CIUDAD SAN MASBATE, Nob. 25 (PIA) – Ligtas na sa red tide toxin an mga tagunhason sa munisipyo san Milagros sa Masbate kaya pwede na magkaon sani.
Sa urhi na shellfish bulletin na guin paluwas san Bureau of Fisheries and Aquatic Resources (BFAR), negatibo na sa paralytic shellfish poison or red tide toxin an baybayon na sakop san Milagros.
Segun sa ahensya, ligtas na magkaon kag pwede na magbaligya sa merkado san tagunhason pareho san hipon kag talaba na makukuha sa baybayon san Milagros.
Tinaas an red tide alert sa Milagros paagi sa shellfish bulletin No. 19 na guin paluwas san BFAR san Agosto 5.
Latob o suntok an sumunod na lampas tulo kabulan na shellfish ban sa fisherfolk san Milagros na nagaluwas san tagunhason sa merkado san ciudad san Masbate kag sa mga ciudad sa Bicol mainland kag Metro Manila.
Sa shellfish bulletin No.27 na guin paluwas san BFAR san Nobyembre 19, guin saysay ni BFAR Director Asis Perez na kaupod an Milagros sa mga lugar na bumaba na an red tide toxin.
Kasabay sani, nagpadumdom sa guihapon an lokal na ahensya san BFAR sa mga lokal na gobierno na ugalion an pag-inspeksyon sa mga dinara na tagunhason sa mga merkado sa kada munisipyo. (MAL/RAL-PIA5/Masbate)
Sa urhi na shellfish bulletin na guin paluwas san Bureau of Fisheries and Aquatic Resources (BFAR), negatibo na sa paralytic shellfish poison or red tide toxin an baybayon na sakop san Milagros.
Segun sa ahensya, ligtas na magkaon kag pwede na magbaligya sa merkado san tagunhason pareho san hipon kag talaba na makukuha sa baybayon san Milagros.
Tinaas an red tide alert sa Milagros paagi sa shellfish bulletin No. 19 na guin paluwas san BFAR san Agosto 5.
Latob o suntok an sumunod na lampas tulo kabulan na shellfish ban sa fisherfolk san Milagros na nagaluwas san tagunhason sa merkado san ciudad san Masbate kag sa mga ciudad sa Bicol mainland kag Metro Manila.
Sa shellfish bulletin No.27 na guin paluwas san BFAR san Nobyembre 19, guin saysay ni BFAR Director Asis Perez na kaupod an Milagros sa mga lugar na bumaba na an red tide toxin.
Kasabay sani, nagpadumdom sa guihapon an lokal na ahensya san BFAR sa mga lokal na gobierno na ugalion an pag-inspeksyon sa mga dinara na tagunhason sa mga merkado sa kada munisipyo. (MAL/RAL-PIA5/Masbate)
No comments:
Post a Comment