Masbateño news: Bakante na mga trabaho sa Masbate abierto, segun sa CSC
By Rogelio Lazaro
CIUDAD SAN MASBATE, Abril 24 (PIA) -- Guin hayag san nakaligad na Viernes san Civil Service Commission na igwa san 39 na bakante para sa teaching force sa Masbate an Department of Education.
Base sa patalastas na guin paskel sa Facebook page san CSC field office sa Masbate, an mga bakante para sa para tukdo, school principal, guidance counselor kag librarian.
Igwa san 24 na bakante para sa teacher I; onse na guidance counselor; tulo na head teacher; isad na teacher III, duha na school principal I; isad na school principal II kag duha na librarian.
Kinahanglan may current RA 1080 license an mga aplikante, wara naman nahayag san CSC an eksakto na lugar kun-diin madedestino an mababaton sa mga nahunambitan na trabaho.
An hiring kaparte sa obhito san gobierno na masabat an kinahanglan na tawohan sa mga pampubliko na eskwelahan sa probinsya na kun-diin tumaas an numero san populasyon san eskwela yana na tuig.
Sa mga naga maw-ot na magsirbe sa public schools sa probinsya bumisita lang sa CSC field office sa Masbate City. (MAL/RAL-PIA5/Masbate)
No comments:
Post a Comment