By Ernesto A. Delgado
SIYUDAD SAN MASBATE, Hulyo 15 (PIA)—Suportado san European Nations kag United Nations Children’s Fund an programa sa nutrisyon sa Masbate para umubos an malnutrition rate sa probinsya na sa presente nakaapekto sa sobra sa 21,000 na preschoolers sani.
Sa iya State of the Province Address, ibinalita ni Gobernador Rizalina “Dayan” Seachon-Lanete na paagi san Maternal and Young Child Nutrition Security Initiative in Asia, ginasuportaran san EU kag Unicef an programa sa nutrisyon san 10 sa 21 munisipyo san Masbate na may pinakadamo na bata na nasa edad lima katuig paubos na nagadanas sin undernutrition.
An 10 na munisipyo na 14,691 an bilog na bilang san undernourished na preschoolers amo an Dimasalang, Aroroy, Cataingan, Placer, San Pascual, Cawayan, Claveria, San Fernando, Masbate City kag Balud.
Dinuunan san gobernadora na umubos an malnutrition rate sa probinsya sa una na tres anyos san iya administrasyon kag kun may bastante daw na paghiwag, segun saiya maaabot san Masbate an husto na antas.
Sa lado san gobyerno nasyonal, ginaatubang sani an severity san malnutrition epekto san gutom sa paagi san hinimo san National Nutrition Council na Philippine Plan of Action for Nutrition 2011-2016 o PPAN.
Basi sa PPAN, an entero nasyon an dapat maghiwag para masolbar and problema sa gutom kag malnutrisyon. (EAD-PIA5/Masbate)
SIYUDAD SAN MASBATE, Hulyo 15 (PIA)—Suportado san European Nations kag United Nations Children’s Fund an programa sa nutrisyon sa Masbate para umubos an malnutrition rate sa probinsya na sa presente nakaapekto sa sobra sa 21,000 na preschoolers sani.
Sa iya State of the Province Address, ibinalita ni Gobernador Rizalina “Dayan” Seachon-Lanete na paagi san Maternal and Young Child Nutrition Security Initiative in Asia, ginasuportaran san EU kag Unicef an programa sa nutrisyon san 10 sa 21 munisipyo san Masbate na may pinakadamo na bata na nasa edad lima katuig paubos na nagadanas sin undernutrition.
An 10 na munisipyo na 14,691 an bilog na bilang san undernourished na preschoolers amo an Dimasalang, Aroroy, Cataingan, Placer, San Pascual, Cawayan, Claveria, San Fernando, Masbate City kag Balud.
Dinuunan san gobernadora na umubos an malnutrition rate sa probinsya sa una na tres anyos san iya administrasyon kag kun may bastante daw na paghiwag, segun saiya maaabot san Masbate an husto na antas.
Sa lado san gobyerno nasyonal, ginaatubang sani an severity san malnutrition epekto san gutom sa paagi san hinimo san National Nutrition Council na Philippine Plan of Action for Nutrition 2011-2016 o PPAN.
Basi sa PPAN, an entero nasyon an dapat maghiwag para masolbar and problema sa gutom kag malnutrisyon. (EAD-PIA5/Masbate)
No comments:
Post a Comment