By Rogelio Lazaro
CIUDAD SAN MASBATE, Hulyo 25 (PIA) -- Itutulak sa sangguniang panlungsod san Masbate na obligaron an mga balay kalingawan na maghatag san condoms sa inda parokyano bilang pangontra sa HIV-AIDS kag mga kapareho na sakit na nakukuha sa sekswal na paagi.
Sa tiripon kahapon, nagdesisyon an Local AIDS Council san Masbate City na hangyuon sa sangguniang panlungsod na amyendaran an ordinansa san ciudad sa sexually transmitted infections agod maging mandamyento sa mga balay kalingawan an pagpanhatag san condom sainda mga parokyano.
An condom isad na instrumento na pansangga sa sakit na nakukuha sa sekswal na pamaagi, makabulig man ini agod maibitaran an posibilidad san pagdamo san sexually transmitted diseases. Base sa listahan san Department of Health san tuig 2012, siyam (9) an kumpirmado na kaso san HIV-AIDS sa probinsya san Masbate.
Sa guihapon, naga tuod an mga eksperto sa sexually transmitted diseases na mas dako pa sani an tunay na numero san HIV-AIDS cases sa Masbate dahilan kay tanan daw na HIV-AIDS dili kilala san ahensya.
Segun kan Lilian del Prado san DOH, dili mahahali an senaryo san pagdamo san HIV-AIDS kag kapareho na STDs sa Masbate kay damo san pantalan an probinsya.
Kadamuan daw san mga tripulante san inter-island vessels naga sulod sa nightclubs, cocktail lounges, massage clinics, videoke bars kag iba pa na kapareho na balay kalingawan na kadamuan makikit-an sa kabisera na ciudad san Masbate.
Sa guina patuman na ordinansa maylabot sa pagkontrol sa STDs, dili guina hatagan san gobierno ciudad san permiso an balay kalingawan kun dili magsumiter san pruweba na nagapamatuod na nag-agi san seminar sa AIDS kag STDs an operator kag mga trabahador sani.
Kun maamyendaran an ordinansa, dili na daw paga tugotan san city hall na magnegosyo an mga balay kalingawan kun wara san supisyente na condom na ihahatag sa mga parokyano. (MAL/RAL/PIA5 Masbate)
CIUDAD SAN MASBATE, Hulyo 25 (PIA) -- Itutulak sa sangguniang panlungsod san Masbate na obligaron an mga balay kalingawan na maghatag san condoms sa inda parokyano bilang pangontra sa HIV-AIDS kag mga kapareho na sakit na nakukuha sa sekswal na paagi.
Sa tiripon kahapon, nagdesisyon an Local AIDS Council san Masbate City na hangyuon sa sangguniang panlungsod na amyendaran an ordinansa san ciudad sa sexually transmitted infections agod maging mandamyento sa mga balay kalingawan an pagpanhatag san condom sainda mga parokyano.
An condom isad na instrumento na pansangga sa sakit na nakukuha sa sekswal na pamaagi, makabulig man ini agod maibitaran an posibilidad san pagdamo san sexually transmitted diseases. Base sa listahan san Department of Health san tuig 2012, siyam (9) an kumpirmado na kaso san HIV-AIDS sa probinsya san Masbate.
Sa guihapon, naga tuod an mga eksperto sa sexually transmitted diseases na mas dako pa sani an tunay na numero san HIV-AIDS cases sa Masbate dahilan kay tanan daw na HIV-AIDS dili kilala san ahensya.
Segun kan Lilian del Prado san DOH, dili mahahali an senaryo san pagdamo san HIV-AIDS kag kapareho na STDs sa Masbate kay damo san pantalan an probinsya.
Kadamuan daw san mga tripulante san inter-island vessels naga sulod sa nightclubs, cocktail lounges, massage clinics, videoke bars kag iba pa na kapareho na balay kalingawan na kadamuan makikit-an sa kabisera na ciudad san Masbate.
Sa guina patuman na ordinansa maylabot sa pagkontrol sa STDs, dili guina hatagan san gobierno ciudad san permiso an balay kalingawan kun dili magsumiter san pruweba na nagapamatuod na nag-agi san seminar sa AIDS kag STDs an operator kag mga trabahador sani.
Kun maamyendaran an ordinansa, dili na daw paga tugotan san city hall na magnegosyo an mga balay kalingawan kun wara san supisyente na condom na ihahatag sa mga parokyano. (MAL/RAL/PIA5 Masbate)
No comments:
Post a Comment