Tuesday, December 21, 2010

ALBAY, PINANGUNAHAN ANG LGU SUMMIT 2ND LEG SA VISAYAS
By Marlon A. Loterte


LEGAZPI CITY— Muling nagpulong-pulong ang mga opisyal ng pamahalaang lokal ng iba’t ibang mga lalawigan, lungsod at bayan sa Visayas para sa patuloy na pagsusulong at mapalakas pa ang adbokasiya at kampanya sa Climate Change Adaptation para matugunan ang mga hamon at epekto nito.

Muling pinangunahan ng pamahalaang lokal ng Albay ang LGU Summit+3i Visayas leg na ginananp noong Disyembre 15 hanggang 16sa Iloilo City.

Si Vice President Jejomar Binay naman ang naging panauhing pandangal sa nasabing pagtitipon na itinataguyod ang “total localization” sa pagpapatupad ng mga programa at hakbang sa CCA.

Naging pangunahing tagapagsalita din si acclaimed UN Senior Global Champion for CCA/Disaster Risk Reduction and Albay Governor Joey Salceda na muling inilahad ang mga programa at polisiya ng lalawigan para matugunan ang mga implikasyon o epekto ng pagbabago-bago ng klima sa mundo.

Inihayag rin ni Salceda na kailangan ng mga lokal na pamahalaan na magpatupad ng mga hakbangin na tutugunan ang mga epekto ng pagbabago ng klima alinsabay sa kanilang mga ipatutupad ring mga programa, proyekto at mga polisiya sa pagsusulong na maitaas ang antas ng pamumuhay ng mga mamamayan, ganoon din ang masiguro ang kaligtasan mga lugar sa kanilang lalawigan, lungsod o bayan sa mga masamang epekto, kalamidad na dulot nito.

Sa kinalaunan ay maipatupad rin nga bawat lokal na pamahalaan ang mga kinakailangan na hakbangin sa Climate Change Adaptaion alinsunod sa National Strategic Framework on CCA at matugunan ang kinakailangang programa para makamit ang mga adhikain ng Millennium Development Goals (MDG) sa taong 2015.

Ayon naman kay Manuel “Nong” Rangasa, executive director ng Center for Initiative Research for Climate Adaptation (CIRCA), ang nasabing LGU Summit +3i ay ang ikalawang yugto ng una ng pinasimulan ng pamahalaang lokal ng Albay noong Nobyembre at muling binibiyang diin ang mahalagang papel ng mga lokal na pamahalaan sa pagsasagawa ng mga hakbang para matugunan ang mga epekto ng climate change sa buhay ng tao at iba pang aspeto ng pamumuhay ng mga pamamyanan.

Kasama sa mga dumalo sa nasabing summit ang mga planning manager, scientist at academe, civic society at community leaders, mambabatas, , at mga development partners. (PIA V/Albay)

MASISIPAG NA BARANGAY HEALTH AT DAY CARE WORKERS SA MASBATE MANANATILI SA KANILANG POSISYON

MASBATE CITY — Hindi lang iilang bagong halal na Punong Barangay sa lalawigan ng Masbate ang nagsantabi ng patronage politics at nag reappoint ng mga opisyal na maganda ang performance.

Sa survey na ginawa ng local media, karamihan sa neophyte na punong barangay ay nag re-appoint ng Barangay Health Workers, Barangay Nutrition Scholars at Barangay Day Care Workers.

Ayon kay DILG Masbate City Local Government Operation Officer Raynard Garrucho, co-terminus sila sa natalong Punong Barangay na nag-appoint sa kanila.

Ayon naman sa mga bagong Punong Barangay, kanilang ginawaran ng re-appointment ang Barangay Health Workers, Barangay Nutrition Scholars at Barangay Day Care Workers dahil kailangan nila ang may experience at para di na masayang ang trainings na ibinigay sa kanila ng pamahalaan .

Anila yaon lamang mga hindi nagtrabaho habang nanunungkulan sa nakaraang administrasyon ang tanging sinibak sa posisyon. (RALazaro, PIA Masbate)

CRISIS MANAGEMENT SEMINAR GINAWA SA LUNSOD NG NAGA

NAGA CITY — Dinaluhan ng mga opisyales ng Philippine National Police (PNP) , mga miembro ng City Peace and Order Council at mga opisyal ng Public Safety Office dito ang ginawang Crisis Managament Seminar at Simulation Exercises noong isang linggo.

Ilan sa mga naatasang magbigay ng kanilang lectures at mensahe ay ang City Director ng Naga City Police Office na si PSSupt. Vert Chavez.

Isinaysay naman ni DILG City Director Fatima Penino ang ilang mga kautusan ng Department of Interior and Local Government partikular ang mga order at Memorandum Circulars mula sa kanikang tanggapan na may kinalaman sa pagbuo ng isang crisis management committees.

Isa na rito ang DILG Memorandum Circular No. 2003-001 na nag uutos ng pagpapatupad ng mga guidelines para sa pagbuo ng crisis management committee.

Ayon sa naturang kautusan ay ipinadala sa lahat ng mga gobernador , city at mga municipal mayors bilang Chairperson ng kani kanilang Peace and Order Councils.

Sakop din sa naturang kautusan ang mga DILG Regional Director at maging ang mga Napolcom Regional Directors, PNP Regional at Provincial Directors at ilang pang opisyal ng iba pang ahensya at mga stakeholders. (LSMacatangay, PIA CamSur)

VILLAFUERTE, SUPORTADO NG MGA ALKALDE SA KANYANG SENATORIAL BID

NAGA CITY — maaga pa lamang ay nagpakita na ng kanilang suporta ang tatlumpot isang mga alkalde dito sa lalawigan ng Camarines Sur para sa darating na senatorial bid ni Gobernador LRay Villafuerte.

Sa pagpupulong na ginawa ng mga miembro at opisyales ng League of Municipalities o LMP na ginawa kamakailan, ay ipinahayag ni Villafuerte ang kanyang intension na tumakbo bilang senador sa susunod na halalaan

Sa naturang pagtitipon ay ipinarating naman ng Liga sa pamumuno ni Buhi Mayor Rey Lacoste ang buo nilang suporta sa hakbang na ito ni Villafuerte.

Buo ang kanilang paniniwala na pagkatapos ng termino nito bilang Gobernador ng lalawigan ng Camarines Sur ay wala ng makakapigil pa rito upang sumagupa sa mga national candidates upang maging isa sa mahuhusay na senador sa bansa.

Ang balitang ito ay hatid sainyo ng Manila Bulletin, Tempo, Balita at ng Philippine Information Agency dito sa Camarines Sur. (LSMacatangay, PIA CamSur)

MASBATE PROVINCIAL BOARD SUPRTADO ANG PHASE-OUT NG MERCURY THERMOMETERS

MASBATE CITY — Handang suportahan ng Masbate Provincial Board ang gradual phase-out ng devices na naglalaman ng mercury na isinusulong ngayon ng Department of the Interior and Local Government at Department of Health.

Sa panayam ng local media, sinabi ni Board Member Enrique Legazpi na chairperson ng committee on health na pangungunahan niya ang pagsulong sa Sangguiang Panlalawigan ng isang resolution para bilisan ang phase-out ng mercury sa mga government hospitals sa Masbate.

Isusulong din aniya niya ang isang ordinance na magbabawal sa mga drugstores o pharmacies na magtinda ng mercury thermometers at BP devices na may mercury.
Aniya ang dalawang hakbang na naturan ay magpapalakas sa Memorandum Circular 2010-140 na inilabas ni Secretary Jesse Robredo noong Disyembre 7.

Sa naturang memorandum, minanduhan ni Robredo ang mga local government units na gumawa ng hakbang para masunod and Administrative Order 21 ng Department of Health.

Iniuutos ng A.O. 21 ng DOH sa lahat ng health care facilities ang phase-out ng mercury-containing devices. (RALazaro, PIA Masbate)

ENHANCED K+12 PROGRAM, NAKATAKDANG ILUNSAD NG DEP-ED CATANDUANES

VIRAC, Catanduanes — Inilunsad ng Department of Education (DepEd) Division of Catanduanes ang Enhanced K+12 Basic Education Program noong December 16, 2010 kung saan dinaluhan ito ng mga education officials, stakeholders at partners in education sa buong lalawigan na ginanap sa Virac Sports Center dito.

Ayon kay Dr.Artemio Rivera, Schools Division Superintendent, isang forum on K+12 ang isinagawa matapos ang isang kick-off para sa umaga sa poblacion ng Virac. Sa naturang forum tinalakay sa publiko ang mga natatanging katangian ng programa na may layuning maitaas ang kalidad ng edukasyon sa buong kapuluan.

Ang enhanced K+12 Basic Education Program ay may layuning magkaroon ng dekalidad na labing-dalawang basic education program kasali na ang kindergarten,anim na taon sa elementary education,at apat na taon sa junior high school(grades 7 to 10)at dalawang taon sa senior high school (grades 11 to 12).Ang dalawang taon sa senior high school ay may layuning mabigyang oras ang mga mag-aaral na matipon ang kanilang nakuhang academic skills at kakayahan.

Ang nasabing curriculum ay makakapagbigay sa mga mag-aaral ng specialization sa Science and Technology, Music and Arts, Agriculture and Fisheries, Sports, Business at entrepreneurship.

Bibigyan din ng kaukulang pansin ng naturang programa ang pangangailangan ng mga guro, silid-aralan, desks, water and sanitation at quality textbooks sa pagbibigay ng mas mataas na budget ng pamahalaan sa edukasyon. (EABagadiong, PIA Catanduanes)


WORLD GALA PREMIER NG PELIKULANG “IKAW ANG PAG IBIG, SA LUNSOD NG NAGA

NAGA CITY — Kaugnay ng pagdiriwang ng ikatatlong daang taon ng debosyon kay Nuestra Senora de Penafrancia ay isang pelikula ang binuo ng isang movie outfit na pinangungunahan mismo ng batikang director na si Marilou Diaz-Abaya.

Ito ay ang pelikula na may pamagat na Ikaw ang Pag ibig kung saan gumanap sa mahahalagang papel sina Jomari Ylana, Marvin Agustin, Jaime Fabregas, Ina Feleo at espesyal ng bikolanong actor na si Eddie Garcia.

Bago pa ito ipalabas sa malalaking sinehan ay ginanap ang world gala premier ng naturang pelikula dito mismo sa lunsod ng Naga kung saan nakatira ang imahen ng Our Lady of Penafrancia noong Biyernes, December 17, sa Unibersidad de Sta. Isabel Auditorium , alas singko ng hapon.

Ang pelikula ay may layuning maipaalam sa mga manonood ang mga milagrong nagagawa ng pananampalataya. Dala din nito ang mensahe ng debosyon, pag asa at pagmamahal. (LSMacatangay, PIA CamSur)

OWWA, NAGLAGAY NG SATELLITE OFFICE DITO SA LUNSOD

NAGA CITY — labis na ikinatuwa ng mga pamilya ng mga overseas Filipino workers dito sa Camarines Sur ang pormal ng paglalagay ng satellite office ng Overseas Workers Welfare Administration o OWWA dito.

Ayon sa OWWA Regional Director na si Jocelyn Hapal, isa itong paraan upang mas madaling magkaroon ng access ang mga OFWs , partikular mula sa mga bayan dito sa Camarines Sur at Camarines Norte.

Anya mas magiging madali rin para sa kanilang tanggapan na matulungan ang mga OFWs tungkol sa mga problema nito sa pag sasaayos ng kanilang mga benepisyo , maging ang pagtunton sa mga illegal recruiters.

Idinagdag pa ni Hapal na aabot sa dalawamput limang libo ang mga OFWs na naninirahan sa dalawang probinsya kung kaya nararapat lamang na mailapit nila ang kanilang tanggapan sa mga ito upang mas madaling nilang matugunan ang pangangailangan ng mga OFWs. (LSMacatangay, PIA CamSur)

CITIZEN’S SATISFACTION CENTER SEAL OF EXCELLENCE AWARD IGINAWAD SA CAMARINES SUR

NAGA CITY — Nakatakdang tanggapin ng Pamahalaang Panlalawigan ng Camarines Sur, sa pangunguna ni Gobernor LRay Villafuerte, ang Citizen’s Satisfaction Center Seal of Excellence Award sa darating na Enero 10, 2010.

Ayun sa Civil Service Commission ang sponsor ng nasabing reconocimiento ,batay sa resulta ng ginawang Report Card Survey (RCS) ng CSC ang nasabing award sa capitolyo provincial ay tungkol sa pag implementar ng local na pamahalaan tungkol sa Anti-Red Tape Act of 2007.

Ayun pa sa CSC, noong nakaraang mga buwan sorpresang nag condukta ng survey ang mga personahes ng CSC sa nasabing opisina at naging maganda ang resulta nito dahil sa nakita nilang sumusunod sa ley gaya ng paglagay ng empleyado na mangangasiwa sa public assistance desk. (DCAbad, PIA CamSur)


NAGA CITY NAGSAGAWA NG PAGSASANAY SA CRISIS MANAGEMENT AND SIMULATION EXERCISE

NAGA CITY — Isinagawa ang isang pagsasanay sa Crisis Management and Simulation Exercise sa Joint Operations Center, Civic Center dito noong isang lingo.

Ayon kay Naga City Public Safety Officer Lito Del Rosario, ang layunin ng nasabing aktibidad na malaman at magkaagapay ang mga DILG circulars tungkol sa Crisis Management; alamin ang kasalukuyan PNP operational plans on hostage at iba pang sitwasyon, kasali na dito ang iba pang composition at functions sa crisis incidents management task group at iba pang aktibidad na may kinalaman sa crisis management.

Inaasahan na dadaluhan ito ng mga miyembros ng Naga City Peace and Order Council, mga miyebros ng PNP Naga City at iba pang line agencies .
Ang balitang ito ay hatid ng Manila Bullletin, Tempo, Balita at Philippine Information Agency, Camarines Sur. (DCAbad, PIA CamSur)

KABALIKAT DARAGA, NAGBIGAY AGINALDO SA MGA BATA SA ANISLAG RESETTLEMENT

Anislag, Daraga, Albay-Mahigit 100 bata ang napasaya sa feeding at nabigyan ng regalo mula sa Kabalikat Civivom Daraga Chapter na pinangunahan ni Gng. Victor Perete bilang presidente ng grupo kahapon, December 19, 2010 sa relocation site ng Anislag, Daraga, Albay.

Maraming bata ang sumali sa mga palaro at paligsahan. Lahat sila nabigyan ng regalo.

Nagsimula ang Feeding and Gift giving program na ito noong December 2007 hanggang sa kasalukuyan mula ng mahalal na pangulo ng Tagas Village Organization si Gng Audie Ante. (Cris Banzuela/PIA V)

Tuesday, December 14, 2010

ALBAY, PANGUNGUNAHAN ANG LGU SUMMIT 2ND LEG SA VISAYAS
By Marlon A. Loterte


LEGAZPI CITY— Nakatakdang magpulong muli ang mga pamahalaang lokal ng iba’t ibang mga lalawigan, lungsod at bayan sa Visayas para sa patuloy na pagsusulong at mapalakas pa ang adbokasiya at kampanya sa Climate Change Adaptation para matugunan ang mga hamon at epekto nito.

Muling pangungunahan ng pamahalaang lokal ng Albay ang LGU Summit+3i Visayas leg na gaganapin sa Iloilo City ssimula bukas, Disyembre 15 hanggang 16.

Ayon kay Manuel “Nong” Rangasa, executive director ng Center for Initiative Research for Climate Adaptation (CIRCA), ang nasabing LGU Summit +3i ay ang ikalawang yugto ng una ng pinasimulan ng pamahalaang lokal ng Albay noong Nobyembre at muling binibiyang diin ang mahalagang papel ng mga lokal na pamahalaan sa pagsasagawa ng mga hakbang para matugunan ang mga epekto ng climate change sa buhay ng tao at iba pang aspeto ng pamumuhay ng mga pamamyanan.

Inihayag rin ni Rangasa na kailangan ng mga lokal na pamahalaan na magpatupad ng mga hakbangin na tutugunan ang mga epekto ng pagbabago ng klima alinsabay sa kanilang mga ipatutupad ring mga programa, proyekto at mga polisiya sa pagsusulong na maitaas ang antas ng pamumuhay ng mga mamamayan, ganoon din ang masiguro ang kaligtasan mga lugar sa kanilang lalawigan, lungsod o bayan sa mga masamang epekto, kalamidad na dulot nito.

Sa kinalaunan ay maipatupad rin nga bawat lokal na pamahalaan ang mga kinakailangan na hakbangin sa Climate Change Adaptaion alinsunod sa National Strategic Framework on CCA at matugunan ang kinakailangang programa para makamit ang mga adhikain ng Millennium Development Goals (MDG) sa taong 2015.

Kasama sa mga inaasahang dadalo sa nasabing summit ang mga planning manager, scientist at academe, civic society at community leaders, mambabatas, , at mga development partners.

Si Vice President Jejomar Binay naman ang nakatakdang maging panauhing pandangal sa nasabing pagtitipon.

Magiging pangunahing tagapagsalita din sina acclaimed UN Senior Global Champion for CCA/Disaster Risk Reduction and Albay Governor Joey Salceda, at United Nations Development Programme (UNDP) Country Director Renaud Meyer na tatalakayin ang UN’s Support for Climate Change Adaptation & Disaster Risk Reduction sa Pilipinas. (MALoterte, PIA V/Albay)
DAYUHAN, BUMISITA SA ALBAY, NAIS MAMUHUNAN SA PAGTATANIM NG KAMOTE

LEGAZPI CITY — Nagkaka-interes na ang mga negosyanteng Hapon at Koreano para hikayatin ang mga taga Albay na paramihin ang produksiyon ng kamote o sweet potato.

Ayon kay Jojo Elvira, provincial agriculture rehabilitation officer, ilang mga dayuhan ang pumunta nito lamang dumaan mga lingo upan pag-aralan kung papano tinatanim at inaani ang mga lokal na uri ng kamote dito.

Ayon kay Elvira, sinabihan siya ni Gov.Joey Salceda na palaguin ang ugnayan sa mga posibleng mamuhunan upan maging pangunahing camote exporter ang Albay at upang matulungan ang mga maliliit na nagsasaka.

Ayon sa masusing pag-aaral ng DOST, ang kamote ay mayaman sa bitamina at isa sa pangunahing pagkain ng mga Albayano kung kinakapos sa bigas lalo na kungmay kalamidad.

Ayon kay Salceda,kung pangunahing producto ng central luzon ang palay, magiging pangunahing produckto rin ng Albay ang kamote dahil sa potensiyal nito sa export bilang pagkain, pagkukunan ng alak at industrial alcohol.

Bilang Climate Adaptation, pagtutuunan ng pansin ng probinsiya ang kamote dahil hindi ito basta basta nasisira sa mga bagyo at akma ito sa mga bulubunduking hindi inaabot ng patubig kagaya ng sa palay.

Ani Salceda, sa oras ng bagyo, para sa Albay, matumba na ang palay, ang kamote ay nakatanim pa rin at handang anihin, pagkatapos ng bagyo, gaano man kalakas ang hangin. (MALoterte, PIA V/Albay)

PACQUIAO, PLANONG GAWING 'ADOPTED SON' NG LEGAZPI CITY

LEGAZPI CITY — Plano ng pamahalaang lokal ng lungsod ng Legazpi na isulong ang isang resolusyon may kinalaman sa pagproklama kay WBC super welterweight champion at Sarangani Lone District Rep. Manny Pacquiao bilang "adopted son" ng lungsod.

Nangangahulugan ito na magiging welcome si Pacman na bumisita at manirahan sa Legazpi City.

Samantala, kinumpirma ni AKB Partylist Rep. Pido Garbin ang pagbisita ni Manny sa dito sa lungsod ng Legazpi sa darating na Enero 21-23, 2011.

Layunin ng pagbisita ni Pacquiao kasama ang iba pang mga mambabatas na i-promote sa buong mundo ang mga local tourist destinations ng lungsod.

Makakasama rin ni Pacman sa kanyang pagbisita ang kanyang assistant coach na si Buboy Fernandez. (MALoterte, PIA V/Albay)

TRIATHLON TEAM MULA SA CAMARINES SUR,
NAGPAKITANG GILAS SA IRONMAN COMPETITION SA THAILAND


NAGA CITY -- Nagpakitang gilas sa katatapos pa lamang na Ironman 70.3 sa phuket, Thailand ang triathlon team na pinangunahan mismo ng gobernador ng camarines sur na si el ray villafuerte.

Sa unang pagkakataon na paglabas nito sa ibang bansa, ay nakitaan ng determinasyon ang naturang grupo na nakipagsabayan sa mga batikang manlalaro mula pa sa ibat ibang panig ng mundo.

Ayon kay Governor Villafuerte , na mismong lumhok sa naturang kompetisyon, ang triathlon team mula saCamarines Sur ay mula sa nauna na nitong binuo na grupo ng mga estudyante ng Camarines Sur Sports Academy o CSA.

Ang triathlon ay isa sa mga extreme sports na isinusulong ng pamunuan ni Villafuerte upang mas pang mapaunlad ang sports tourism sa lalawigan.

Isa ito sa naisip nitong paraan upang makilala ang Camarines Sur , lalo na sa larangan ng turismo. (LSMacatangay, PIA CamSur)

MGA CAROLERS, KAILANGANG HUMINGI NG PERMISO MULA SA DSWD

NAGA CITY -- Muli namang nagpa alala ang City Social Welfare and Development Office dito sa lunsod sa mga nag pa plano na magsagawa ng caroling kaugnay ng kapaskuhan.

Ayon kay mrs Fatima Manalo, kailangang humingi muna ng permit ang mga ito bago magsagawa ng kanilang pangangaroling.

Aniya, isa itong paraan upang mabantayan din ng cswdo kung napupunta nga sa itinakdang layunin ng ano mang grupo ang proceeds na kanilang makukuha na naturang aktibidad.. ayon pa kay manalo, kailangan ding mag sumite ang mga ito ng financial report pagkatapos ng okasyon.(LSMacatangay, PIA CamSur)

UNANG BARANGAY ASSEMBLY SA ADMINISTRASYON NI P-NOY, DINALUHAN NG MARAMING MAMAMAYAN NG MASBATE

MASBATE CITY — Kung pagbabatayan ang dami ng mga dumalo sa barangay assembly noong Sabado, mukhang nahawa ang mga barangay opisyal sa lalawigan ng Masbate ng mataas na kredibilidad ni Pangulong Aquino.

Ayon kay Raynard Garrucho ang Local Government Operations Officer ng Masbate City, sa unang pagkakataon sa maraming taon, nagpakita ng mataas na interes ang mamamayan na makialam at lumahok sa pagpapatakbo ng kanilang barangay.

Aniya makikita sa dami ng nakilahok sa ssembly ang pagkakaroon ng bagong pag-asa sa mga bagong halal ng opisyal ng barangay.

Sa Barangay Centro sa syudad ng Masbate kung saan tinalakay ni Ginoong Garrucho ang guideposts sa pagtataguyod ng barangay good governance, inihayag ng mamamayan kung ano ang nais nilang mangyari sa kanilang barangay.

Matapos mangakong ang mga panukala ng mamamayan ay isasama sa development plan ng barangay, pinangunahan ni Centro Barangay Captain Nelly Guadayo ang pagbigkas ng panunumpa para sa mabuting pamamahala.

Ang panunumpa ay ginawa rin sa mahigit 500 barangays ng lalawigan ng Masbate. Ayon pa rin kay Ginoong. Garrucho, ito ang unang barangay assembly na ang mga opisyal ay nagbigkas ng panunumpa para sa matuwid na landas.

Ginanap ang barangay Assembly alinsunod sa proclamation na ipinalabas ng pangulo matapos na ipagpaliban ang itinakda na pangatlong Sabado ng Oktobre. (RALazaro, PIA Masbate)
DAYUHAN, BUMISITA SA ALBAY, NAIS MAMUHUNAN SA PAGTATANIM NG KAMOTE

LEGAZPI CITY — Nagkaka-interes na ang mga negosyanteng Hapon at Koreano para hikayatin ang mga taga Albay na paramihin ang produksiyon ng kamote o sweet potato.

Ayon kay Jojo Elvira, provincial agriculture rehabilitation officer, ilang mga dayuhan ang pumunta nito lamang dumaan mga lingo upan pag-aralan kung papano tinatanim at inaani ang mga lokal na uri ng kamote dito.

Ayon kay Elvira, sinabihan siya ni Gov.Joey Salceda na palaguin ang ugnayan sa mga posibleng mamuhunan upan maging pangunahing camote exporter ang Albay at upang matulungan ang mga maliliit na nagsasaka.

Ayon sa masusing pag-aaral ng DOST, ang kamote ay mayaman sa bitamina at isa sa pangunahing pagkain ng mga Albayano kung kinakapos sa bigas lalo na kungmay kalamidad.

Ayon kay Salceda,kung pangunahing producto ng central luzon ang palay, magiging pangunahing produckto rin ng Albay ang kamote dahil sa potensiyal nito sa export bilang pagkain, pagkukunan ng alak at industrial alcohol.

Bilang Climate Adaptation, pagtutuunan ng pansin ng probinsiya ang kamote dahil hindi ito basta basta nasisira sa mga bagyo at akma ito sa mga bulubunduking hindi inaabot ng patubig kagaya ng sa palay.

Ani Salceda, sa oras ng bagyo, para sa Albay, matumba na ang palay, ang kamote ay nakatanim pa rin at handang anihin, pagkatapos ng bagyo, gaano man kalakas ang hangin. (MALoterte, PIA V/Albay)

PACQUIAO, PLANONG GAWING 'ADOPTED SON' NG LEGAZPI CITY

LEGAZPI CITY — Plano ng pamahalaang lokal ng lungsod ng Legazpi na isulong ang isang resolusyon may kinalaman sa pagproklama kay WBC super welterweight champion at Sarangani Lone District Rep. Manny Pacquiao bilang "adopted son" ng lungsod.

Nangangahulugan ito na magiging welcome si Pacman na bumisita at manirahan sa Legazpi City.

Samantala, kinumpirma ni AKB Partylist Rep. Pido Garbin ang pagbisita ni Manny sa dito sa lungsod ng Legazpi sa darating na Enero 21-23, 2011.

Layunin ng pagbisita ni Pacquiao kasama ang iba pang mga mambabatas na i-promote sa buong mundo ang mga local tourist destinations ng lungsod.

Makakasama rin ni Pacman sa kanyang pagbisita ang kanyang assistant coach na si Buboy Fernandez. (MALoterte, PIA V/Albay)

TRIATHLON TEAM MULA SA CAMARINES SUR,
NAGPAKITANG GILAS SA IRONMAN COMPETITION SA THAILAND


NAGA CITY -- Nagpakitang gilas sa katatapos pa lamang na Ironman 70.3 sa phuket, Thailand ang triathlon team na pinangunahan mismo ng gobernador ng camarines sur na si el ray villafuerte.

Sa unang pagkakataon na paglabas nito sa ibang bansa, ay nakitaan ng determinasyon ang naturang grupo na nakipagsabayan sa mga batikang manlalaro mula pa sa ibat ibang panig ng mundo.

Ayon kay Governor Villafuerte , na mismong lumhok sa naturang kompetisyon, ang triathlon team mula saCamarines Sur ay mula sa nauna na nitong binuo na grupo ng mga estudyante ng Camarines Sur Sports Academy o CSA.

Ang triathlon ay isa sa mga extreme sports na isinusulong ng pamunuan ni Villafuerte upang mas pang mapaunlad ang sports tourism sa lalawigan.

Isa ito sa naisip nitong paraan upang makilala ang Camarines Sur , lalo na sa larangan ng turismo. (LSMacatangay, PIA CamSur)

MGA CAROLERS, KAILANGANG HUMINGI NG PERMISO MULA SA DSWD

NAGA CITY -- Muli namang nagpa alala ang City Social Welfare and Development Office dito sa lunsod sa mga nag pa plano na magsagawa ng caroling kaugnay ng kapaskuhan.

Ayon kay mrs Fatima Manalo, kailangang humingi muna ng permit ang mga ito bago magsagawa ng kanilang pangangaroling.

Aniya, isa itong paraan upang mabantayan din ng cswdo kung napupunta nga sa itinakdang layunin ng ano mang grupo ang proceeds na kanilang makukuha na naturang aktibidad.. ayon pa kay manalo, kailangan ding mag sumite ang mga ito ng financial report pagkatapos ng okasyon.(LSMacatangay, PIA CamSur)

UNANG BARANGAY ASSEMBLY SA ADMINISTRASYON NI P-NOY, DINALUHAN NG MARAMING MAMAMAYAN NG MASBATE

MASBATE CITY — Kung pagbabatayan ang dami ng mga dumalo sa barangay assembly noong Sabado, mukhang nahawa ang mga barangay opisyal sa lalawigan ng Masbate ng mataas na kredibilidad ni Pangulong Aquino.

Ayon kay Raynard Garrucho ang Local Government Operations Officer ng Masbate City, sa unang pagkakataon sa maraming taon, nagpakita ng mataas na interes ang mamamayan na makialam at lumahok sa pagpapatakbo ng kanilang barangay.

Aniya makikita sa dami ng nakilahok sa ssembly ang pagkakaroon ng bagong pag-asa sa mga bagong halal ng opisyal ng barangay.

Sa Barangay Centro sa syudad ng Masbate kung saan tinalakay ni Ginoong Garrucho ang guideposts sa pagtataguyod ng barangay good governance, inihayag ng mamamayan kung ano ang nais nilang mangyari sa kanilang barangay.

Matapos mangakong ang mga panukala ng mamamayan ay isasama sa development plan ng barangay, pinangunahan ni Centro Barangay Captain Nelly Guadayo ang pagbigkas ng panunumpa para sa mabuting pamamahala.

Ang panunumpa ay ginawa rin sa mahigit 500 barangays ng lalawigan ng Masbate. Ayon pa rin kay Ginoong. Garrucho, ito ang unang barangay assembly na ang mga opisyal ay nagbigkas ng panunumpa para sa matuwid na landas.

Ginanap ang barangay Assembly alinsunod sa proclamation na ipinalabas ng pangulo matapos na ipagpaliban ang itinakda na pangatlong Sabado ng Oktobre. (RALazaro, PIA Masbate)
DILG CHIEF PINAPURIHAN NG MGA MASBATEÑO SA KAMPANYA PARA MATIGIL ANG ILLEGAL FISHING

MASBATE CITY — Pinapurihan at pinasalamatan si Interior and Local Government Sec. Jesse Robredo ng mga lider sa lalawigan ng Masbate matapos mapag-alaman na ang nasabing kalihim ni Pangulong Aquino ay may personal na malasakit sa yaman ng karagatan ng Masbate.

Sa panayam ng local media, ipinaabot ng pangulo ng Masbate Mayors’ League na si Monreal Mayor Ben Espiloy ang kanyang pasasalamat kay Robredo dahil sa patuloy na suporta ng kalihim sa kampanya laban sa large-scale commercial fishing sa municipal waters ng Masbate.

Ganito rin ang pahayag ni Masbate City Mayor Socrates Tuason sa panayam sa kanya ng media. Ang Masbate City at Monreal ay idineklarang fish sanctuary ang malaking bahagi ng kanilang municipal waters.

Mismong ang liderato ng Philippine National Police ang umamin na palaging nagti-text si Secretary Robredo upang ipaalala ang kanyang direktiba na ihinto ang overfishing sa Masbate na isinisisi sa commercial fishing vessels.

Bunsod nito, naging aktibo ngayon ang buong kapulisan sa Masbate sa paglambat sa mga malalaking barkong pangisda na pumapasok sa municipal waters. (RALazaro, PIA Masbate)

Thursday, December 9, 2010

NFA RICE NAGING MATUMAL ANG BENTAHAN
MATAPOS TUMAAS ANG PRESYO NITO NG P2


NAGA CITY — Nagiging matumal ang bilihan ng NFA rice ngayon sa pagtaas nitong dalawang piso bawat kilo na nag-umpisa noong nakaraang araw dito sa lalawigan ng Camarines Sur.

Ayun kay Assistant Provincial Manager Nora Fullosco na nabawasan ang bintahan ng bigas ng NFA sa mga retail outlets sa buong probinsya. Sa ngayon ang presyo ng NFA rice ay 27 pesos sa mga retail outlets samantalang binibili ng mga wholesaler sa halagang 25.00 pesos na dati 23.50 bawat kilo.

Sinabi ni Asst. Manager Fullosco na posibleng maapektuhan ang presyo ng commercial rice. Kahapon nagtaas naman ng piso ang commercial rice sa wholesale kung kayat inaasahan na tataas naman ang presyo nito sa mga retail outlets.

Ang presyo ng commercial rice sa ngayon ay naghahalagang P31 hanggang P35 bawat kilo at mas mataas ang presyo ng mga superior quality rice.

Ipinahayag pa ni Asst Manager Nora Fullosco na ang presyo ng palay ni binibili ng kanilang opisina sa halagang 17.70 bawat kilo.

Sa iba pang balita, ang Department of Agriculture sa Bikol , International Fund for Agricultural Development (IFAD) at European Commission nakatakdang magbigay ng mga certified seeds sa mga magsasaka na rehistrado ng Municipal / City Agriculturists Office.

Ayun kay DA Regional Director Jose V. Dayao na makakatanggap sila ng isang bag na certified inbred rice seeds (40kgs) bawat ektaryang sinasaka.

Sa tulong ng mga LGUS ang nasabing distribution ng certified seeds ay base sa masterlist ng municipal agriculturist na ang qualifikadong magsasaka ay mga landowners, farm tenants,leaseholders at administrador ng mga palayan na nasa rainfed areas at lowland irrigated areas. (PIA CamSur)

MASBATE CITY TINATAHAK ANG DAAN NG GOOD GOVERNANCE

MASBATE CITY— Bukod sa Maguindanao, ang lalawigan ng Masbate ang agad pumapasok sa alaala kapag nababanggit ang liga ng mga pook ng patronage politics.

Walang komokontra kaya naaambunan ng ganitong political character ang isang nagniningning na bahagi ng Masbate.

Sa mga naghahanap ng modelo ng good governance, subukan nilang tingnan ang bahaging ito ng lalawigan ang kapital na tinatawag na Masbate City na tahimik na gumagawa ng pagbabago sa nagdaang apat na taon.

Niyapos ng Syudad ng Masbate ang Performance Governance Syste, ang pamamaraan para maging efficient service organization ang isang local government.

Sa Performance Governance System, lahat katulad ng vision, mission, goals at objectives ng Masbate City ay sinusukat sa pamamaraan ng tinatawag na “balanced scorecard.”

Bilib si Masbate City Mayor Socrates Tuason sa scorecard dahil kung meron ka aniya nito hindi mo na kailangan pang sabihin sa department heads at empleyado ang kanilang gagawin dahil iginigiya sila ng scorecard.

Kailangan na lang aniya ng namumuno na magparamdam ng politcal will sa mga pakikibaka katulad ng pagtigil sa korapsyon upang mabalik ang tiwala sa pamahalaan.

Ang Institute for Solidairty in Asia ang nagdala ng Performance Governance System sa Masbate. Sa katunayan, dumating ngayong umaga ang opisyal ng Intitute for Solidarity in Asia para sa taunang evaluation ng scorecards ng city government.

Ang grading sa paggamit ng Performance Governance System ay para sa taong 2010.

Bagama’t ilang taon pa bago marating ng Masbate City ang kinatatayuan ng premier good governance model na Naga City, maituturing na ang makeover na dulot ng Performance Governance Sytem ay sapat na para mawalay ito sa hanay ng patronage politics. (PIA Masbate)

BFAR PINAG-IINGAT ANG PUBLIKO SA PAGKAIN NG MGA LAMANG-DAGAT MULA SA SORSOGON BAY

SORSOGON CITY — Sa pagpasok ng mga kali-kaliwang selebrasyon at kainan ngayong Disyembre, muling ipinanawagan ng Bureau of Fisheries and Aquatic Resources sa publiko na mag-ingat sa pagkain ng mga lamang-dagat mula sa Sorsogon Bay.

Ang panawagan ay bunsod pa rin ng nakataas na shellfish ban sa buong lalalawigan sanhi ng red tide at ang ilang insidente ng pagkakamatay ng mga isda na apektado ng pagbuga ng abo ng Mt. Bulusan nitong mga nakaraang araw.

Sa pinakahuling shellfish Bulletin ng BFAR, positibo pa rin ang Sorsogon Bay sa nakalalasong red tide kung kaya't mahigpit pa ring pinag-ingat ang publiko.

Ayon kay BFAR Sorsogon Fisheries Officer Gil Ramos, tanging ang badoy lamang ang pinapayagan nilang maibenta at kainin subalit dapat pa ring dumaan ito sa kaukulang clearing. Muli din niyang idiniin na bawal kainin ang baloko at ang iba pang mga shellfish mula Sorsogon Bay. Subalit nilinaw nitong kung talagang nais kumain ng baloko, tanging ang tinga lamang nito ang maaari nilang irekomendang kainin at hindi ang ibang bahagi nito.

Aniya, masusing pinag-aaralan din sa ngayon ng BFAR kung nararapat nga ang pagdedeklara ng state of calamity dahilan sa matagal nang pamamalagi ng red tide dito. Regular din nilang minomonitor ang Sorsogon Bay upang matukoy kung hanggang saan na umaabot ang toxicity level dito.

Nilinaw din niyang ang mga isda mula Sorsogon Bay ay ligtas pa ring kainin ngunit kinakailangang linisin lamang ito ng mabuti.

Samantala, inamin ni Ramos na may ilang mga LGUs at mga indibidwal na mangingisda ang nagpaabot na sa kanilang tangapan ng request ng mga fingerlings bilang pamalit sa mga nangamatay na isda sanhi ng pagbuga ng abo ng Mt. Bulusan.

Ngunit sinabi ni Ramos na hindi pa sila maaaring magbigay ng mga fingerlings hanggat hindi pa tuluyang humuhupa ang pag-aalburuto ng bulkan sapagkat aniya'y mawawalang say-say din lamang ito.

Sinabi ni Ramos na natural lamang na mamatay ang mga isda kung nadadaluyan ng lahar ang mga tubig na tirahan ng mga ito. Sinabi niyang sa ngayon ay dapat pa ring mag-ingat ang mga residente sa pagkain ng mga isda na galing sa mga ilog na dinadaluyan ng lahar kahit pa nga ilang araw na ring nanahimik ang Mt. Bulusan, sapagkat maaaring hindi pa tuluyang ligtas sa kontaminasyon ng sulfur ang mga ilog na siyang nagiging dahilan upang mamatay ang ilang mga isda.

Payo nila'y maaari pang kainin ang mga isda kung buhay pa ito kahit pa naghihingalo na, subalit mahigpit nilang ipinagbabawal ang pagkain ng mga isda kung patay na ito bago pa mahuli. (PIA Sorsogon)

SORSOGON HINIHINTAY ANG DA HINGGIL SA SUSPENSYON NG HIGH VALUE CROP SEEDS

SORSOGON CITY — Hinihintay na lang sa ngayon ng Provincial Agriculture Office ng Sorsogon ang resulta ng ipinatawag na pulong ni Department of Agriculture Secretary Proceso J. Alcala at ng mga matataas na opisyal ng DA noong Biyernes ukol sa magiging aksyon nito sa pagsuspinde sa distribusyon ng mga High Value Crop Seeds o ang subsidy para sa mga magsasaka hindi lamang sa lalawigan ng Sorsogon kundi sa buong bansa.

Ayon kay Assistant Provincial Agriculture Officer Tess Destura, una na nilang ipinaabot kay Sen. Panginilan sa pagbisita nito dito kamakailan, ang kasalukuyang estado ng agrikultura ng lalawigan.

Ayon kay Destura bagama't hindi naman gaanong naapektuhan ang mga palayan at ibang produktong agrikultural, karamihan naman sa mga puno ng saging at coconut plantations ay napuno ng abo, subalit dahilan sa malimit na pag-uulan ay madali ding nahuhugas ang mga ito.

Kung kaya't mas pinagtuunan nila sa kanilang rekomendasyon ang petisyon na muling ibalik ang programa ng pamahalaan sa subsidy o distribusyon ng HVC seeds na siyang hinahanap at hinihingi ngayon ng mga magsasaka dito sa lalawigan.

Matatandaang sa naging pagbisita kamakailan dito ni Senate Committee Chair on Agriculture and Food Sen. Francis Pangilinan ay nangako itong ipararating niya kay DA Secretary Proceso Alcala ang mga rekomendasyong ipinaabot ng mga opisyal ng lalawigan ng Sorsogon.

Nagbigay katiyakan din si Pangilinan na maliban sa isang milyong pisong tulong na ibinigay nya ay magpapadalang muli ng tulong ang kanyang tanggapan upang maiangat pa ang agrikultura sa lalawigan at muli ding maibangon ang mga kabuhayang nasira dahilan sa pag-alburuto ng bulkan sa ilang mga lugar dito. (PIA Sorsogon)

GALING BIKOLNON NAIPAMALAS MULI SA CE AT MIDWIFERY BOARD EXAM

LEGAZPI CITY — Muling namayagpag ang galing ng mga mag-aaral na Bikolano matapos makuha ang 2nd, 4th, at 5th top place sa katatapos pa lang na board examination sa Civil Engineering.

Si Melito Andrew Doma Daro ng Sorsogon State College sa Sorsogon City ang nakakuha ng pangalawang pinakamataas na grading 96.30%, pumang-apat naman si John Francis Pili Manila ng Bicol University sa Legazpi City na nakakuha ng rating na 94.90%, samantalang panglima naman si Russel Benosa Herno ng Sorsogon State College may rating na 94.75%.

Ayon kay Dr. Elenita Tan, regional director ng Professional Regulation Commission (PRC) Bicol, ang karamihan sa mga state universities at colleges sa bansa ay nakapasok sa top ten, bagamat mayroon rin mga private schools.

Dagdag pa ni Tan, nangunguna pa rin ang University of the Philippines (UP) Diliman ang top performing civil engineering schools sa bansa na may passing percentage na 95%. Sa kabuuang examinees na 60, 57 dito ang pumasa.

Pangalawa sa UP diliman, ang University of Santo Tomas (UST) may passing percentage na 83.96%, sa examinees na 106 ang pumasa ay 89.

Sinabi pa ni Tan na nakapasok din sa mga performing schools sa bansa ang Bicol University, Sorsogon state College, Camarines Sur Polytechnic College, at Ateneo de Naga, na pawang mga nasa Bicol.

Samantala, idinagdag rin ni Tan na nanguna naman ang Catanduanes State College sa Midwifery Exam sa buong bansa , na umabot ang passing percentage sa 91.84% at apat sa mga estudyante nito ang napasok sa top ten. (MALoterte, PIA V)

MABILISANG PAGLILITIS SA MGA KASO NG BILANGGO SA SPJ IPINAG-UTOS

SORSOGON CITY — Ipinag-utos ni Sorsogon Governor Raul Lee sa mga abogado at huwes dito ang mas mabilisang paglilitis sa mga kaso ng mga nakapiit sa Sorsogon Provincial Jail.

Ayon kay Provincial Jail Warden Major Josefina Lacdang, matapos ang pakikipagpulong niya kay Gov. Lee, tiniyak nito sa kanya na mas bibilis na ngayon ang paglilitis sa kaso ng mga bilanggo lalo’s nagbigay na rin ng direktiba ang gobernador sa mga abogado aat huwes na bigyang prayoridad ang kanilang mga kaso.

Ayon kay Lacdang hindi rin makatao at makatarungan sa isang tao na magdusa sa loob ng bilangguan ng lampas sa dapat sana’y hatol sa kanya kung nalitis agad ang kanilang kaso.

Sinabi din ni Lacdang na labingdalawang bilanggo din ang hindi maipagpatuloy ang paglilitis dahilan sa pagkakaroon nito ng diperensya sa pag-iisip sanhi ng mga pinagdadaanan nilang depresyon, subalit matapos ang mahigit isang buwang regular at maayos na medikasyon ay maaari na muling humarap sa hukuman ang mga ito.

Sa ngayon aniya ay mayroon na silang 326 na bilanggo kung saan 14 ang mga babae at 312 naman ang mga lalaki.

Lahat diumano ito ay mga detention prisoners, ibig sabihin on-going ang paglilitis sa kanilang kaso, habang ang mga nahatulan ay naipadala na lahat sa muntinlupa upang doon na nito tapusin ang kanilang hatol.

Kaso sa droga, murder at rape ang tatlong nagungunang kaso ng mga bilanggo habang pang-apat at panglima naman ang homicide at robbery.

Mga kaso sa droga at estafa naman ang karamihan sa mga kasong kinakaharap ng mga babaeng bilanggo. (BARecebido/PIA Sorsogon)

CODE OF ETHICS ORDINANCE PARA SA MGA PUV DRIVERS NG SORSOGON CITY, APRUBADO NA

SORSOGON CITY — Sa wakas kasado na sa Sangguniang Panlunsod ng Sorsogon ang CODE OF ETHICS Ordinance na isinusulong ni City Councilor Victorino Daria III para sa mga tricycle drivers na nag-ooperate sa kabisera ng syudad ng Sorsogon.

Ayon kay Daria, layunin ng nasabing Code of Ethics Ordinance na mabigyang kaalaman, matuto,madisiplina ang mga namamasadang drayber at maging presentable at magalang ang mga ito sa pagtrato ng mga pasahero ng sagayon ay maitaas ang antas ng impresyon sa transportasyon ng mga bisitang napupunta sa Sorsogon City.

Matatandaang maraming reklamo na rin ang naipaabot sa tanggapan ni Daria ukol sa pagiging bastos at walang modo ng ilan sa mga drayber dito maliban pa sa ilang mga drayber na sobrang maningil, patuloy na paninigarilyo sa behikulo kahit bawal na ito, pagiging madungis at pamimili ng mga pasahero.

Kaugnay nito, isang Code of Ethics and Values Formation Seminar ang nakatakdang ganapin sa Disyembre 4-5, 2010sa Provincial Gymnasium ng Sorsogon.

Habang ang 2nd phase naman ay gagawin sa Disyembre 18, 2010 sa magkaparehong lugar. Pangungunahan ang seminar ng mga kinatawan ng Bureau of Fire protection, provincial Disaster Risk Reduction and management Office at Philippine red Cross.

Maliban sa code of conduct ay nakatakda ring bigyan ng kaukulang impormasyon ang mga tsuper ukol sa tamang pagbibigay ng mga pangunang lunas sakaling may mga pasaherong nakakaranas ng discomfort o di kaya’y nagkakaroon ng mga aksidente sa daan. (BARecebido/PIA Sorsogon)

SUSPENSYON NG OFFENSIVE MILITARY OPERATIONS, WELCOME SA PHIL. ARMY SA ALBAY

LEGAZPI CITY — Buo ang suporta ng Philippine Army sa ideneklarang Suspension of Offensive Military Operation (SOMO) ng pamahalaan na mgasisimula sa Disyembre 16, 2010 hanggang sa Enero 3, 2011.

Bago pa man ang deklarasyon, inihayag na ni Col. Arthur Ang, brigade commander ng 901st Brigade kan Philippine Army, na hangarin niyang maging mapayapa ng pagdiriwang ng Kapaskuhan sa pagpapatupad ng tigil-putukan ng mga tropa ng gobyerno at mga rebelde.

Ginawa ni ANg ang pahayag sa kanyang pagbisita sa mga kampo ng military sa unang distrito ng Albay upang ibahagi rin an gang kanyang mga programa bilang bagong brigade commander ng Philippine Army sa Albay.

Nagpaalala rin si Ang sa kanyang mga sundalo na mahaharap ang sinumang lumabag sa patakarang bawal magpaputok sa Pasko gamit ang kanilang mga baril kung hindi naman kaugnay ng pagtupad ng kanilang tungkulin.

Maalalang inihayag ni GRP chief negotiator Alexander Padilla ang Christmas ceasefire na magtatagal ng 18 araw. Ito ang pinakahahabang SOMO na ipapautob sa nakalipas na 10 taon. (PIA Albay)

PNP, NASABAT ANG 17 BARIL SA BUS PAPUNTANG M. MANILA

LEGAZPI CITY — Nasabat ng mga otoridad ang 17 mga baril sakay ng isang Ro-ro bus habang arestado ang dalawang drivers sa checkpoint sa bahagi ng Brgy. Putiao, bayan ng Pilar, Sorsogon, dakong alas 6:30 kagabi.

Ayon kay Inspector Jim Jeremias, hepe ng checkpoint operations ng Pilar PNP, sinabi nito na nakabalot sa mga dyaryo ang 14 na piraso ng .38 caliber pistol at tatlong kalibre .45 baril.

Nadiskubre ang isang karton na naglalaman ng mga baril sa mismong ilalim ng upuan ng driver habang nakatago naman sa bandang likod ang isa pang karton.

Pinaghihinalaang galling sa Masbate ang Ro-Ro bus na may plakang TXB 911 at body number na 701 na dumaong sa Pilar Port at dideretso sana ng Metro Manila.
Minamaneho ito ng mga naarestong drivers na sina Goerge Kitones Jr., at Victor Gonzales.

Hindi pa makumpirma sa ngayon kung taga saan ang mga suspek at saan sa Metro Manila dadalhin ang mga armas.

Naniniwala ang mga otoridad na ibebenta ang naturang mga baril.
Nasa kustudiya na ngayon ng Sorsogon PPO ang mga suspek habang inilipat naman sa ibang bus ang mga pasahero. (PIA Albay)

KARAGDAGANG BONUS PARA SA ALBAY PROVINCIAL EMPLOYEES, IBIBIGAY NG LOKAL NA PAMAHALAAN - GOV. SALCEDA

LEGAZPI CITY — Dahilan umano sa magandang pakikiisa at pakikipagtulungan ng mga kawani ng pamahalaang panlalawigan ng Albay, ninananis ngayon ng lokal na pamahalaan na mabigyang ng karagdagang P15,000 plus o 14th month bonus para sa taong 2010 ang mga empleyado ng gobyerno.

Ayon kay Governor Joey Salceda, ito ay sa masigagsig at dedikasyon ng mga kawani ng mga kawani para maipatupad ang mga programa at proyekto ng lokal na pamahalaan, lalo na ang mga basic social services sa publiko.

Dahilan rin umano rito ay naging maganda rin ang tala ng pag-ahon ng ekonomiya ng Albay at naipatupad ang mga kinakailangan programa at proyekto kay\ugnay na rin sa pag-abot ng mga hangarin ng Millennium Development Goals (MDG ng lalawigan.

Maari umanong ibigay ang nasabing karagdagang bonus na nagmula sa natipid ng lokal na pamahalaan na umaabot sa P47 milyon para mga empleyado bago sumapit ang Pasko. (MALoterte, PIA Albay)

CENTURY WOODS NA NAHUKAY SA KARAGATAN NG ALBAY,
NASA KOSTUDIYA NA NANG DENR-CENRO


LEGAZPI CITY — Nasa kostudiya na ng Community Environment and Natural Resources Office (CENRO) sa Albay ang mga nadiskubreng 14 pirasong mga malalaking troso na ginamit pa umano ng mga dayuhang Kastila 300 na taon na ang nagdaan.

Nasabat ang mga troso na umano’y ibibiyahe patungo sa bansang Hapon.

Ayon sa CENRO, maaring umabot sa milyong dolyar ang halaga ng nasabing mga troso kun na ayon sa mga eksperto ay malaki ang kaugnayan nito sa kasaysayan ng Pilipinas lalo na sa komersiyo ng bansa noong panahon ng Kastila.

Napag-alaman din sa pagsusuri ng National Museum na 365 nang taon nakalubog umano sa kadagatan an nasabing mga dambuhalang mga torso. Ayon rin umano sa pag-aaral na isinagawa sa Florida, Estados Unidos pinaniniwalaang pinutol ang mga nasabing puno noong taong 1650

Samantala ayon naman sa nakadiskubre ng mga troso na si Eammon Valera, natagpuan umano niya amg mga ito noong 1992 pa sa gitna ng karagatan na sakop pa ng Sitio Picadero, Sula Bacacay, Albay.

Ayon pa rin ay Valera, hindi naman umano personal na interes ang kanyang hangarin sa mga nasabing mga torso na kunsideradong national treasure ngunit pati na rin ang malaking kaugnayan nito sa kasaysayan ng Pilipinas. (MALoterte, PIA Albay)

CSC MASBATE, INATASAN ANG MGA TANGGAPAN NA IPATUPAD ANG DRUG-FREE WORKPLACE PROGRAM

MASBATE CITY — Bilang reaksyon sa kaso ng ilang empleyado ng pamahalaan sa lalawigan ng Masbate na nahaharap sa drug cases, nanawagan ang hepe dito ng Civil Service Commission na sundin ang guidelines kaugnay ng pagsusumikap ng pamahalaan na hindi mabahiran ng droga ang burukrasya.

Tinawag ni CSC Director Andronico Lanuza ang pansin ng mga hepe na aniya ay may tungkulin na isagawa ang mga hakbang sa pag-iwas at pagsugpo sa peligrosong droga.

Aniya tatlo ang hakbang na isinasaad ng resolution na kamakailan ay ibinaba ng komisyon:

Una ay ang mandatory drug testing sa mga empleyado at aplikante sa pamahalaan upang masiguro na walang drug user sa ahensiya ng gobyerno.

Ikalawa ang pagsagawa ng training, education at advocacy upang maintindihan ng mga opisyal at empleyado ang masamang epekto ng droga.

Panghuli ang pagtaguyod ng iba’t ibang activities upang mabighani ang mga empleyado na yakapin ang healthy lifestyle habang nasa trabaho o nasa bahay.

Muli ring nagbabala ang opisyal ng CSC na masisibak sa trabaho ang sinumang opisyal o empleyado na positibo sa paggamit ng droga. (PIA Masbate)

MGA BUS NA GALING METRO MANILA, GAMIT UMANO SA PAGPUSLIT NG KONTRABANDO SA MASBATE

MASBATE CITY— Mga pampasaherong bus ang ginagamit sa pagpuslit sa Masbate ng kontrabando na galing sa Metro Manila.

Ganito, ayon sa mga otoridad, ang ipinapahiwatig ng magkakasunod na pagkakatuklas ng kontrabando sa mga bus na linululan ng mga roll on-roll off type na barko at dinadala sa Syudad ng Masbate.

Mula nang buksan ang nautical highway sa Masbate nang nakaraang taon, maraming kontrabando na ang nasakote sa mga bus na galing Metro Manila.

Kasama dito ang pagkakatuklas noong Septyembre 10 ng 5 kilos ng shabu na dala ng dalawang babaeng pasahero ng Rorobus.

Noong Nobyembre 23, nasakote ng checpointCoast Guard sa Bulan, Sorsogon ang bulto ng firecrackers na isinakay sa isang Elavil Bus na nagmula sa Ali Mall Bus Terminal sa Quezon City at destinasyon ang Masbate.

At nito lamang nakaraang Linggo, Setyembre 5, tatlong .45 calibre pistols ang nabawi ng mga pulis Masbate sa Rorobus.

Naghinala ang driver ng bus na ang kahon na ilinulan sa bus terminal sa Quezon City ay kontrabando kaya isinurender niya ito kay Police Chief Inspector Rhoderick Campo.
Bunsod nito, nangako si Chief Inspector Campo na namumuno sa Masbate Provincial Public Safety Company ng mas mahigpit na pagmamanman sa mga bus na lulan ng Roro vessels.

Nagsasagawa rin ang Coast Guard ng random inspection ng mga bagahe ng mga pasahero ng bus. (PIA Masbate)