BY: ROGELIO LAZARO
CIUDAD SAN MASBATE, Okt. 10 (PIA) – Nalipay an representante san International Labor Orgnization sa na-accomplished san Masbate sa kampanya kontra sa child labor.
Sa tiripon kahapon sa ciudad san Masbate maylabot sa pagtatapos san proyekto san ILO na guina tawag na International Program for the Elimination of Child Labor o IPEC, sinabi ni ILO-IPEC program officer Bharati Pflug na tapos na an misyon san IPEC na pukawon an pagmangno san Masbatenyos sa child labor kag base saiya obserbasyon committed kag preparado na an probinsya na manindugan sa pagsalbar sa mga batang obrero.
Magkapira saiya guin basehan an inpasar san Masbate na provincial ordinance na nagaseguro na igwa san anti-child labor program sa probinsya.
Katuyuan san programa na hatagan san desente kag produktibo na hanapbuhay an mga ginikanan san mga batang obrero para makabalik sinda sa eskwelahan. Sa luyo na bahin, may penalidad naman para sa mga magpatrabaho sa bata.
Nakahimo man an Masbate san isad na sistema para subaybayan an mga bata na sangkot sa mga peligroso na hitsura san child labor pareho san pagbuso san mga produktong dagat, pagmimina kag pagkalkal san basura.
Sa idalom san tulo-katuig na proyekto na IPEC, an mga munisipyo san Aroroy kag Cawayan kag ciudad san Masbate an naging pilot areas kag sa bulig san funding assistance san ILO, napukaw san binilog na Provincial Anti-Child Labor Committee an mga nasambit na lokalidad para maghiwag kontra child labor.
Base sa isad a survey na guin hiwat sa Aroroy, Cawayan kag Masbate para sa IPEC, igwa san lampas 9,000 na mga bata an naga trabaho o nag-udong pag-eskwela para mag hanap-buhay.
Sa testimonya san mga pamilya san mga batang obrero na nagtambong sa tiripon, nakita na pira kagatus naman an nahaw-as sa mapait na kamutangan dahilan kay nahatagan san Department of Labor san pangbuhayan an inda mga ginikanan.
Segun kan Bharati, damo pa san dapat na mahaw-as, pero saiya nabati kag nakita, kumpiyansa siya na preparado na an Masbate na pas-anon an pag-agyat o hamon. (MAL/RAL-PIA5/Masbate)
CIUDAD SAN MASBATE, Okt. 10 (PIA) – Nalipay an representante san International Labor Orgnization sa na-accomplished san Masbate sa kampanya kontra sa child labor.
Sa tiripon kahapon sa ciudad san Masbate maylabot sa pagtatapos san proyekto san ILO na guina tawag na International Program for the Elimination of Child Labor o IPEC, sinabi ni ILO-IPEC program officer Bharati Pflug na tapos na an misyon san IPEC na pukawon an pagmangno san Masbatenyos sa child labor kag base saiya obserbasyon committed kag preparado na an probinsya na manindugan sa pagsalbar sa mga batang obrero.
Magkapira saiya guin basehan an inpasar san Masbate na provincial ordinance na nagaseguro na igwa san anti-child labor program sa probinsya.
Katuyuan san programa na hatagan san desente kag produktibo na hanapbuhay an mga ginikanan san mga batang obrero para makabalik sinda sa eskwelahan. Sa luyo na bahin, may penalidad naman para sa mga magpatrabaho sa bata.
Nakahimo man an Masbate san isad na sistema para subaybayan an mga bata na sangkot sa mga peligroso na hitsura san child labor pareho san pagbuso san mga produktong dagat, pagmimina kag pagkalkal san basura.
Sa idalom san tulo-katuig na proyekto na IPEC, an mga munisipyo san Aroroy kag Cawayan kag ciudad san Masbate an naging pilot areas kag sa bulig san funding assistance san ILO, napukaw san binilog na Provincial Anti-Child Labor Committee an mga nasambit na lokalidad para maghiwag kontra child labor.
Base sa isad a survey na guin hiwat sa Aroroy, Cawayan kag Masbate para sa IPEC, igwa san lampas 9,000 na mga bata an naga trabaho o nag-udong pag-eskwela para mag hanap-buhay.
Sa testimonya san mga pamilya san mga batang obrero na nagtambong sa tiripon, nakita na pira kagatus naman an nahaw-as sa mapait na kamutangan dahilan kay nahatagan san Department of Labor san pangbuhayan an inda mga ginikanan.
Segun kan Bharati, damo pa san dapat na mahaw-as, pero saiya nabati kag nakita, kumpiyansa siya na preparado na an Masbate na pas-anon an pag-agyat o hamon. (MAL/RAL-PIA5/Masbate)
No comments:
Post a Comment