By Rogelio Lazaro
CIUDAD SAN MASBATE, Hulyo 24 (PIA) -- Bagaman pareho san guina laom binagat san protesta san militante na grupo san Bagong Alyansang Makabayan sa ciudad san Masbate ang diskurso sa Kongreso ni Presidente Aquino, sa guihapon nakabaton naman an Sona san positibo na reaksyon hali sa mga lideris san magkapira na sektor.
Sa lado ni Masbate Senior Board Member Kaye Revil, an mensahe ni Presidente Aquino nakapukaw san kaisipan kag huna-huna. Si Revil isad sa mga nagtambong sa Session Hall san Batasang Pambansa na kun-diin naghatag san 88 na beses na palakpak san ihayag na san Presidente an iya Sona.
Pira kaminuto pagkahuman san Sona, nagpaskil si Revil sa Facebook na an mensahe ni Presidente Aquino naka “inspired, moved kag determined” saiya.
Segun naman sa lider san Masbate City Agriculture and Fishery Council na si Adonis dela Cruz, malipay siya kay guin hatagan-duon ni Presidente Aquino an importansya san madagmit kag mas matahom na resulta sa National Irrigation Administration.
Para naman kan Jun Doremon na broadcaster sa dyME, matahom bation an pagsambit san Presidente saiya manual agod maabot an inclusive growth.
Apwera sani, matahom man segun saiya an palaban na tono san Presidente san yugyugon sani an magkapira na ahensya san gobierno kay nagrehistro na talagang bagan pang masa an iya Sona.
Bagaman namundo an broadcaster kay wara mahunambite san Presidente an manungod sa P10 billion pork barrel scam, sa kabilogan nalipay daw siya sa mensahe san Presidente. (MAL/RAL-PIA5/Masbate)
CIUDAD SAN MASBATE, Hulyo 24 (PIA) -- Bagaman pareho san guina laom binagat san protesta san militante na grupo san Bagong Alyansang Makabayan sa ciudad san Masbate ang diskurso sa Kongreso ni Presidente Aquino, sa guihapon nakabaton naman an Sona san positibo na reaksyon hali sa mga lideris san magkapira na sektor.
Sa lado ni Masbate Senior Board Member Kaye Revil, an mensahe ni Presidente Aquino nakapukaw san kaisipan kag huna-huna. Si Revil isad sa mga nagtambong sa Session Hall san Batasang Pambansa na kun-diin naghatag san 88 na beses na palakpak san ihayag na san Presidente an iya Sona.
Pira kaminuto pagkahuman san Sona, nagpaskil si Revil sa Facebook na an mensahe ni Presidente Aquino naka “inspired, moved kag determined” saiya.
Segun naman sa lider san Masbate City Agriculture and Fishery Council na si Adonis dela Cruz, malipay siya kay guin hatagan-duon ni Presidente Aquino an importansya san madagmit kag mas matahom na resulta sa National Irrigation Administration.
Para naman kan Jun Doremon na broadcaster sa dyME, matahom bation an pagsambit san Presidente saiya manual agod maabot an inclusive growth.
Apwera sani, matahom man segun saiya an palaban na tono san Presidente san yugyugon sani an magkapira na ahensya san gobierno kay nagrehistro na talagang bagan pang masa an iya Sona.
Bagaman namundo an broadcaster kay wara mahunambite san Presidente an manungod sa P10 billion pork barrel scam, sa kabilogan nalipay daw siya sa mensahe san Presidente. (MAL/RAL-PIA5/Masbate)
No comments:
Post a Comment