By Rogelio Lazaro
CIUDAD SAN MASBATE, Agosto 14 (PIA) -- Sobra sisenta (60) na narses sa mga pampubliko na eskwelahan kag sentrong panlungsod na pabulungan sa probinsya san Masbate an magatapos yana na Huwebes sa duha kaadlaw na pagtutukdo sa pag-eksamin sa mga sakit sa mata.
Ini na mga narses an magahiwat san eksaminasyon sa mata san mga estudyante kag mga indibidwal na nagaayo san bulig sa mga panlungsod na pabulungan agod macierto an mga may diperinsya sa mata.
Sinabi san lider san mga nagtutukdo na si Mavis Campos san Cataract Foundation Philippine Inc., an may mga katarata na waran pambayad sa operasyon igwa san tsansa na maoperahan san libre sa medical mission na pagahimuon sa Masbate san inda grupo sa maabot na Oktubre.
Segun kan Mavis, an katarata bagan dampog na nagasalipud sa lente san mata kag magiging kawsa san pagdulom sa pangita. Ini an pinaka-ordinaryo na kawsa san pagkabuta.
Sa ospital sa Masbate na naga-opera san katarata, sobra P16,000 an guina sukot sa kada mata na paga-operahan.
Sa karkulasyon lampas sa 25,000 na pumuluyo sa Masbate an igwa san katarata.
Apwera sa pagtutukdo maylabot sa optalmolohiya, tutukduan man an mga narses kun pan-o maibitaran an pagkabungol.
Sinabi ni Mavis an naanadan na paggamit san cotton buds o swab sa paglinis sa talenga an pinaka-ordinaryo na kawsa san hearing loss kay nakasira ini sa ear drum.
An libre na serbisyo san Cataract Foundation Philippines Inc. suportado san Rotary Club of Masbate kag Rotary Club of Canberra san Australia.
Sa pag-urusad san duha na Rotary club kag Cataract Foundation Philippine Inc. may klaro na paglaom kag tsansa na magpawa an pangita kag pagbati san mga nasa peligro na mabuta kag mabungol dahilan san katarata kag dili tama na paggawi sa talenga. (MAL/RAL-PIA5 Masbate)
CIUDAD SAN MASBATE, Agosto 14 (PIA) -- Sobra sisenta (60) na narses sa mga pampubliko na eskwelahan kag sentrong panlungsod na pabulungan sa probinsya san Masbate an magatapos yana na Huwebes sa duha kaadlaw na pagtutukdo sa pag-eksamin sa mga sakit sa mata.
Ini na mga narses an magahiwat san eksaminasyon sa mata san mga estudyante kag mga indibidwal na nagaayo san bulig sa mga panlungsod na pabulungan agod macierto an mga may diperinsya sa mata.
Sinabi san lider san mga nagtutukdo na si Mavis Campos san Cataract Foundation Philippine Inc., an may mga katarata na waran pambayad sa operasyon igwa san tsansa na maoperahan san libre sa medical mission na pagahimuon sa Masbate san inda grupo sa maabot na Oktubre.
Segun kan Mavis, an katarata bagan dampog na nagasalipud sa lente san mata kag magiging kawsa san pagdulom sa pangita. Ini an pinaka-ordinaryo na kawsa san pagkabuta.
Sa ospital sa Masbate na naga-opera san katarata, sobra P16,000 an guina sukot sa kada mata na paga-operahan.
Sa karkulasyon lampas sa 25,000 na pumuluyo sa Masbate an igwa san katarata.
Apwera sa pagtutukdo maylabot sa optalmolohiya, tutukduan man an mga narses kun pan-o maibitaran an pagkabungol.
Sinabi ni Mavis an naanadan na paggamit san cotton buds o swab sa paglinis sa talenga an pinaka-ordinaryo na kawsa san hearing loss kay nakasira ini sa ear drum.
An libre na serbisyo san Cataract Foundation Philippines Inc. suportado san Rotary Club of Masbate kag Rotary Club of Canberra san Australia.
Sa pag-urusad san duha na Rotary club kag Cataract Foundation Philippine Inc. may klaro na paglaom kag tsansa na magpawa an pangita kag pagbati san mga nasa peligro na mabuta kag mabungol dahilan san katarata kag dili tama na paggawi sa talenga. (MAL/RAL-PIA5 Masbate)
No comments:
Post a Comment