By Rogelio Lazaro
CIUDAD SAN MASBATE, Hunyo 25 (PIA) -- Magapahimo an gobierno ciudad san Masbate san kwarto na pagaklasihan san mga kabataan na bulnerable sa guina bawal na droga.
Sa tiripon san Masbate City Peace and Order Couincil, sinabi san social welfare and development officer san ciudad na si Evelyn Somera na ini na pasilidad magatukdo sa mga kabataan na madadakop na nagbayolar sa curfew na naga edad disiete anyos pababa.
Segun kan Somera, an brainchild ni Mayor Socrates Tuason tatawagon na “Drug Education Center” ititindog sa sulod san istasyon san Barangay Unified Force (BUF).
An istasyon san BUF an magasirbe na holding center san mga kabataan na nagbalgar sa curfew ordinance san ciudad. Segun pa kan Somera, an mga kabataan na may nightlife o nasa luwas sa inda panimalay sa oras san curfew an bulnerable sa mga naga tulak san guina bawal na droga.
Base sa profile na guin hayag san hepe san anti-narcotics section san Masbate City Police Station na si PO4 Arnel Buncaras, magkapira sa mga nagagamit san bawal na droga maga batan-on.
Segun kan Somera, nagahanap kag nagatipon na an iya opisina san reference materials manungod sa drug education.
Sa tiempo na supiciente na an instruction materials, aabrehan na an nasambit na pasiliddad agod tanan na kabataan na madadakop sa pagbalgar sa curfew magkaigwa san kaaraman manungod sa remalaso dara san paggamit san bawal na droga. (MAL/RAL-PIA5/Masbate)
CIUDAD SAN MASBATE, Hunyo 25 (PIA) -- Magapahimo an gobierno ciudad san Masbate san kwarto na pagaklasihan san mga kabataan na bulnerable sa guina bawal na droga.
Sa tiripon san Masbate City Peace and Order Couincil, sinabi san social welfare and development officer san ciudad na si Evelyn Somera na ini na pasilidad magatukdo sa mga kabataan na madadakop na nagbayolar sa curfew na naga edad disiete anyos pababa.
Segun kan Somera, an brainchild ni Mayor Socrates Tuason tatawagon na “Drug Education Center” ititindog sa sulod san istasyon san Barangay Unified Force (BUF).
An istasyon san BUF an magasirbe na holding center san mga kabataan na nagbalgar sa curfew ordinance san ciudad. Segun pa kan Somera, an mga kabataan na may nightlife o nasa luwas sa inda panimalay sa oras san curfew an bulnerable sa mga naga tulak san guina bawal na droga.
Base sa profile na guin hayag san hepe san anti-narcotics section san Masbate City Police Station na si PO4 Arnel Buncaras, magkapira sa mga nagagamit san bawal na droga maga batan-on.
Segun kan Somera, nagahanap kag nagatipon na an iya opisina san reference materials manungod sa drug education.
Sa tiempo na supiciente na an instruction materials, aabrehan na an nasambit na pasiliddad agod tanan na kabataan na madadakop sa pagbalgar sa curfew magkaigwa san kaaraman manungod sa remalaso dara san paggamit san bawal na droga. (MAL/RAL-PIA5/Masbate)
No comments:
Post a Comment