CIUDAD SAN MASBATE, Nob. 19 (PIA) – Mas matahom na family development sessions an handom na makukuha san mga benepisaryo san Pantawid Pamilyang Pilipino Program sa probinsya san Masbate matapos na magkasundo an Department of Social Welfare and Development sa Bicol kag san isad na non-government organization na magtambal sa pagpatadung sa kustombre san mga benepisaryo.
Sa idalom san kontrata, magasirbe an National Auxiliary Chaplaincy Philippines, Inc. o NACPHIL bilang gabay sa paggiya sa mga benepisaryo pakadto sa pagiging tadong kag mauswag na pumuluyo.
Segun sa DSWD Bicol regional office, iaambag san NACPHIL an inda halawig na kaaraman agod mas mapatahom pa an FDS o family development session na guina himo san DSWD.
Segun kan DSWD Regional Director Arnel Garcia, an partnership san DSWD kag NACPHIL an magahatag san poder sa mga benepisaryo na maangkon an bag-o na talento kag kaaraman.
An kontrata sa tunga san duha na partido pinirmahan sa DSWD office sa Legazpi City san nakaligad na Viernes, Nobiembre 15.
An 4Ps an human development program san gobierno nasyonal na namumuhan sa ikaayon lawas (health), edukasyon san mga nagatios na pamilya.
Sa Masbate na pinaka-imol na probinsya sa Bikolandia, lampas 80,000 o haros katunga san kabilugan na household population sani benepisaryo san 4Ps. (MAL/RAL-PIA5/Masbate)
Sa idalom san kontrata, magasirbe an National Auxiliary Chaplaincy Philippines, Inc. o NACPHIL bilang gabay sa paggiya sa mga benepisaryo pakadto sa pagiging tadong kag mauswag na pumuluyo.
Segun sa DSWD Bicol regional office, iaambag san NACPHIL an inda halawig na kaaraman agod mas mapatahom pa an FDS o family development session na guina himo san DSWD.
Segun kan DSWD Regional Director Arnel Garcia, an partnership san DSWD kag NACPHIL an magahatag san poder sa mga benepisaryo na maangkon an bag-o na talento kag kaaraman.
An kontrata sa tunga san duha na partido pinirmahan sa DSWD office sa Legazpi City san nakaligad na Viernes, Nobiembre 15.
An 4Ps an human development program san gobierno nasyonal na namumuhan sa ikaayon lawas (health), edukasyon san mga nagatios na pamilya.
Sa Masbate na pinaka-imol na probinsya sa Bikolandia, lampas 80,000 o haros katunga san kabilugan na household population sani benepisaryo san 4Ps. (MAL/RAL-PIA5/Masbate)
No comments:
Post a Comment