Programang kabuhayan, edukasyon sa Camarines Norte, inilahad ng 4 na kagawaran

By Rosalita B. Manlangit

DAET, Camarines Norte, Mayo 5 (PIA)—Inilahad ng apat na kagawaran ng gobyerno na tumutulong sa mga maliliit na mga negosyante, kooperatiba at mag-aaral ang kani-kanilang mga programang pangkabuhayan at pang-edukasyon sa ginanap kamakailan na “Talakayan sa PIA” ng Camarines Norte Information Center.

Ang apat ay ang Department of Trade and Industry (DTI), Technical Education Skills Development Authority (TESDA), Department of Labor and Employment (DOLE) at Department of Science and Technology (DOST).

Ayon kay Alvin Sayno ng DTI, nakatuon sila sa pagtatayo ng “Negosyo Centers” sa mga bayan kung saan ang lokal na pamahalaan ng Daet ang kauna-unahan sa Camarines Norte na nagbukas nito noong Enero.

Ngayong buwan ng Mayo, DTI naman ang magbubukas sa tanggapan nito, dagdag pa ni Sayno.

Aniya nakatuon ang tanggapan sa pagtulong sa mga negosyante kung kaya’t  meron silang iipinapatupad na mga programang pinansiyal, pagsasanay at iba pang tulong upang gawing madali ang pagnenegosyo.

Gayundin sinabi niya na ang isa pa sa malalaking proyekto ng DTI ay “shared service facility” kung saan nagbibigay sila ng mga kagamitan na maaaring gamitin ng mga manufacturers sa pagpoproseso ng mga produkto.

Sinabi naman ni TESDA Provincial Director Conrado Maraan Jr. na ang pagbibigay ng certification sa mga kumuha ng iba’t ibang kurso ng tanggapan tulad ng automotive at computer hardware servicing ay nangangahulugan ng malaking tsansa na makapagtrabaho sa ibang bansa.

Sinabi pa ni Maraan na ang mga pinalad na makapasa sa kanilang eksaminasyon at magkaroon ng certification ay kinikilala hindi lang dito sa bansa kundi maging sa mga bansang miyembro ng Association of Southeast Asian Nations.

Nilinaw ni Maraan na sa mga paaralan o institusyon na nais magbukas ng mga TESDA programs kinakailangan aniyang tumalima sa mga requirements na hinihingi ng tanggapan tulad ng certification of trainer’s methodology o pagpapatunay na certified at marunong magturo ang mga trainers nito.

Ipinaliwanag ni Maraan na ito ay upang masiguro ang kalidad ng edukasyon sa mga paaralang magbubukas ng mga programa nito.

Ngayong taon naglaan na ang tanggapan ng P10 milyon para sa scholarship grants kasama dito ang Private Education Students Financial Assistance (PESFA). Maari lamang matanggap ito ng ng estudyanteng may taunang kita ang pamilya na hindi lalampas sa P120,000 at hindi pa nakakatuntong sa kolehiyo na.

Ayon naman kay DOLE Officer-In-Charge Provincial Field Officer Jane Rolda nagbibigay ang tanggapan nila ng starter kit o kagamitan na tutugma sa skill o kakayahan ng isang benepisyaryo para sa hanapbuhay tulad ng karpintero, mason at iba pa.

Sinabi niya na meron din silang Tulong Panghanapbuhay Sa Mga Displaced Workers (TUPAD) o disadvantaged workers kung saan lahat ng personal protective equipment na gagamitin ng benepisyaryo, 100% salary o arawang suweldo sa loob ng 10 hanggang 30 araw at micro insurance nila ang babayaran ng DOLE.

Dagdag pa ni Rolda meron silang Special Program for Employment of Students (SPES) para naman sa mga mag-aaral na dati ay umiikot lamang sa 30 araw na paggawa at ngayon ay maaari ng makuha ng benepisaryo sa loob ng 52 araw.

Ayon naman kay Marilou Belgado ng DOST nagsasagawa ang kanilang tanggapan ng mga pagsasanay kagaya ng complementary food processing at pineapple processing ngayong buwan ng Mayo.

Nilinaw din ni Belgado na hindi working capital ang ipinahihiram ng kanilang tanggapan kundi mga kagamitan o equipment na maaaring umabot mula sa P1 milyon hanggang P10 milyon halaga.

Nabatid pa kay Belgado na sa mga mag-aaral na nais magkolehiyo nagbibigay sila ng DOST scholarship na kung saan dapat 85% ang average grade ng mag-aaral upang makakuha nito.

Sa susunod na taon, wala munang makakakuha nito dahil sa K-12 , dagdag pa ni Belgado.

Ang “Talakayan sa PIA” na ginanap sa Gender and Development Building ng PENRO-DENR.ay pinangasiwaan ni Information Center Manager Rosalita B.Manlangit ng Camarines Norte Information Center at dinaluhan ng mga media mula sa radyo, telebisyon at prensa (RBM/KNR/EAD-PIA5/Camarines Norte)

- See more at: http://news.pia.gov.ph/article/view/871430803481/programang-kabuhayan-edukasyon-sa-camarines-norte-inilahad-ng-4-na-kagawaran-#sthash.F1A1xpbQ.dpuf

Kamino na dili maagihan kun tag-uran susolbaron san programang pangkatuninongan san gobierno

CIUDAD SAN MASBATE, Abril 30 (PIA) – Dili man isla an istaran ni Barangay Captain Candelaria Hinlo pero kun tag-uran, literal na nabubulag an inda barangay sa iba na parte san Cawayan, isad na munisipyo na lampas 90 kilometros an distansya sa ciudad san Masbate.

Baga daw kumunoy an 16-kilometros na kamino na nagasumpay sa Barangay Malbug kag sa poblacion san Cawayan na sentro san negosyo kaya dili maagihan san nanuman na sarakyan.

Haros wara na nagalaom an mga residente na mababag-o pa an inda kamutangan hasta na umabot sa inda lugar an caravan san gobierno san Biernes.

Sa tiripon na guin hiwat sa plaza san Malbug, guin pahayag san representante san Office of the Presidential Adviser on the Peace Process sa lampas tres mil na pumuluyo na nagtambong na nagtigana segun saiya an Department of the Interior and Local Governments san P50 milyones para sementuhon an bagan lugaw na parte san kamino.

Segun kan Andres Ativo san DILG an proyekto naghali sa programang PAMANA an sabat san gobierno sa kagustohan san publiko san maghiwat san konsultasyon sa inda lugar.

Bilang reaksyon, segun kan Kapitan Hinlo an nasambit na proyekto an magapatawhay sa lampas kinse mil na pumuluyo na nabubulag sa iba na parte san Masbate sa tiempo sa  tag-uran.

An PAMANA, na sa halip-ot na surmaton Payapa at Masaganang Pamayanan, an programa san administrasyong Aquino para sa magkapira na komunidad na napabayaan san gobierno sa mga nakaligad na dekada. (RAL/EAD PIA5-Masbate)

- See more at: http://news.pia.gov.ph/article/view/831430376768/kamino-na-dili-maagihan-kun-tag-uran-susolbaron-paagi-sa-programang-pangkatuninongan-san-gobierno#sthash.NctZPzqe.dpuf

30 Kabataan na Intern ng DA-Bicol ang magtratrabaho sa isang buwan

LUNGSOD NG NAGA, Abril 22 (PIA) --- Nagsimula ng magtrabaho ang mga Kabataan na pumasa sa eksaminasyon na ibinigay ng Kagawaran ng Agrikultura o DA sa rehiyon Bicol para sa taunang Summer Youth Internship Program (SYIP).

Kamakailan lamang, sa ginawang flag raising ceremony sa compound ng DA-RFU5 sa bayan ng Pili, Camarines Sur malugod na tinanggap ni Regional Executive Director Abelardo R. Bragas pati na rin ng mga Regional Technical Directors, Division Chiefs at mga empleyado ng ahensiya ang halos 30 kabataan na maswerteng nakapasok bilang intern.

Ayon kay EBragas makakatanggap ng P9,000 na minimum wage ang bawat isa bilang pinansiyal na tulong at pang-matrikula sa darating na pasukan sa eskwela.

Mas marami ngayon ang nakapasok sa internship program ng ahensiya kumpara sa nakaraang taon 2014 na umabot lamang sa 20-25 intern ang nakinabang ng programa sabi pa ni Bragas.

Inihayag din ni Bragas, na dapat umunlad ang agrikultura kaysa sa paglago ng populasyon". Kaya, hinihikayat niya ang interns upang maging isa sa mga manguna na itulak ang pagpapabuti ng rural na komunidad para sa maunlad na bansa.

Ang mga aplikante ay dumaan sa proseso na nagtataglay ng mga sumunsunod: mula sa mga pamilya na walang kaugnayan, alinman sa pamamagitan ng pagkakamag-anak, o relasyon sa pinuno ng ahensiya at sa anumang mga opisyal / empleyado ng DA.

Bukas ito sa mga high school at college students o kaya'y nakapag-enroll ng vocational courses pati na rin sa mga out-of-school Youths (OSY) na may edad na 15-25 taong gulang. Hindi na rin pwedeng payagan ang mga dati ng nakinabang sa programng ito .

Kaugnay nito ang iba pang ahensiya ng gobyerno at mga lokal na pamahalaan ay nag-alok din ng kaparehong programa ngayong summer.

Ang Government Internship Program ay hango sa Kabataan Program na sinimulan ng dating Presidente Fidel V. Ramos sa ilalim ng Pilipinas 2000 Program. Hinihikayat dito ang mga mag-aaral sa high school at kolehiyo at maging Out-of-School Youth (OSY) upang makisali sa mga aktibidad para makatulong at maging produktibo sa buong taon. (MAL/DCA-PIA5/CamSur)

- See more at: http://news.pia.gov.ph/article/view/851429673811/30-kabataan-na-intern-ng-da-bicol-ang-magtratrabaho-sa-isang-buwan#sthash.kTwI4z9E.dpuf