Masbateño news: Ga eskwela sa Masbate, nakabaton san libre na gamit pang-eskwelahan
By Rogelio Lazaro
CIUDAD SAN MASBATE, Hunyo 10 (PIA) -- Naghiwat kahapon an pinakahataas na opisyal san pulisya sa Bikolandia san routine security inspections sa mga pampubliko na eskwelahan sa ciudad san Masbate agod macierto an trangkilidad sa utro na pag-abre san klase sa elementarya kag sekondarya.
Banda alas sais san aga umabot sa Masbate si PNP Regional Director Clarence Guinto kag dayun kumadto kag magtalibud san mga eskwelahan sa ciudad agod kitaon an security measures na guinpatuman san pulisya.
Guin kita ni Chief Supt. Guinto an Oplan Balik Eskwela help desks na pinorma sa mga eskwelahan kag guina manihar san mga pulis kag mga opisyal san barangay.
Nanghatag man an police general san school supplies sa mga estudyante san Barangay Espinosa Elementary School san magduaw ini sa nahunambitan na eskwelahan.
Pira kadosena na mga para-adal an nakabaton san libre na gamit pang klase hali kan Guinto.
Segun sa Masbate Police Provincial Office, kadamuan san mga naga-adal sa Barangay Espinosa Elementary School mga anak san kapus-palad kaya guin maw-ot san regional director san PNP na mahalapit sa mga pobre na eskwela, mga ginikanan kag maestra san mga ini.
Kaupod sa pagtalibud ni Chief Supt. Guinto an iya second-in-command na si Sr. Supt. Arnold Albis kag an provincial director san PNP sa Masbate na si Sr. Supt. Heriberto Olitoquit. (MAL/RAL-PIA5/Masbate)
By Rogelio Lazaro
CIUDAD SAN MASBATE, Hunyo 10 (PIA) -- Naghiwat kahapon an pinakahataas na opisyal san pulisya sa Bikolandia san routine security inspections sa mga pampubliko na eskwelahan sa ciudad san Masbate agod macierto an trangkilidad sa utro na pag-abre san klase sa elementarya kag sekondarya.
Banda alas sais san aga umabot sa Masbate si PNP Regional Director Clarence Guinto kag dayun kumadto kag magtalibud san mga eskwelahan sa ciudad agod kitaon an security measures na guinpatuman san pulisya.
Guin kita ni Chief Supt. Guinto an Oplan Balik Eskwela help desks na pinorma sa mga eskwelahan kag guina manihar san mga pulis kag mga opisyal san barangay.
Nanghatag man an police general san school supplies sa mga estudyante san Barangay Espinosa Elementary School san magduaw ini sa nahunambitan na eskwelahan.
Pira kadosena na mga para-adal an nakabaton san libre na gamit pang klase hali kan Guinto.
Segun sa Masbate Police Provincial Office, kadamuan san mga naga-adal sa Barangay Espinosa Elementary School mga anak san kapus-palad kaya guin maw-ot san regional director san PNP na mahalapit sa mga pobre na eskwela, mga ginikanan kag maestra san mga ini.
Kaupod sa pagtalibud ni Chief Supt. Guinto an iya second-in-command na si Sr. Supt. Arnold Albis kag an provincial director san PNP sa Masbate na si Sr. Supt. Heriberto Olitoquit. (MAL/RAL-PIA5/Masbate)
No comments:
Post a Comment