By Rogelio Lazaro
CIUDAD SAN MASBATE, Hunyo 27 (PIA) -- Bilang parte san pagbabag-on bayhon san Philippine National Police, 50 sani na destinado sa probinsya san Masbate an ipapaidalom sa katukduan na guina laom na magapatahom sa inda pagkatawo kag ugali.
Paagi san opening ceremonies na guin pangunahan san director san PNP Provincial Integrated Affairs Service sa Masbate na si Senior Insp. Ruben Serrano san Lunes, Hunyo 24, pormal na guin tunaan an character aptitude development enhancement training kag ini aabuton san 45 dias.
Segun kan PNP Deputy Provincial Director Jeffrey Fernandez, an character aptitude development enhancement training an sahog o panakot san Integrated Transformation Program san PNP.
Guin pa-intiende ni Fernandez na an Integrated Transformation Program isad na pangmadugayon na programa na nagamaw-ot na bag-ohon an pamayhon san PNP.
Inako san mga beterano na pulis na an pagkita san kadamuan san nakaligad na dekada, an PNP isad na disorganisado, corrupt kag dili turuodan kag epektibo na organisasyon sa pagpatuman san mga balaod.
Segun kan Fernandez, padayon na babag-ohon san Integrated Transformation Program an imahe san PNP pinaagi san reporma pan-institusyonal, pagpakaayo san inda kapasidad, pagpa-uswag san imprastraktura, pagpasarig san inda relasyon sa komunidad na inda guina serbihan.
Irog sani na paagi segun saiya an makapabalik sa kumpiyansa kag respeto san mga pumuluyo sa pulisya. (MAL/RAL/PIA5-Masbate)
CIUDAD SAN MASBATE, Hunyo 27 (PIA) -- Bilang parte san pagbabag-on bayhon san Philippine National Police, 50 sani na destinado sa probinsya san Masbate an ipapaidalom sa katukduan na guina laom na magapatahom sa inda pagkatawo kag ugali.
Paagi san opening ceremonies na guin pangunahan san director san PNP Provincial Integrated Affairs Service sa Masbate na si Senior Insp. Ruben Serrano san Lunes, Hunyo 24, pormal na guin tunaan an character aptitude development enhancement training kag ini aabuton san 45 dias.
Segun kan PNP Deputy Provincial Director Jeffrey Fernandez, an character aptitude development enhancement training an sahog o panakot san Integrated Transformation Program san PNP.
Guin pa-intiende ni Fernandez na an Integrated Transformation Program isad na pangmadugayon na programa na nagamaw-ot na bag-ohon an pamayhon san PNP.
Inako san mga beterano na pulis na an pagkita san kadamuan san nakaligad na dekada, an PNP isad na disorganisado, corrupt kag dili turuodan kag epektibo na organisasyon sa pagpatuman san mga balaod.
Segun kan Fernandez, padayon na babag-ohon san Integrated Transformation Program an imahe san PNP pinaagi san reporma pan-institusyonal, pagpakaayo san inda kapasidad, pagpa-uswag san imprastraktura, pagpasarig san inda relasyon sa komunidad na inda guina serbihan.
Irog sani na paagi segun saiya an makapabalik sa kumpiyansa kag respeto san mga pumuluyo sa pulisya. (MAL/RAL/PIA5-Masbate)
No comments:
Post a Comment