BY: ROGELIO LAZARO
CIUDAD SAN MASBATE, Sept. 10 (PIA) – Guin inkaher san Philippine Coconut Authority an mga gobierno lokal sa probinsya san Masbate na matindog san coconut seedling nursery para buligan an mga para kopra na mag-uswag an inda industriya.
An suhistyon guin hayag ni senior agriculturist Gerry Bacolod san PCA Masbate Field Office san makipagdayalogo siya mga para kopra sa Barangay Maingaran sa ciudad san Masbate san nakaligad na mga adlaw.
PCA an ahensiya san gobierno sa idalom san Opisina san Agrikultura na responsable sa pagpauswag san koprahn kag iba pa na palm oil industries sa bilog na potensyal sani maylabot sa bisyon na “efficient kag globally competitive” na industriya.
Incierto ni Bacolod na kun matindog an coconut nurseries sa Masbate, makaproduser san mas maayo na klase san coco seed nuts na bagay na pangbalyo sa maluya na klase san native na lubi.
Nursery an lugar na kun-diin an mga pananom guina padamo kag guina padaragko hasta na pwede na ini itanom san tanuman.
An ekonomiya san Masbate guina pangunahan san agrikultura, lubi an primero na guina kuhaan san pangabuhay kag kita san mga tawo. Sa karkulasyon 60,000 MT an copra production sa Masbate kada tuig na naga kantidad san 540 milyones de pesos.
Segun kan Bacolod, direkta na mapakinabangan san mga para kopra sa Masbate an mga seednut nurseries dahilan kay mas barato segun saiya an gasto kumpara sa pag-angkat san seedling hali sa iba na probinsya.
An napulo na ektarya san seed nut nursery segun saiya pwede na magkaigwa san kapasidad na butangan san 20,000 na seed nuts.
San nakaligad na mga adlaw nagdistribwer an PCA sa mga para kopra sa ciudad san Masbate san 30,000 na Tacunan coco seed nuts.
Mas maayo na klase san puno san lubi an Tacunan kay kaya sani mamunga san hasta isad kagatus na isad na pamungahan. Apwera sani, mas damo san lana an kopra sani kag mas matibay an puno kontra bagyo.
An distribyusyon san PCA san mas matahom na klase san lubi parte san guin lansar sani na pangmadugayon na programa para buhayon an industriya na hinay-hinay na guina patay dahilan san pagnegosyo san tabla kag kahoy hali didi kag an dili pagsangli san mga gurang na napuno san lubi. (MAL/RAL-PIA5/Masbate)
CIUDAD SAN MASBATE, Sept. 10 (PIA) – Guin inkaher san Philippine Coconut Authority an mga gobierno lokal sa probinsya san Masbate na matindog san coconut seedling nursery para buligan an mga para kopra na mag-uswag an inda industriya.
An suhistyon guin hayag ni senior agriculturist Gerry Bacolod san PCA Masbate Field Office san makipagdayalogo siya mga para kopra sa Barangay Maingaran sa ciudad san Masbate san nakaligad na mga adlaw.
PCA an ahensiya san gobierno sa idalom san Opisina san Agrikultura na responsable sa pagpauswag san koprahn kag iba pa na palm oil industries sa bilog na potensyal sani maylabot sa bisyon na “efficient kag globally competitive” na industriya.
Incierto ni Bacolod na kun matindog an coconut nurseries sa Masbate, makaproduser san mas maayo na klase san coco seed nuts na bagay na pangbalyo sa maluya na klase san native na lubi.
Nursery an lugar na kun-diin an mga pananom guina padamo kag guina padaragko hasta na pwede na ini itanom san tanuman.
An ekonomiya san Masbate guina pangunahan san agrikultura, lubi an primero na guina kuhaan san pangabuhay kag kita san mga tawo. Sa karkulasyon 60,000 MT an copra production sa Masbate kada tuig na naga kantidad san 540 milyones de pesos.
Segun kan Bacolod, direkta na mapakinabangan san mga para kopra sa Masbate an mga seednut nurseries dahilan kay mas barato segun saiya an gasto kumpara sa pag-angkat san seedling hali sa iba na probinsya.
An napulo na ektarya san seed nut nursery segun saiya pwede na magkaigwa san kapasidad na butangan san 20,000 na seed nuts.
San nakaligad na mga adlaw nagdistribwer an PCA sa mga para kopra sa ciudad san Masbate san 30,000 na Tacunan coco seed nuts.
Mas maayo na klase san puno san lubi an Tacunan kay kaya sani mamunga san hasta isad kagatus na isad na pamungahan. Apwera sani, mas damo san lana an kopra sani kag mas matibay an puno kontra bagyo.
An distribyusyon san PCA san mas matahom na klase san lubi parte san guin lansar sani na pangmadugayon na programa para buhayon an industriya na hinay-hinay na guina patay dahilan san pagnegosyo san tabla kag kahoy hali didi kag an dili pagsangli san mga gurang na napuno san lubi. (MAL/RAL-PIA5/Masbate)
No comments:
Post a Comment