pag-aalok ng mga hotel at restaurants ng mababang presyo sa mga lokal at foreign tourists na bibisita dito.

Sinabi ni Santos na patuloy din ang pagdagdag ng nasabing mga negosyo lalo na ng food service industry sa loob ng lungsod ng Naga.

Matatandaan na nagkaroon ng kasunduan ang lokal na pamahalaan at mga negosyante na magbigay ng diskwento o mababang presyo o ang tinatawag na Naga City Great Sale na linahukan ng mga negosyante.

Ang local government unit ng llungsod ng Naga ay naniniwalang sa pamamagitan ng naturang kasunduan sa mga negosyante ay mas mapapalakas pa ang lokal na turismo sa lungsod. Batay sa record, umabot na sa 1.2 milyong turista ang bumisita sa lungsod noong 2012 at inaasahan na tataas pa ito ngayong taon dahil sa pagiging agresibo at inisyatibo ng lokal na pamahalaan na makasama sa mga package tours ang rehiyon Bicol. (MAL/LSM/DCA-PIA5 Camarines Sur)


Tagalog news: Kahalagahan ng Organikong Agrikultura, tinalakay

By Reyjun Villamonte

DAET, Camarines Norte, Marso 15 (PIA) -- Tinalakay noong Martes, Marso 12, sa little theater ng kapitolyo dito sa probinsiya ang kahalagahan ng paggamit ng organikong agrikultura sa pamamagitan ng Consumer Awareness on Organic Agriculture.

Isinagawa ito sa samahan ng mga magsasaka sa lalawigan ng Camarines Norte para sa unang grupo sa apat na bayan ng Daet, Talisay, Basud at Vinzons sa pangunguna ng Office of the Provincial Agriculturist (OPAg) ng pamahalaang panlalawigan.

Ayon kay OPAg Acting Provincial Agriculturist Francia C. Pajares, layunin nito na hikayatin ang mga magsasaka na gumamit ng tradisyunal na pamamaraan sa pagtatanim sa pamamagitan ng organikong agrikultura.

Aniya, gamitin pa rin ang tamang pamamaraan sa pagsugpo ng sakit at peste sa mga tanim na hindi ginagamitan ng mga kemikal na nakakaapekto sa kalusugan ng tao.

Tinalakay naman ang Health, Safety and Wellness sa paggamit ng organiko sa mga pagkain na walang gamit na kemikal at mga sanhi ng sakit mula sa mga produktong may kemikal at kung paano ito malulunasan ganundin ang kahalagahan nito sa kalusugan at kapaligiran.

Tinalakay din ang batas at kahalagahan ng paggamit ng organikong abono sa ilalim ng Republic Act 10068 o Organic Agriculture Act of 2010.

Ang RA 10068 ay batas ng estado na isulong, palaganapin at paunlarin ang pagpapatupad ng paggamit ng organikong agrikultura sa layuning mapayaman ang mga lupaing tinataniman upang magkaroon ng masaganang ani.

Mabawasan ang polusyon at maiwasan ang pagkasira ng kapaligiran at maprotektahan ang kalusugan ng mga magsasaka at ang publiko at makatipid sa paggamit ng mga inangkat na gamit sa pagsasaka.

Ang organic agriculture ay sistema ng pagsasaka na hindi ginagamitan ng anumang kemikal na may masamang epekto sa kalusugan ng tao at nakasisira sa kalikasan. (MAL/ROV-PIA5 Camarines Norte)


Tagalog news: Bayanihan Team patuloy sa Camarines Norte

By Reyjun Villamonte

DAET, Camarines Norte, Marso 15 (PIA) -- Patuloy ang isinasagawang “Bayanihan Team” ng 49th Infantry (Good Samaritans) Battalion ng Philippine Army sa lalawigan ng Camarines Norte sa pamumuno ni Lt. Col. Michael M. Buhat, commanding officer ng naturang pamunuan.

Isinasagawa ito ngayon sa limang barangay ng bayan ng Sta. Elena at apat na barangay sa bayan ng Labo upang alamin ang mga pangunahing problema at mga isyu sa naturang lugar.

Ayon kay Lt. Col. Buhat, ito ay ipinararating sa mga tamang ahensiya na mayroong kaugnayan dito upang matugunan ang mga suliranin partikular ang mga problema sa lupain.

Katuwang dito ang mga ahensiya mula sa Department of Agrarian Reform, Department of Environment and Natural Resources, National Commission on Indigeneous Peoples at ang Presidential Agrarian Reform Committee.

Ayon pa rin sa opisyal, katuwang din ang Land Bank of the Philippines dahil karamihan na problema dito ang pagbabayad sa Certificate of Land Owned Award (CLOA), marami na rin ang benepisyaryo ng CLOA subalit kaunti ang nagbabayad sa monthly amortization dahil ito ay mawawala sakaling hindi sila makapagbayad.

Isinasagawa din ng naturang pamunuan ang pagsasaayos at pagtatayo ng mga palikuran at nakapagbibigay ng mga materyales na kailangan katuwang ang mga mamamayan ng barangay ganundin ang paglalagay ng mga balon mula sa tulong ng lokal na pamahalaan.

Ang Bayanihan Team sa bawat barangay ay para alamin ang mga suliranin at iparating sa mga kinauukulang ahensiya ng pamahalaan ang kanilang mga pangunahing pangangailangan at matugunan ang mga problema partikular na ang mga usapin sa lupa.

Prayoridad ang mga malalayong barangay dahil mas malaki ang pangangailangan nila dahil sila ang mga lugar na hindi masyadong nararating ng mga ibat-ibang ahensiya ng ating pamahalaan ganundin ang mga programa.

Ang Bayanihan Team ay magpapatuloy sa pakikipagtulungan ng mga barangay upang matugunan ang mga proyekto at mga pangangailangan sa kanilang lugar.

Matatandaan ng nakaraang taon, 61 barangay na sa lalawigan ng Camarines Norte na mayroong Bayanihan Team sa pamamagitan ng pamunuan ng 49th IB.

Ayon naman sa pahayag ni Lt. Col. Buhat sa mga barangay, ipagpatuloy ang pakikipagtulungan sa mga kasundaluhan at sa lokal na pamahalaan upang ganap nang makamit ang kapayapaan at kaunlaran.

Bukas ang kanilang pamunuan sa mga impormasyon na ipararating sa kanila upang matulungan higit na ang mga naging biktima ng paglabag sa mga karapatang pantao ng mga New Peoples Army, tulungan silang maibalik ang mga labi nito sa kanilang mga pamilya at magkaroon ng maayos na libingan.

Ayon pa rin kay Buhat, nais din na iparating ng Armed Forces of the Philippines (AFP) na bukas din ang kanilang tanggapan para sa mga magbabalik loob kung saan mayroong programa dito na nagbibigay ang AFP ng halagang P50,000 para sa mga mayroong matataas na kalibre ng armas.

Dagdag pa niya, tatanggapin pa rin ang mga walang dalang armas upang mabigyan ng maayos na pamumuhay sa pamamagitan ng Comprehensive Local Integration Program na programa ng mga lokal na pamahalaan para mabigyan ng panimulang pamumuhay at tamang kinabukasan ang kanilang mga anak. (MAL/ROV-PIA5 Camarines Norte)


Tagalog news: Suspek sa massacre ng isang pamilya sa Masbate tinutugis ng pulisya

By Rogelio Lazaro

LUNGSOD NG MASBATE, Marso 15 (PIA) -- Tinutugis na ng pulisya ang sangkot sa pagpaslang sa apat na miyembro ng isang pamilya ang nsa Sitio Malamag, Brgy. Poblacion sa bayan ng Pio V. Corpuz, Masbate noong noong nakaraang Biyernes, Marso 8, batay sa report ni Police Provincial Director Heriberto Olitoquit.

Ayon sa otoridad dakong alas sais ng umaga ng i-report ng isang concerned citizen sa Pio V. Corpuz Municipal Police Station na may isang babaeng duguan at wala nang buhay na natagpuan sa labas ng kanilang tahanan sa Sitio Malamag, Brgy. Poblacion sa nabanggit na bayan.

Ang mga bangkay naman ng asawa at anak ng biktima at ang dalawang anak nito ay natagpuan sa loob ng kanilang tahanan.

Ayon sa ulat nakaligtas naman ang dalawa sa anim na miyembro ng pamilya na nasa kustodiya na ngayon ng DSWD.

Ayon sa OIC ng Pio V. Corpuz Municipal Police Station na si PSI Rodel Arevalo prayoridad nila ang imbestigasyon ng pamamaslang na ito, nangako naman si Police Provincial Director Olitoquit na gagawin ang lahat para mahuli ang suspek sa lalong madaling panahon. (MAL/RAL-PIA5/Masbate)


Tagalog news: Mga mamamahayag maaari nang mag-aplay ng Local Media Accreditation para sa Halalan 2013

Ni Francisco B. Tumalad

LUNGSOD NG SORSOGON, Marso 15 (PIA) -- Muling nakipag-ugnayan sa Philippine Information Agency (PIA) Sorsogon si Provincial Election Supervisor Atty. Calixto Aquino Jr. upang matulungan ang Comelec Sorsogon para sa aplikasyon ng akreditasyon ng mga lokal na mamamahayag.

Ito ay matapos ang pag-uusap at pagbibigay paliwanag sa mga media ng Sorsogon noong Pebrero 19, 2013 tungkol sa Local Absentee Voting (LAV) at ilan pang mahahalagang impormasyon kaugnay ng darating na halalan sa Mayo 2013,

Ayon kay Atty. Aquino, ang Local Media Accreditation (LMA) ay iniisyu para lamang sa mga lokal na mamahayag na aktibo sa serbisyo. Sa pamamagitan umano ng akreditasyong ito ay mabibigyan sila ng Identification Card (ID) na pirmado ng komisyon nang sa gayon ay madali silang matukoy kung sila nga ay lehitimong media na nagsasagawa ng coverage sa panahon ng eleksyon.

Kinakailangan lamang umanong isulat sa LMA Form ang buong detalye ng pagkatao ng media na nais magpa-akredit, pati na ang pangalan ng pinagsisilbihang istasyon at kung saan ito madedestino sa araw ng eleksyon.

Bawat kasapi ng media na mag-aaplay ng media accreditation ay kailangang magsumite ng tatlong piraso ng form na lalakipan ng 2x2 ID picture.

Maaaring makakuha ng local media accreditation form sa tanggapan ng Comelec o sa PIA Sorsogon.

Kinakailangan umanong maisumite ang naturang aplikasyon sa tanggapan ng Comelec simula ngayon, Marso 15 at hindi lalagpas ng Abril 15, 2013.

Kalakip sa aplikasyon ang endorsement letter ng kanilang pinagtatrabahuang istasyon ng radyo, telebisyon, pahayagan o ahensya ng balitaan sa internet. (MAL/FBT-PIA5 Sorsogon)


Tagalog news: Suplay ng tubig mula sa SCWD, sapat
By Benilda A. Recebido

LUNGSOD NG SORSOGON, Marso 15 (PIA) -- Kung magpapatuloy ang pagbuhos ng ulan ngayong Marso inaasahang hindi magkakaroon ng paghina ng suplay ng tubig kahit pa ang mga nakatira sa matataas na lugar sa lungsod ng Sorsogon.

Ito ang inihayag ng pamunuan ng Sorsogon City Water District (SCWD) sa ipinadalang impormasyon nito sa mga kumukonsumo ng tubig sa lungsod. Ayon dito, ang pinagkukunan ng inuming tubig ng lungsod ng Sorsogon ay nanggagaling sa malalim na bukal at deepwell na may pambomba.

Sa tala ng SCWD, ang spring sources kapag maulan ay lumilikha ng 114 litro bawat segundo (LPS) at kapag tag-init naman ay 36 LPS lamang, nababawasan ito ng 70 porsyento sa panahon ng tag-ulan.

Ang kabuuang produksyon ng 12 deepwell at pumping station ng SCWD ngayon ay humigit-kumulang sa 160 LPS kung lahat ng ito ay gumagana.

Sa kasalukuyan, ang mga kumukonsumo na sinusuplayan ng tubig ng SCWD sa lungsod ay nasa 8,700 na kabahayan at nangangailanagan ito ng 122.25 LPS average bawat araw kasama na ang 30 porsyento tagas ng tubo.

Kapag peak hours o sabay-sabay ang paggamit ng tubig ng mga kumukonsumo simula alas-sais hanggang alas-otso ng umaga at alas-onse ng umaga hanggang alas-otso ng gabi domodoble naman ang nagiging kunsumo ng tubig.

Lumalabas na ang konsumo ng tubig tuwing peak hours ay nangangailangan ng 244.50 LPS, dito rin makikita na sa tuwing tag-ulan ay sagana ang suplay ng tubig at minsan ay sumusobra pa ito.

Subalit sa panahon naman ng tag-init, makikitang kulang na kulang ang suplay ng 48.50 LPS sa pangangailangan ng kasalukuyang bilang ng mga kumukonsumo.

Inamin ng SCWD na malaking epekto ang sobrang pag-init dala ng Global Warming dahil maraming kabahayan ang gumagamit ng tubig, dagdag pa ang sabay-sabay na pagbukas ng gripo at pagkakaroon ng problema sa mga makinang ginagamit na umaasa din sa kuryente.

Samantala, tiniyak naman ng pamunuan ng SCWD na ginagawa nito ang lahat ng makakaya upang matugunan ang kinakailangang suplay ng tubig sa lungsod. Nanawagan din ito sa publiko na patuloy na maging responsable sa paggamit ng tubig at tiyaking naisasarado ng maayos ang mga gripo at maayos ang mga tubo ng tubig sa loob at labas ng mga kabahayan. (MAL/FBT-PIA5 Sorsogon)


Tagalog news: Isang suspek sa pagpaslang sa kandidatong bise-alkalde sa Masbate, kinasuhan na ng pulisya

By Ernesto A. Delgado

LUNGSOD NG MASBATE, Marso 15 (PIA) -- Isang kagawad sa barangay na umano’y sangkot sa pagpaslang sa isang kandidato sa pagka-bise-alkalde sa Mobo ang sinampahan na ng kasong murder.

Ayon kay Police Provincial Director Heriberto Olitoquit, kanyang isinampa ang kaso kahapon, Marso 14 sa Provincial Prosecutor’s Office laban sa kagawad ng Barangay Mandali, Mobo.

Sinabi ni Olitoquit na ginamit nilang ebidensya ang deklarasyon na ibinigay sa pulisya ng biktima bago ito nalagutan ng hininga.

Sa kanyang deklarasyon sa imbestigador, idinawit umano ng biktima ang kagawad sa naganap na pamamaril sa kanya nitong nakaraang Sabado, Marso 9, habang siya’y nasa sabungan sa kanyang bayan.

Ang biktima ay nakapanayam ng imbestigador bago ito nalagutan ng hininga sa isang ospital sa lungsod ng Masbate nang sumunod na araw ng Linggo.

Ang biktima ay kapitan ng Barangay Tugbo, Mobo at tumatakbong bise-alkalde ng kanyang bayan.

Tiniyak ni Olitoquit na tatapusin nila agad ang imbestigasyon sa pagkakakilanlan sa iba pang John Does sa kaso upang makasuhan na ang iba pang sangkot sa pagpaslang. (MAL/EAD-PIA5/Masbate)


Tagalog news: P1.5M inilaan ng DA sa Camarines Norte para sa gusali ng mga produktong agrikultura

By Reyjun Villamonte

DAET, Camarines Norte, Marso 15 (PIA) -- Naglaan ng P1.5 milyon pondo ang Regional Field Unit 5 ng Department of Agriculture (DA-RFU 5) para sa itatayong gusali sa mga produktong pang-agrikultura ng lalawigan ng Camarines Norte.

Ito ang Organic Trading Post Facility and Equipment kung saan bahagi naman ng pamahalaang panlalawigan ang pagtatayuan ng lugar nito.

Nakatakdang itayo ang naturang gusali sa katabing bahagi ng Camarines Norte Government Workers Multi-Purpose Cooperative ng kapitolyo probinsiya na siyang mangangalaga at magpapaunlad dito.

Kasama sa inilaang pondo ang pasilidad ng gusali at puhunan para sa mga bibilhing produktong agrikultura mula sa mga magsasaka.

Ang naturang pondo ay nasa ilalim ng proseso at anumang araw na maaprubahan ito ay maaari ng mapasimulan ang itatayong gusali.

Ang lahat ng produkto ng mga magsasaka ay dito na dadalhin at organikong agrikultura lamang ang bibilihin dito o hindi ginamitan ng mga kemikal at pestisidyo.

Ayon sa pahayag ni Provincial Focal Person Marilyn Puato, Supervising Agriculturist ng Office of the Provincial Agriculturist (OPAg), kailangan ang taniman ng mga magsasaka ay mayroong certified organic farm mula sa Bureau of Agriculture Fisheries Standard (BAFS) at Organic Certification Center of the Philippines (OCCP).

Aniya, ito ang magpapatunay na ang kanilang mga tanim ay mayroong organikong abono at hindi ginamitan ng anumang nakalalasong kemikal at nakasisira sa kalusugan ng tao.

Ayon pa rin kay Puato, kailangan din na organisado ang taniman ng mga magsasaka at mayroong sariling Internal Control Inspector na siyang sumusuri sa mga tanim na gumagamit ng organikong abono.

Ito ay kaugnay sa isinagawang Consumer Awareness on Organic Agriculture noong ika-12 ng Marso ngayong taon sa little theater ng kapitolyo probinsiya. (MAL/ROV-PIA5 Camarines Norte)

Friday, March 15, 2013


Tagalog news: Kampanya laban sa rabies higit na pinaigting, rabies-free Sorsogon target na maabot

By Benilda A. Recebido

LUNGSOD NG SORSOGON, Marso 15 (PIA) -- Sa kabila ng magandang record ng Sorsogon kaugnay ng kampanya sa rabis, patuloy pa rin ang lokal na pamahalaan ng Sorsogon sa pamamagitan ng Provincial Veterinary Office (PVO) sa pagpapaigting pa ng kanilang kampanya laban sa rabis.

Ayon kay Provincial Veterinarian Dr. Enrique Espiritu, sa pakikipagkawing sa Global Alliance for Rabies Control (GARC), target nilang maging rabies-free ang lalawigan ng Sorsogon kung kaya’t higit pa nilang pinaigting ang kanilang kampanya kung saan hiningi din nila ang tulong ng Sangguniang Kabataan sa buong Sorsogon upang maging mga volunteer vaccinator.

Ayon kay Dr. Espiritu, sa ginawa nilang inisyal na pagbabakuna nitong mga nakaraang buwan, nakita nilang epektibo ang naging pagtutulungan ng mga tauhan ng PVO at ng mga kabataan lalo pa’t sa loob lamang ng halos ay tatlong linggo ay umabot na sa 4,000 ang bilang ng mga nabakunahang aso.

Dagdag pa niya na sa pamamagitan ng Communities Against Rabies Exposure (CARE) Project ng GARC, mababawasan ang pagdami pa ng populasyon ng mga aso at maiiwasan ang posibilidad ng paglaganap pa ng rabies sa tao man o sa aso. Mababawasan din umano ang suliranin sa kalusugan ng publiko na may kaugnayan sa kagat ng aso.

Sa kasalukuyan ay mayroong mahigit sa 52,000 populasyon ng aso sa buong lalawigan ng Sorsogon at target nilang mabakunahan ang 70 porsyento nito.

Kasama din umano sa programa ang pagbibigay ng tamang edukasyon sa publiko upang maiwasan ang panganib mula sa mga asong may rabies.

Nanawagan ang beterinaryo sa publiko na suportahan ang kampanya laban sa rabies at sa mga may mga alagang hayop na maging responsable nang sa gayon ay maiwasan ang masmalala pang suliraning dala ng rabies. (MAL/BAR-PIA5 Sorsogon)


Tagalog news: Naga-X ilulusad ng Naga City Tourism Office

By Danilo C. Abad

LUNGSOD NG NAGA, Marso 15 (PIA) -- Nakatakdang ilunsad ng lokal na pamahalaan ng lungsod ng Naga sa pamamagitan ng Tourism office ang Naga-X o Naga City Excursion Tourism Package sa darating na Marso 22 na dadaluhan ni Department of Tourism (DOT) Secretary Ramon R. Jimenez Jr.

Ayon kay Naga City Tourism Officer Alec Santos, kabilang sa tourism package ang tatlong araw at dalawang gabing pagbisita sa mga magagandang resorts sa loob ng lungsod at karatig na mga bayan o mga munisipyong nasasakupan ng Metro Naga. Kasama din sa package ang personal services, hotel accommodation and resto services.

Kabilang sa mga lugar na maaaring puntahan ng mga turista ay ang Peñafrancia Resort sa Barangay Carolina; Malabsay Falls Ecology Park sa may paanan ng Mount Isarog; Inarihan Dam; Panicuason Hot Spring Resort; Naga City Ecology Park. Maari ring puntahan ang Camarines Sur Water Sports Complex at iba pang tourist destination na matatagpuan sa lalawigan ng Camarines Sur.

Samantala, lalong pinalakas ng lokal na turismo ng lungsod ng Naga ang "public and private partnership." Isa sa mga napagkasunduan ay ang pag-aalok ng mga hotel at restaurants ng mababang presyo sa mga lokal at foreign tourists na bibisita dito.

Sinabi ni Santos na patuloy din ang pagdagdag ng nasabing mga negosyo lalo na ng food service industry sa loob ng lungsod ng Naga.

Matatandaan na nagkaroon ng kasunduan ang lokal na pamahalaan at mga negosyante na magbigay ng diskwento o mababang presyo o ang tinatawag na Naga City Great Sale na linahukan ng mga negosyante.

Ang local government unit ng llungsod ng Naga ay naniniwalang sa pamamagitan ng naturang kasunduan sa mga negosyante ay mas mapapalakas pa ang lokal na turismo sa lungsod. Batay sa record, umabot na sa 1.2 milyong turista ang bumisita sa lungsod noong 2012 at inaasahan na tataas pa ito ngayong taon dahil sa pagiging agresibo at inisyatibo ng lokal na pamahalaan na makasama sa mga package tours ang rehiyon Bicol. (MAL/LSM/DCA-PIA5 Camarines Sur)


Tagalog news: Kahalagahan ng Organikong Agrikultura, tinalakay

By Reyjun Villamonte

DAET, Camarines Norte, Marso 15 (PIA) -- Tinalakay noong Martes, Marso 12, sa little theater ng kapitolyo dito sa probinsiya ang kahalagahan ng paggamit ng organikong agrikultura sa pamamagitan ng Consumer Awareness on Organic Agriculture.

Isinagawa ito sa samahan ng mga magsasaka sa lalawigan ng Camarines Norte para sa unang grupo sa apat na bayan ng Daet, Talisay, Basud at Vinzons sa pangunguna ng Office of the Provincial Agriculturist (OPAg) ng pamahalaang panlalawigan.

Ayon kay OPAg Acting Provincial Agriculturist Francia C. Pajares, layunin nito na hikayatin ang mga magsasaka na gumamit ng tradisyunal na pamamaraan sa pagtatanim sa pamamagitan ng organikong agrikultura.

Aniya, gamitin pa rin ang tamang pamamaraan sa pagsugpo ng sakit at peste sa mga tanim na hindi ginagamitan ng mga kemikal na nakakaapekto sa kalusugan ng tao.

Tinalakay naman ang Health, Safety and Wellness sa paggamit ng organiko sa mga pagkain na walang gamit na kemikal at mga sanhi ng sakit mula sa mga produktong may kemikal at kung paano ito malulunasan ganundin ang kahalagahan nito sa kalusugan at kapaligiran.

Tinalakay din ang batas at kahalagahan ng paggamit ng organikong abono sa ilalim ng Republic Act 10068 o Organic Agriculture Act of 2010.

Ang RA 10068 ay batas ng estado na isulong, palaganapin at paunlarin ang pagpapatupad ng paggamit ng organikong agrikultura sa layuning mapayaman ang mga lupaing tinataniman upang magkaroon ng masaganang ani.

Mabawasan ang polusyon at maiwasan ang pagkasira ng kapaligiran at maprotektahan ang kalusugan ng mga magsasaka at ang publiko at makatipid sa paggamit ng mga inangkat na gamit sa pagsasaka.

Ang organic agriculture ay sistema ng pagsasaka na hindi ginagamitan ng anumang kemikal na may masamang epekto sa kalusugan ng tao at nakasisira sa kalikasan. (MAL/ROV-PIA5 Camarines Norte)


Tagalog news: Bayanihan Team patuloy sa Camarines Norte

By Reyjun Villamonte

DAET, Camarines Norte, Marso 15 (PIA) -- Patuloy ang isinasagawang “Bayanihan Team” ng 49th Infantry (Good Samaritans) Battalion ng Philippine Army sa lalawigan ng Camarines Norte sa pamumuno ni Lt. Col. Michael M. Buhat, commanding officer ng naturang pamunuan.

Isinasagawa ito ngayon sa limang barangay ng bayan ng Sta. Elena at apat na barangay sa bayan ng Labo upang alamin ang mga pangunahing problema at mga isyu sa naturang lugar.

Ayon kay Lt. Col. Buhat, ito ay ipinararating sa mga tamang ahensiya na mayroong kaugnayan dito upang matugunan ang mga suliranin partikular ang mga problema sa lupain.

Katuwang dito ang mga ahensiya mula sa Department of Agrarian Reform, Department of Environment and Natural Resources, National Commission on Indigeneous Peoples at ang Presidential Agrarian Reform Committee.

Ayon pa rin sa opisyal, katuwang din ang Land Bank of the Philippines dahil karamihan na problema dito ang pagbabayad sa Certificate of Land Owned Award (CLOA), marami na rin ang benepisyaryo ng CLOA subalit kaunti ang nagbabayad sa monthly amortization dahil ito ay mawawala sakaling hindi sila makapagbayad.

Isinasagawa din ng naturang pamunuan ang pagsasaayos at pagtatayo ng mga palikuran at nakapagbibigay ng mga materyales na kailangan katuwang ang mga mamamayan ng barangay ganundin ang paglalagay ng mga balon mula sa tulong ng lokal na pamahalaan.

Ang Bayanihan Team sa bawat barangay ay para alamin ang mga suliranin at iparating sa mga kinauukulang ahensiya ng pamahalaan ang kanilang mga pangunahing pangangailangan at matugunan ang mga problema partikular na ang mga usapin sa lupa.

Prayoridad ang mga malalayong barangay dahil mas malaki ang pangangailangan nila dahil sila ang mga lugar na hindi masyadong nararating ng mga ibat-ibang ahensiya ng ating pamahalaan ganundin ang mga programa.

Ang Bayanihan Team ay magpapatuloy sa pakikipagtulungan ng mga barangay upang matugunan ang mga proyekto at mga pangangailangan sa kanilang lugar.

Matatandaan ng nakaraang taon, 61 barangay na sa lalawigan ng Camarines Norte na mayroong Bayanihan Team sa pamamagitan ng pamunuan ng 49th IB.

Ayon naman sa pahayag ni Lt. Col. Buhat sa mga barangay, ipagpatuloy ang pakikipagtulungan sa mga kasundaluhan at sa lokal na pamahalaan upang ganap nang makamit ang kapayapaan at kaunlaran.

Bukas ang kanilang pamunuan sa mga impormasyon na ipararating sa kanila upang matulungan higit na ang mga naging biktima ng paglabag sa mga karapatang pantao ng mga New Peoples Army, tulungan silang maibalik ang mga labi nito sa kanilang mga pamilya at magkaroon ng maayos na libingan.

Ayon pa rin kay Buhat, nais din na iparating ng Armed Forces of the Philippines (AFP) na bukas din ang kanilang tanggapan para sa mga magbabalik loob kung saan mayroong programa dito na nagbibigay ang AFP ng halagang P50,000 para sa mga mayroong matataas na kalibre ng armas.

Dagdag pa niya, tatanggapin pa rin ang mga walang dalang armas upang mabigyan ng maayos na pamumuhay sa pamamagitan ng Comprehensive Local Integration Program na programa ng mga lokal na pamahalaan para mabigyan ng panimulang pamumuhay at tamang kinabukasan ang kanilang mga anak. (MAL/ROV-PIA5 Camarines Norte)


Tagalog news: Suspek sa massacre ng isang pamilya sa Masbate tinutugis ng pulisya

By Rogelio Lazaro

LUNGSOD NG MASBATE, Marso 15 (PIA) -- Tinutugis na ng pulisya ang sangkot sa pagpaslang sa apat na miyembro ng isang pamilya ang nsa Sitio Malamag, Brgy. Poblacion sa bayan ng Pio V. Corpuz, Masbate noong noong nakaraang Biyernes, Marso 8, batay sa report ni Police Provincial Director Heriberto Olitoquit.

Ayon sa otoridad dakong alas sais ng umaga ng i-report ng isang concerned citizen sa Pio V. Corpuz Municipal Police Station na may isang babaeng duguan at wala nang buhay na natagpuan sa labas ng kanilang tahanan sa Sitio Malamag, Brgy. Poblacion sa nabanggit na bayan.

Ang mga bangkay naman ng asawa at anak ng biktima at ang dalawang anak nito ay natagpuan sa loob ng kanilang tahanan.

Ayon sa ulat nakaligtas naman ang dalawa sa anim na miyembro ng pamilya na nasa kustodiya na ngayon ng DSWD.

Ayon sa OIC ng Pio V. Corpuz Municipal Police Station na si PSI Rodel Arevalo prayoridad nila ang imbestigasyon ng pamamaslang na ito, nangako naman si Police Provincial Director Olitoquit na gagawin ang lahat para mahuli ang suspek sa lalong madaling panahon. (MAL/RAL-PIA5/Masbate)


Tagalog news: Mga mamamahayag maaari nang mag-aplay ng Local Media Accreditation para sa Halalan 2013

Ni Francisco B. Tumalad

LUNGSOD NG SORSOGON, Marso 15 (PIA) -- Muling nakipag-ugnayan sa Philippine Information Agency (PIA) Sorsogon si Provincial Election Supervisor Atty. Calixto Aquino Jr. upang matulungan ang Comelec Sorsogon para sa aplikasyon ng akreditasyon ng mga lokal na mamamahayag.

Ito ay matapos ang pag-uusap at pagbibigay paliwanag sa mga media ng Sorsogon noong Pebrero 19, 2013 tungkol sa Local Absentee Voting (LAV) at ilan pang mahahalagang impormasyon kaugnay ng darating na halalan sa Mayo 2013,

Ayon kay Atty. Aquino, ang Local Media Accreditation (LMA) ay iniisyu para lamang sa mga lokal na mamahayag na aktibo sa serbisyo. Sa pamamagitan umano ng akreditasyong ito ay mabibigyan sila ng Identification Card (ID) na pirmado ng komisyon nang sa gayon ay madali silang matukoy kung sila nga ay lehitimong media na nagsasagawa ng coverage sa panahon ng eleksyon.

Kinakailangan lamang umanong isulat sa LMA Form ang buong detalye ng pagkatao ng media na nais magpa-akredit, pati na ang pangalan ng pinagsisilbihang istasyon at kung saan ito madedestino sa araw ng eleksyon.

Bawat kasapi ng media na mag-aaplay ng media accreditation ay kailangang magsumite ng tatlong piraso ng form na lalakipan ng 2x2 ID picture.

Maaaring makakuha ng local media accreditation form sa tanggapan ng Comelec o sa PIA Sorsogon.

Kinakailangan umanong maisumite ang naturang aplikasyon sa tanggapan ng Comelec simula ngayon, Marso 15 at hindi lalagpas ng Abril 15, 2013.

Kalakip sa aplikasyon ang endorsement letter ng kanilang pinagtatrabahuang istasyon ng radyo, telebisyon, pahayagan o ahensya ng balitaan sa internet. (MAL/FBT-PIA5 Sorsogon)


Tagalog news: Suplay ng tubig mula sa SCWD, sapat

By Benilda A. Recebido

LUNGSOD NG SORSOGON, Marso 15 (PIA) -- Kung magpapatuloy ang pagbuhos ng ulan ngayong Marso inaasahang hindi magkakaroon ng paghina ng suplay ng tubig kahit pa ang mga nakatira sa matataas na lugar sa lungsod ng Sorsogon.

Ito ang inihayag ng pamunuan ng Sorsogon City Water District (SCWD) sa ipinadalang impormasyon nito sa mga kumukonsumo ng tubig sa lungsod. Ayon dito, ang pinagkukunan ng inuming tubig ng lungsod ng Sorsogon ay nanggagaling sa malalim na bukal at deepwell na may pambomba.

Sa tala ng SCWD, ang spring sources kapag maulan ay lumilikha ng 114 litro bawat segundo (LPS) at kapag tag-init naman ay 36 LPS lamang, nababawasan ito ng 70 porsyento sa panahon ng tag-ulan.

Ang kabuuang produksyon ng 12 deepwell at pumping station ng SCWD ngayon ay humigit-kumulang sa 160 LPS kung lahat ng ito ay gumagana.

Sa kasalukuyan, ang mga kumukonsumo na sinusuplayan ng tubig ng SCWD sa lungsod ay nasa 8,700 na kabahayan at nangangailanagan ito ng 122.25 LPS average bawat araw kasama na ang 30 porsyento tagas ng tubo.

Kapag peak hours o sabay-sabay ang paggamit ng tubig ng mga kumukonsumo simula alas-sais hanggang alas-otso ng umaga at alas-onse ng umaga hanggang alas-otso ng gabi domodoble naman ang nagiging kunsumo ng tubig.

Lumalabas na ang konsumo ng tubig tuwing peak hours ay nangangailangan ng 244.50 LPS, dito rin makikita na sa tuwing tag-ulan ay sagana ang suplay ng tubig at minsan ay sumusobra pa ito.

Subalit sa panahon naman ng tag-init, makikitang kulang na kulang ang suplay ng 48.50 LPS sa pangangailangan ng kasalukuyang bilang ng mga kumukonsumo.

Inamin ng SCWD na malaking epekto ang sobrang pag-init dala ng Global Warming dahil maraming kabahayan ang gumagamit ng tubig, dagdag pa ang sabay-sabay na pagbukas ng gripo at pagkakaroon ng problema sa mga makinang ginagamit na umaasa din sa kuryente.

Samantala, tiniyak naman ng pamunuan ng SCWD na ginagawa nito ang lahat ng makakaya upang matugunan ang kinakailangang suplay ng tubig sa lungsod. Nanawagan din ito sa publiko na patuloy na maging responsable sa paggamit ng tubig at tiyaking naisasarado ng maayos ang mga gripo at maayos ang mga tubo ng tubig sa loob at labas ng mga kabahayan. (MAL/FBT-PIA5 Sorsogon)


Tagalog news: Isang suspek sa pagpaslang sa kandidatong bise-alkalde sa Masbate, kinasuhan na ng pulisya

By Ernesto A. Delgado

LUNGSOD NG MASBATE, Marso 15 (PIA) -- Isang kagawad sa barangay na umano’y sangkot sa pagpaslang sa isang kandidato sa pagka-bise-alkalde sa Mobo ang sinampahan na ng kasong murder.

Ayon kay Police Provincial Director Heriberto Olitoquit, kanyang isinampa ang kaso kahapon, Marso 14 sa Provincial Prosecutor’s Office laban sa kagawad ng Barangay Mandali, Mobo.

Sinabi ni Olitoquit na ginamit nilang ebidensya ang deklarasyon na ibinigay sa pulisya ng biktima bago ito nalagutan ng hininga.

Sa kanyang deklarasyon sa imbestigador, idinawit umano ng biktima ang kagawad sa naganap na pamamaril sa kanya nitong nakaraang Sabado, Marso 9, habang siya’y nasa sabungan sa kanyang bayan.

Ang biktima ay nakapanayam ng imbestigador bago ito nalagutan ng hininga sa isang ospital sa lungsod ng Masbate nang sumunod na araw ng Linggo.

Ang biktima ay kapitan ng Barangay Tugbo, Mobo at tumatakbong bise-alkalde ng kanyang bayan.

Tiniyak ni Olitoquit na tatapusin nila agad ang imbestigasyon sa pagkakakilanlan sa iba pang John Does sa kaso upang makasuhan na ang iba pang sangkot sa pagpaslang. (MAL/EAD-PIA5/Masbate)


Tagalog news: P1.5M inilaan ng DA sa Camarines Norte para sa gusali ng mga produktong agrikultura

By Reyjun Villamonte

DAET, Camarines Norte, Marso 15 (PIA) -- Naglaan ng P1.5 milyon pondo ang Regional Field Unit 5 ng Department of Agriculture (DA-RFU 5) para sa itatayong gusali sa mga produktong pang-agrikultura ng lalawigan ng Camarines Norte.

Ito ang Organic Trading Post Facility and Equipment kung saan bahagi naman ng pamahalaang panlalawigan ang pagtatayuan ng lugar nito.

Nakatakdang itayo ang naturang gusali sa katabing bahagi ng Camarines Norte Government Workers Multi-Purpose Cooperative ng kapitolyo probinsiya na siyang mangangalaga at magpapaunlad dito.

Kasama sa inilaang pondo ang pasilidad ng gusali at puhunan para sa mga bibilhing produktong agrikultura mula sa mga magsasaka.

Ang naturang pondo ay nasa ilalim ng proseso at anumang araw na maaprubahan ito ay maaari ng mapasimulan ang itatayong gusali.

Ang lahat ng produkto ng mga magsasaka ay dito na dadalhin at organikong agrikultura lamang ang bibilihin dito o hindi ginamitan ng mga kemikal at pestisidyo.

Ayon sa pahayag ni Provincial Focal Person Marilyn Puato, Supervising Agriculturist ng Office of the Provincial Agriculturist (OPAg), kailangan ang taniman ng mga magsasaka ay mayroong certified organic farm mula sa Bureau of Agriculture Fisheries Standard (BAFS) at Organic Certification Center of the Philippines (OCCP).

Aniya, ito ang magpapatunay na ang kanilang mga tanim ay mayroong organikong abono at hindi ginamitan ng anumang nakalalasong kemikal at nakasisira sa kalusugan ng tao.

Ayon pa rin kay Puato, kailangan din na organisado ang taniman ng mga magsasaka at mayroong sariling Internal Control Inspector na siyang sumusuri sa mga tanim na gumagamit ng organikong abono.

Ito ay kaugnay sa isinagawang Consumer Awareness on Organic Agriculture noong ika-12 ng Marso ngayong taon sa little theater ng kapitolyo probinsiya. (MAL/ROV-PIA5 Camarines Norte)

Wednesday, March 13, 2013

Tagalog news: Libreng Spay/Neuter sa mga alagang hayop isasagawa bukas sa bayan ng Daet

By Reyjun Villamonte

DAET, Camarines Norte, Marso 13 (PIA) -- Isasagawa bukas sa Animal Heart Veterinary and Grooming Center sa bayan ng Daet ang libreng Spay/Neuter sa mga alagang hayop sa loob ng tahanan.

Pangungunahan ito ni Gobernador Edgardo A. Tallado sa pamamagitan ng Provincial Veterinarian (ProVet) Office ng pamahalaang panlalawigan at sa pakikipagtulungan ng Philippine Veterinary Medical Association (PVMA) sa rehiyong Bikol.

Ayon kay Acting Provincial Veterinarian Dr. Ronaldo U. Diezmo, supervising agriculturist ng ProVet, inaanyayahan ang mga may-ari at mayroong alagang aso at pusa sa kanilang mga tahanan na makiisa bukas upang mabigyan ng libreng Spay/Neuter ang kanilang mga alagang hayop.

Aniya, ito ay isang pamamaraan upang hindi dumami at makontrol ang populasyon ng mga hayop at mapigilan ang paglaganap ng rabies at ito ay makakatulong upang mabawasan ang insidente nito.

Dagdag pa niya na hindi naman maaapektuhan ang kalusugan ng mga hayop dahil ito ay ipinapayo ng mga beterinaryo sa mga may-ari at sakaling ayaw na itong dumami at nagiging problema na ay kailangan na ang ganitong pamamaraan.

Paalala pa rin niya na anumang araw, maulan man o mainit ang panahon ay dapat maging responsable sa pag-aalaga ng hayop at talian ito sa loob ng bakuran upang maiwasan ang insidente ng rabies.

Inabisuhin din nila na makipag-ugnayan sa kanilang tanggapan sa kapitolyo probinsiya para sa mga karagdagang impormasyon tungkol dito.

Dapat ay sundin pa rin ang ipinatutupad na batas na Republic Act 8485 o Animal Welfare Act of 1998 at Republic Act 9482 o Rabies Act of 2007 na nagbabawal sa lahat na ang alagang aso ay gumagala sa kalsada at ito ay responsibilidad ng barangay na kailangan ipatupad bilang katungkulan at pananagutan ng bawat lokal na pamahalaan.

Batay naman sa talaan ng naturang tanggapan, tatlo ang namatay sa insidente ng rabies ng nakaraang taon ng 2011 at 2012 kung saan isa ang namatay ngayong unang kwarter ng taon ng 2013.

Ang naturang aktibidad ay bahagi sa selebrasyon ng “Rabies Awareness Month” ngayong buwan ng Marso. (MAL/ROV-PIA5 Camarines Norte)


Tagalog news: Konsultasyon para sa road widening project ginawa sa lungsod ng Naga

By Danilo C. Abad

LUNGSOD NG NAGA, Marso 13 (PIA) -- Isang konsultasyon ang pinangunahan ng Department of Public Work and Highways o DPWH sa rehiyon Bicol at ng Lokal na Pamahalaan ng lungsod ng Naga para sa road widening project na gagawin sa Maharlika Highway mula sa Rotonda ng lungsod hanggang sa boundary ng Pili, Camarines Sur.

Ginanap ang naturang konsultasyon noong Marso 6, 2013 sa Barangay Concepcion Grande na dinaluhan ng mga residente, mga may pag-aari ng lote, barangay officials at mga kinatawan ng utilities gaya ng Metro Naga Water District, Electric Cooperative, Telcos at Cable TV providers at iba pang indibidwal na maaaring maapektuhan ng naturang proyekto.

Ayon kay Allen Reodanga, public relations officer ng lungsod ng Naga, maraming pampubliko at pribadong gusali ang apektado ng proyekto kung kaya kailangan ang konsultasyon bago ipatupad ang proyektong pagpalapad ng kalsada sa nasabing lugar.

Sinabi ni Reodanga na 6.3 metro ng magkabilang kalsada o may kabuuan na 12.60 metro ang idadagdag para sa pagpapalawak ng daan sa Maharlika Highway upang maging four-lane highway. Nangangahulugan ito ng karagdagang daan, shoulder at sidewalk sa magkabilang panig ng daan.

Ang naturang proyekto ay nagkakahalaga ng 100 milyong piso at nakatakdang ipatupad ng DPWH regional office mula sa buwan ng Abril o Mayo ngayong taon.

Kaugnay nito, maaapektuhan sa gagawing road widening ang pinakamalaking sementeryo sa rehiyon Bicol, ang Naga City Cemetery kung kaya isa sa mga panukala ang pagsasagawa ng restoration sa nasabing lugar. Gagawan muna ng apartment type na istruktura ang mga puntod sa gilid ng kalsada bilang bakod habang naghahanap pa ang lokal na pamahalaan ng permanenteng paglilipatan ng sementeryo.

Samantala, inumpisahan na din ang pag-aayos and rehabilitation ng Almeda Highway sa lungsod ng Naga simula pa noong Marso 1 ngayong taon.

Ito ang alternatibang daan papuntang Maynila o lungsod ng Legazpi upang maiwasan ang mabigat na trapiko sa Maharlika Highway sa bahaging barangay Concepcion Pequeña at Concepcion Grande. (MAL/LSM/DCA-PIA5 Camarines Sur)


Tagalog news: Samahan ng mga kabataan ipagpapatuloy ang mga proyektong pangkabuhayan

By Reyjun Villamonte

DAET, Camarines Norte, Marso 12 (PIA) -- Muling ipagpapatuloy ng samahan ng mga kabataan o 4-H Club sa lalawigan ng Camarines Norte ang mga proyektong pangkabuhayan ng nakaraang taon.

Ito ay kaugnay sa isinagawang pagpupulong noong Biyernes (Marso 8) sa little theater ng kapitolyo probinsiya dito ng mga Municipal Federation President at mga Coordinator ng bawat bayan.

Ayon kay Agriculturist II Irene Olivar ng Office of the Provincial Agriculturist (OPAg) ng pamahalaang panlalawigan at Provincial Farm Youth Development Program Coordinator ng naturang samahan, layunin ng pagpupulong ang pag-usapan ang mga programa, mga problema na kailangan bigyan ng solusyon, mga usapin at mayroong mga kaugnayan dito ganundin ang ipagpatuloy ang mga nasimulang proyekto.

Kabilang sa mga proyektong pangkabuhayan ang pag-aalaga ng hayop, pagtatanim at ang pagpoproseso ng iba't ibang pagkain na maaaring pagkakitaan.

Pinag-usapan din sa pagpupulong ang isasagawang paligsahan sa Abril 5 ngayong taon sa kapitolyo probinsiya kabilang na ang poster making, extemporaneous speaking, quiz bee at iba pang mga patimpalak.

Ang pagpupulong ay pinangunahan ng Farm Youth Development Program Coordinators ng Provincial 4-H Club sa Camarines Norte at sa pakikipagtulungan ng panlalawigang agrikultura dito. (MAL/ROV-PIA5 Camarines Norte)