CIUDAD SAN MASBATE, Sept. 4 (PIA) – Paga himuon yana na hapon an konsultasyon manungod sa plano san Philippine Ports Authority na manukot san terminal building fee sa mga pasahero san barko na paluwas sa pantalan san ciudad san Masbate.
An public hearing magatuna banda ala-una y medya san hapon sa opisina san PPA sa ciudad san Masbate.
An katuyuan san konsultasyon na makuha an sentimyento san publiko sa plano san PPA na manukot san P35 sa kada pasahero na masakay sa mga sarakyan pandagat na paluwas sa ciudad.
Segun a pamunuan san PPA, an matitipon sa terminal fee gagamiton san ahensya na pambayad sa inda utang na ginamit pagpahimo san isad na komportable na building na pasirungan san mga pasahero.
An pantalan san Masbate na bagay sa roll-on-roll-off type na barko, nabag-o an imahe pakatapos na pahilapadan kag patindugan san passengers’ lounge.
Bagaman guina sat-om na an pagsalungat san mga miyembro san lokal na konseho kag consumers advocacy groups, naga laom sa guihapon an pamunuan san PPA na magkakasundo man an PPA kag publiko sa nababagay na pitad para sa ikaayo san pantalan.
Segun sa mga miyembro san junta probinsyal na nagareklamo sa plano, inda paga himay-himayon ini na plano sa PPA kay segun pa sainda dagdag ini na pabug-at sa mga pumuluyo san Masbate. (RAL-PIA5/Masbate)
An public hearing magatuna banda ala-una y medya san hapon sa opisina san PPA sa ciudad san Masbate.
An katuyuan san konsultasyon na makuha an sentimyento san publiko sa plano san PPA na manukot san P35 sa kada pasahero na masakay sa mga sarakyan pandagat na paluwas sa ciudad.
Segun a pamunuan san PPA, an matitipon sa terminal fee gagamiton san ahensya na pambayad sa inda utang na ginamit pagpahimo san isad na komportable na building na pasirungan san mga pasahero.
An pantalan san Masbate na bagay sa roll-on-roll-off type na barko, nabag-o an imahe pakatapos na pahilapadan kag patindugan san passengers’ lounge.
Bagaman guina sat-om na an pagsalungat san mga miyembro san lokal na konseho kag consumers advocacy groups, naga laom sa guihapon an pamunuan san PPA na magkakasundo man an PPA kag publiko sa nababagay na pitad para sa ikaayo san pantalan.
Segun sa mga miyembro san junta probinsyal na nagareklamo sa plano, inda paga himay-himayon ini na plano sa PPA kay segun pa sainda dagdag ini na pabug-at sa mga pumuluyo san Masbate. (RAL-PIA5/Masbate)
No comments:
Post a Comment