BY: ROGELIO LAZARO
CIUDAD SAN MASBATE, Oktubre 9 (PIA) – Inpahiwag na san opisina san Commission on Elections sa Masbate an mga ahensya na diputado san komisyon para macierto an sapat na preparasyon para sa nagadangadang na pirilian sa barangay.
Sa command conference na guin hiwat kahapon sa ciudad san Masbate, umapela si Masbate Provincial Election Supervisor Alberto Cañares III sa mga kaabaga san komisyon na magpreparar gayud sa posible na saramok sa dalagan san eleksyon sa Oktubre 28.
Guin padudom ni Cañares na bagaman, matawhay kag matuninong an synchronized national and local elections sa Masbate san nakaligad na Mayo kag san tuig 2010, na burdahan san kasamok kag pag-ilig san dugo an eleksyon sa barangay san tuig 2010.
Maylabot sani, inbutang na sa watchlist san pulisya an lampas sa katunga sa kabilugan na 550 barangay sa probinsya kay posible na sa mga lugar na ini mangyari an saramok kawsa san mga rebeldeng komunista o an mainit na pag-aragaw sa pwesto san mga kandidato.
Nag promisa naman an commanding officer san Philippine Army na si Col. Samuel Felipe na ihahatag san iya tropa an proteksyon sa mga sinakupan san gobierno na masirbe sa adlaw san pirilian kag bilangan bagaman mas diotay an iya pwersa kumpara san tropa na guin kuriyat sa Masbate san Mayo 13 mid-term elections.
Para mahali an kalituhan, guin detalye kag inklaro ni Cañares an mga resolutions na ipapatuman san Comelec kag dapat sundon san Philippine National Police, Armed Forces of the Philippines, Department of Education, Department of Justice kag iba pa na mga ahensya na diputado san komisyon.
An tanan na diputado na ahensya nagpadara san representate sa command conference kag segun kan Cañares masusundan pa ini antes an adlaw san eleksyon. (RAL-PIA5/Masbate)
CIUDAD SAN MASBATE, Oktubre 9 (PIA) – Inpahiwag na san opisina san Commission on Elections sa Masbate an mga ahensya na diputado san komisyon para macierto an sapat na preparasyon para sa nagadangadang na pirilian sa barangay.
Sa command conference na guin hiwat kahapon sa ciudad san Masbate, umapela si Masbate Provincial Election Supervisor Alberto Cañares III sa mga kaabaga san komisyon na magpreparar gayud sa posible na saramok sa dalagan san eleksyon sa Oktubre 28.
Guin padudom ni Cañares na bagaman, matawhay kag matuninong an synchronized national and local elections sa Masbate san nakaligad na Mayo kag san tuig 2010, na burdahan san kasamok kag pag-ilig san dugo an eleksyon sa barangay san tuig 2010.
Maylabot sani, inbutang na sa watchlist san pulisya an lampas sa katunga sa kabilugan na 550 barangay sa probinsya kay posible na sa mga lugar na ini mangyari an saramok kawsa san mga rebeldeng komunista o an mainit na pag-aragaw sa pwesto san mga kandidato.
Nag promisa naman an commanding officer san Philippine Army na si Col. Samuel Felipe na ihahatag san iya tropa an proteksyon sa mga sinakupan san gobierno na masirbe sa adlaw san pirilian kag bilangan bagaman mas diotay an iya pwersa kumpara san tropa na guin kuriyat sa Masbate san Mayo 13 mid-term elections.
Para mahali an kalituhan, guin detalye kag inklaro ni Cañares an mga resolutions na ipapatuman san Comelec kag dapat sundon san Philippine National Police, Armed Forces of the Philippines, Department of Education, Department of Justice kag iba pa na mga ahensya na diputado san komisyon.
An tanan na diputado na ahensya nagpadara san representate sa command conference kag segun kan Cañares masusundan pa ini antes an adlaw san eleksyon. (RAL-PIA5/Masbate)
No comments:
Post a Comment