By Rogelio Lazaro
CIUDAD SAN MASBATE, Agosto 12 (PIA) -- Makaligad an isad kaadlaw na paghulat, guin tugotan na yana na Lunes an mga stranded na sarakyan-pandagat na damo san karga na pasahero sa Masbate Port na magbiyahe kay pahirayo na an bagyong ‘Labuyo.’
Naghatag na san clearance an Philippine Coast Guard sa mga nasambit na sarakyang-pandagat san ibaba na an anunsyo san bagyo sa Masbate kag mga katarakin na probinsya.
Agod maibetaran an remalaso, guin kanselar kahapon san Coast Guard an pagbiyahe san mga barko sa pantalan san Masbate na matabok sa Ticao Pass, Burias Pass at Visayan Sea.
Sa 671 na pasahero na kadamauan taga Masbate nag-uruli na lang sa inda mga balay san makanselar an biyahe.
Segun sa Montenegro Shipping Lines, yana na aga nagtuna na pagbiyahe an inda roll on-roll off ships kag fastcrafts pakadto sa Bicol Mainland.
Guin cierto naman ni Coast Guard commander Domingo Quian na tuna kanina na alas otso y medya san aga, dayun na an operasyon sa mga pantalan san Masbate City, Cataingan kag Aroroy sa Masbate, Pilar sa Sorsogon kag Pio Duran sa Albay.
Sa guihapon, bagaman guin baba na an anunsyo sa bagyo, padayon na guina padumdom san mga otoridad sa mga tagdiotay na sarakyan-pandagat na dili anay mangahas na maglawod dahilan kay padayon na pilegroso an mabalod na sitwasyon para sa inda.
An ika-dose na bagyo na sumulod sa lado san Pilipinas na si Labuyo, guina asahan na maluwas na buwas na aga. (MAL/RAL-PIA5/Masbate)
CIUDAD SAN MASBATE, Agosto 12 (PIA) -- Makaligad an isad kaadlaw na paghulat, guin tugotan na yana na Lunes an mga stranded na sarakyan-pandagat na damo san karga na pasahero sa Masbate Port na magbiyahe kay pahirayo na an bagyong ‘Labuyo.’
Naghatag na san clearance an Philippine Coast Guard sa mga nasambit na sarakyang-pandagat san ibaba na an anunsyo san bagyo sa Masbate kag mga katarakin na probinsya.
Agod maibetaran an remalaso, guin kanselar kahapon san Coast Guard an pagbiyahe san mga barko sa pantalan san Masbate na matabok sa Ticao Pass, Burias Pass at Visayan Sea.
Sa 671 na pasahero na kadamauan taga Masbate nag-uruli na lang sa inda mga balay san makanselar an biyahe.
Segun sa Montenegro Shipping Lines, yana na aga nagtuna na pagbiyahe an inda roll on-roll off ships kag fastcrafts pakadto sa Bicol Mainland.
Guin cierto naman ni Coast Guard commander Domingo Quian na tuna kanina na alas otso y medya san aga, dayun na an operasyon sa mga pantalan san Masbate City, Cataingan kag Aroroy sa Masbate, Pilar sa Sorsogon kag Pio Duran sa Albay.
Sa guihapon, bagaman guin baba na an anunsyo sa bagyo, padayon na guina padumdom san mga otoridad sa mga tagdiotay na sarakyan-pandagat na dili anay mangahas na maglawod dahilan kay padayon na pilegroso an mabalod na sitwasyon para sa inda.
An ika-dose na bagyo na sumulod sa lado san Pilipinas na si Labuyo, guina asahan na maluwas na buwas na aga. (MAL/RAL-PIA5/Masbate)
No comments:
Post a Comment